Europak 4.200 milioi galdu zituen 2015ean smartphone faltsuengatik
Telefono adimendunak ekoizten dituzten enpresek salmenta guztien % 8,3 galdu zuten Europan, gailu faltsuen merkatuaren eraginez.
Hori izan da, hain zuzen, EBko Ondasun Intelektualaren Bulegoak (Alacanten), Telekomunikazioen Nazioarteko Batasunarekin batera, ezagutzera eman duen ondorioa, eta munduan 45.300 milioi euro (salmenten % 12,9) galdu dituztela salatu dute.
Espainian, gailu faltsuengatik izandako galerak 286 milioi eurokoak izan ziren urte horretan, hain zuzen, sektoreko salmenten % 10.
2015ean 1.300 milioi smartphone saldu zituzten munduan, beste modu batera esanda, munduko sei biztanleetatik batek telefonoa erosi zuen, batez beste, 275 euro ordainduta.
Txostenean, EFEren arabera, mundu osoko 90 herrialdetan saldutako telefono adimenduen kopurua aztertu dute, kontsumitzaileek saltokietan egindako erosketetatik abiatuta. Zehaztu dutenez, horietatik 184 milioi telefono faltsuak ziren (45.3000 milioi euroko balioarekin).
Europan, EBko hiru hiritarretik batek telefono bat erosi zuen, hots, 150 milioi unitate; horietatik, 14 milioi faltsuak ziren (% 8,3; 4.200 milioi euro).
Munduko beste leku batzuetan jasotako emaitzak are okerragoak izan dira, gailu faltsuek % 21,3rainoko galerak sortzea eragin baitute Afrikan, % 19,6 Latinoamerikan, % 17,4 herrialde arabiarretan, % 15,6 Txinan, % 11,8 Asia eta Pazifikoan eta % 7,6 Ipar Amerikan.
Zure interesekoa izan daiteke
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.
Europak atzera egin du 2035ean errekuntza ibilgailuen salmenta debekatzeko asmoan
Auto elektrikoen eskariaren moteltzeak, sektorearen presioak eta Txinaren lehiak eraman dute Europako Batzordea erabakia hartzera: errekuntza-autoen ekoizpen "mugatua" baimenduko du 2035etik aurrera.
Bat eta Barik txartelekin ordaindu daiteke gaurtik Lurraldebusen
Abenduaren 23tik aurrera, Irungo eta Lasarteko hiri-autobusetan ere ordaindu ahal izango da Bat eta Barik txartelekin, eta Gipuzkoako gainerako herrietan, berriz, ordaintzeko makinak egokitu ahala erabili ahal izango dira.