EBk telelana sustatzea, abiadura mugak murriztea eta hegazkinez bidaiatzea saihestea proposatu du, erregaia aurrezteko
Dan Jorgensen Energia komisarioak azpimarratu du arreta berezia jarri behar dela garraio sektorean, eta jardunbide onen dekalogo bat proposatu du, energia krisiari aurre egiteko. Esan duenez, Ekialde Hurbileko gatazkaren ondorioek luze joko dute.
Dan Jorgensen, Energia komisarioa, gaur, Bruselan. Argazkia: EFE
Europako Batzordeak mezu argia igorri die 27 estatukideei: ezinbestekoa da erregaia aurrezteko neurriak ezartzea, energia eskaria murrizteko, Ekialde Hurbileko gatazkak eragindako energia krisiak luze jotzea aurreikusten baita.
Dar Jorgensen EBko Energia komisarioak egin du ohartarazpena, estatuetako energia arduradunekin izan duen bileraren ostean. Haren hitzetan, "bakea bihar iritsiko balitz ere", energia hornidura ez da bere onera etorriko epe laburrean. "Gerraren ondorioz, eskualdeko azpiegitura energetikoa asko hondatu da, eta hondatzen jarraituko du", gaineratu du.
Komisarioak aurreratu du neurri-sorta bat ari dela prestatzen Brusela, "familiak eta enpresak babesteko", eta eperik zehaztu ez badu ere, ziurtatu du neurriok "laster" aurkeztuko dituztela. Egoera "oso aldakorra" dela eta "malgu" jokatuko dutela ere adierazi du. "Prest gaude behar denean neurriak proposatzeko".
Agertoki horren aurrean, estatukideei esan die "ahal duten guztia" egiteko, erregaia aurrezteko, batez ere, petroliotik eratorritakoa. Zentzu horretan, Energiaren Nazioarteko Agentziaren plana aintzat hartzea eta bertan jasota dauden hamar neurriak ezartzea proposatu die Jorgensenek gobernuburuei. Besteak beste, telelana sustatzea, errepideetan abiadura mugak murriztea, garraio publikoaren erabilera bultzatzea eta, aukera dagoenean, hegazkinez bidaiatzea saihestea proposatzen du plan horrek.
Asmoa ez da, zehaztu duenez, estatu guztietan neurri berberak ezartzea. Toki bakoitzean, egoeraren arabera, erabaki jakin batzuk hartu beharko direla azaldu du, eta horregatik, gobernuei eskatu die bakoitzak bere herrialdearen egoera aztertu dezala, zein neurri hartu adosteko.
Irango gerra lehertu zenetik, gasaren prezioa, oro har, % 70 garestitu dela jakinarazi du, eta petrolioarena, % 60. Ondorioz, hilabete eskasean EBren energia fakturak 14.000 milioi euro egin du gora.
Zure interesekoa izan daiteke
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.