Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Euskadiko medikuek greba egin dute berriro gaur, astelehenarekin. Urteko laugarren lanuztea dute aste honetakoa, Osasun Ministerioarekin hasitako negoziazioek ez diotelako oraingoz lan gatazkari irtenbiderik eman. Hori horrela, kalera atera dira, eta protesta egin dute Gurutzetako ospitalean eta Amarako (Donostia) anbulatorioan. Mobilizazio horietan estatutu propio bat galdegin dute.
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Nolanahi dela, "horrek ez du esan nahi aldarrikapenak utziko ditugunik, ia urtebetean ez baita aurrerapausorik eman", azpimarratu du.
Jaurlaritzari zuzendutako eskaerei buruz, Del Valek esan du beharrezkoa dela Osasun sailburu Alberto Martinezek argi adieraztea medikuen baimenik gabe sinatu zen estatutuaren aurka dagoela.
Osasun sailburuak, bere aldetik, duela egun batzuk iragarri zuen ebakuntza egiteko zain itxaron zerrendetan 180 egun daramatzaten 800 pazientek onartu dutela zentro pribatuetara bideratzea.
Laugarren greba astea
Espainiako Estatu osoko medikuek urteko laugarren greba asteari ekin diote, negoziazioetan aurrerapausorik egon ez dela ikusita. Izan ere, Osasun Ministerioaren hitzetan, sindikatu deitzaileek eskuinarekin bat egin dute sendagileen baldintzak hobetzeko ez diren beste helburu batzuk lortzeko.
Hartara, ia berritasunik gabe iritsi da bata zuridunen laugarren lanuztea. Gatazka itopuntuan dago, eta greba batzordeak Pedro Sanchez Espainiako Gobernuko presidenteak esku hartzea nahi du. PPk eta EAJk bat egin dute eskaera horrekin.
Monica Garcia Osasun ministroaren ustez, medikuek kritikatzen duten estatutu markoak langileen baldintzak hobetu egiten ditu, besteak beste, guardiak 24 ordutik 17ra murrizten dituelako (aurreko eta ondorengo egunak libre dituzte) eta gehienez 45 orduko lanaldiak xedatzen dituelako (Europako legeriak 48 ordukoak onartzen ditu).
Beste baldintza edo puntu batzuk (guardien ordainsaria, 35 orduko lanaldia eta erretiroa, esaterako) ez dira Ministerioaren eskumenekoak edo ez dira estatutu markoan negoziatu beharreko gaiak.
Hala ere, greba batzordeko sindikatuek behin eta berriz eskatu dute estatutu marko propioa sortzea, eta negoziazio bide esklusibo bat ireki nahi dute Ministerioarekin.
Lanuztea ez ezik, protestak ere aurreikusi dituzte datozen egunetarako. Asteazkenean, adibidez, manifestazioa egingo dute Bilbon.
Zure interesekoa izan daiteke
EAEko ekonomia % 2,2 hazi da iazko martxotik aurtengora, zerbitzuek eta eraikuntzak bultzatuta
12.434 lanpostu sortu dira urtebetean Euskal Autonomia Erkidegoan. Enpleguaren urte arteko bilakaera positiboa izan da eraikuntzan (% 1,2) eta zerbitzuetan; aitzitik, % 0,2 egin du atzera industrian eta lehen sektorean.
Mondragonek 11.322 milioiko salmentak izan ditu 2025ean, eta % 2,9ko igoera espero du aurten
Nazioarteko gatazkek sortzen duten ezegonkortasuna dela eta, 2026rako hazkunde aurreikuspenak “nahiko moderatuak” direla dio korporazioak.
DHL Express-ek etorkizuneko hangarraren lehen harria jarri du Gasteizko aireportuan
Konpainiak urrats erraldoia eman nahi du, 6.600 metro koadroko nabe batekin, eta, horrekin batera, 13.000 metro koadro baino gehiagoko instalazioak izango ditu kanpoaldean. Europako kontinentean DHLk duen bigarren hangarrik handiena izango da.
Katean osorik ekoitzitako lehen auto elektrikoa atera da Volkswagen multinazionalak Landabenen duen lantegitik
Škoda Epiq modeloa da Iruñean osorik ekoitzitako lehen auto elektrikoa. Horrez gain, konbustioko T-Cross eta Taigo modeloak egiten jarraituko du Nafarroako Volkswagenek.
Igor Arroyo: "Denek izan behar dute euskara ikasteko aukera, baina zerbitzu publikoan egonkortzeko beharrezkoa da euskararen ezagutza"
LAB sindikatuko koordinatzaile orokorrak CC.OO. sindikatua kritikatu du. euskararekiko duen jarreragatik Bere ustez, sindikatu horrek "akats galanta" egin du, ez bakarrik CC.OO ELA eta LABengandik urruntzen duelako, "euskal langileengandik" urruntzen duelako baizik.
Nafarroako Gobernuak 50 milioi euro jarriko ditu Hithium enpresa txinatarrarekin sortuko duen sozietatean
Baterien eta energia biltegiratzeko sistemen lantegiak 700 lanpostu sortuko ditu hasieran, eta bigarren fasean kopurua mila langilera irits daiteke.
Euskadi Europako Inbertsio bankuaren "bezero ona" dela nabarmendu du Nadia Calviñok, hainbat arlotan berrikuntza sustatzen du eta
Arantza Ruiz EITB Mediako Albistegietako zuzendariak Nadia Calviño Europako Inbertsio Bankuaren presidentea elkarrizketatu du ETB2ko 12 minutos saioan. Calviñoren arabera, nazioarteko tentsioak eta Ekialde Hurbileko gerrak markatutako testuinguruan, Euskadik ekonomia "indartsua" du.
Gurutzetako Unibertsitate Ospitaleko zuzendari medikoak eta mediku-zerbitzuen zuzendariordeak dimisioa eman dute
EITBk jakin duenez, bi dimisioak medikuen grebaren eta lanuzteak eragiten ari diren presio asistentzialaren ondorioz etorri dira.
2027ko aurrekontuen ildo nagusiak onartu ditu Jaurlaritzak, hazkundea % 1,6koa izango dela aurreikusita
Nöel d'Anjou Ogasun eta Finantza sailburuak azaldu duenez, oinarrizko zerbitzu publikoak indartzea izango da lehentasuna; osasuna, hezkuntza, etxebizitza, segurtasuna eta gizarte zerbitzuak izango omen dira kontuen ardatzak.
Medikuen sindikatuek elkarretaratzea deitu dute ekainaren 15erako, Osasun Ministerioaren aurrean
Greba batzordea osatzen duten medikuen sei sindikatuek eutsi egingo diote ekainaren 15etik 19ra deitutako greba deialdiari. Halaber, Osasun Ministerioarekin behar den guztietan elkartzeko borondatea agertu dute, beti ere, negoziatzeko benetako borondatea badago eta mahai gainean proposamen zehatzak baldin badaude.