Bost liberako billete berria dute Erresuma Batuan, plastikozkoa
Hilaren 13 honetatik, bost liberako billete berria dute britainiarrek kutxazainetan, polimeroz egindakoa (plastiko fin eta malgu bat).
Ingalaterrako Bankuak jakinarazi duenez, ura eta zikinkeria jasaten ditu, eta, beraz, denbora gehiago irauten du, paperezkoak baino bost urte gehiago, gutxi gorabehera.
Ingurumenari ere mesede egiten dio billete berriak, gehiago iraungo duenez, inpresio kopuru gutxiago egin behar dituztelako, eta energia eta garraioa aurreztea ekarriko du horrek. Horrez gain, birzikla daiteke.
Seguruago ere bada billetea. Faltsutzeak saihesteko, bazterrak kolorez aldatzen diren leihotxo garden bat du, eta horrek duen hologramak forma aldatzen du mugitzen denean.
Paperezko billeteak baino % 15 txikiagoak dira plastikozko hauek. Hala, tolestu eta diru-zorroan eraman daitezke, eta kontatzeko errazagoak ere ba omen dira.
Alde batean, Elisabet II.aren aurpegia du, eta bestean, Winston Churchillena.
Laster, 10 eta 20 liberakoak ere bai
Paperezko billeteak 2017ko maiatzera arte erabili ahalko dira. Hortik aurrera, Ingalaterrako Bankuan bakarrik aldatu ahalko dira.
Laster, 10 eta 20 liberako billeteak ere, polimeroz eginda egongo dira.
Munduan 30 bat herrialdetan erabiltzen dituzte plastikozko billeteak; besteak beste, Australian, Zeelanda Berria, Mexikon, Singapurren eta Kanadan.
Albiste gehiago ekonomia
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.
Azken egunetako txingorrak kalte "oso handia" eragin du Arabako Errioxako mahastietan
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuaren arabera, Samaniego, Navaridas, Leza eta Eskuernaga herrietan jo du gogorren.