Greziako Gobernua erreformak onartzeko estrategia zehazten ari da jada
Greziako Gobernua osatzen duten alderdiak, Syriza ezkertiarra eta Greziar Independenteak nazionalistak, bilduta daude Parlamentuan onartu behar duten lehen neurri sortari begira estrategia zehazteko, eurogunearekin akordioa lortu ostean.
Hirugarren erreskateari buruzko negoziazioak hasteko lortutako akordioak hautsak harrotu ditu bi alderdiotan, hori dela eta, aurreikusi dute lehen lege-sorta soilik oposizioko babesarekin onartu ahal izango dela.
Panayotis Lafazanis Energia ministroak atzo esan zuen ez duela akordioaren alde bozkatuko, baina ez zuela dimititzeko asmorik.
Gaur, asteartea, Lafazanis Syrizako Plataforma Ezkertiarra deitutakoaren buruak Alexis Tsipras lehen ministroari eta Gobernuari atzera egiteko eta akordioa ez babesteko eskatu dio.
Lafazanisek ez zuen babestu Gobernua aurreko astean Bruselarekin negoziatzeko. Baina ministro horrekin batera, Syrizako beste 30 diputatuk ere ez zuten babestu -149 dira guztira-, gehienek abstentzioen bidez, bozketan parte hartu gabe, eta bik kontrako botoa eman zuten.
Gainera, beste 15ek alde bozkatu bazuten ere, atxikimendua eman zioten kritikoak babesteko gutun bati.
Horien artean Nikos Juntis Kanpo Arazoetarako ministrordea zegoen eta, atzo, dimisioa ematen lehena izan zen.
Bere kargua, halere, alderdiko zerrendan dagoen hurrengoak hartuko du, eta hori ere Syrizako ildo ezkertiarretik dator.
Egoera kritikoa da, halaber, Greziar Independenteak alderdiaren kideen artean. Panos Kamenos Defentsa ministro eta alderdiko buruak adierazi zuen bere alderdiak Gobernua babesten jarraituko zuela, beti ere koalizioan oposizioa sartzen ez badu, baina akordioa ez zuela babestuko.
Gaur, Gobernuko hainbat kidek eta diputatuk berretsi egin dute, bileran parte hartu baino lehen, Tsipras eta akordioa babestuko dutela, konpromiso hori orain arte Syrizak defendatu duen politikaren kontrakoa bada ere, Greziar Independenteekin gertatzen den bezala.
Momentuz ez dago argi zer erabakiko duen Tsiprasek, biharko bozketa garrantzitsuaren harian; lehen neurri sorta horren bozketak baldintzatuko du hirugarren erreskateko negoziazioen hastapena.
Hainbat aukera daude, batetik, gauzak bere horretan mantentzea, hau da, Gobernua aldatu barik eta koalizioa handitu gabe eta, bestetik, bozketan oposizioko botoez baliatzea.
Zure interesekoa izan daiteke
Tubos Reunidoseko Amurrioko eta Trapagarango batzordeek bilera egingo dute gaur, EEEaren inguruko jarrera erabakitzeko
Enplegu Erregulazio Espedienteak bi lantokiri eragiten dien arren, enpresak espediente bakar gisa negoziatu nahi du. Horregatik, jarrera komun bat ezarri nahi dute bi batzordeek.
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.
KPIa bost hamarren moteldu da espainiar estatuan urtarrilean, % 2,4raino
Hiru hilabetez jarraian jaitsi da KPIa, 2025eko urrian azken 16 hilabeteetan izandako igoerarik handiena ( % 3,1) jasan ostean.
Lanbide arteko gutxieneko soldata % 3,1 igotzea adostu du Espainiako Gobernuak CCOO eta UGT sindikatuekin
CEOE eta Cepyme patronalek ez dute igoera babestu. Lanbide arteko gutxieneko soldata hilean 1.221 eurokoa izango da (14 paga), 518 euro gehiago urtean, eta neurriak atzerako eragina izango du 2026ko urtarrilaren 1etik aurrera.
Traktoreak kalera atera dira gaur Bilbon, Iruñean eta Gasteizen, EBren eta Mercosurren arteko akordioaren aurka
Bilbon San Mameseko zabalgunean elkartu dira 10:00etan, Gasteizen 10:30ean irten dira Eusko Jaurlaritzaren egoitzatik, eta Iruñean manifestazioa egingo dute, 17:00etan, Baluarteko plazatik abiatuta.