Arrasateko lantegia ixtea eta langileak kaleratzea proposatu du Fagor CNAk
Edesa Industrial konpainiako zuzendaritzak Garagartzako (Arrasate) lantegia ixtea eta langileen erdiak kaleratzea proposatu du, gaur iragarritako bideragarritasun planaren baitan.
CNA taldeko Edesa Industrial enpresak Fagor Etxetresnak ohia erosi zuen 2014an, eta, egun, hartzekodunen aurrekonkurtsoan dago.
Taldearen proposamenak 190 eta 220 pertsona artean kaleratzea ekarriko luke. Egun, 350 langile ditu.
Zuzendaritzak ohar baten bidez adierazi duenez, proiektua "bideragarria" da, baina ekoizpen lerroak "doitu" eta langileak kaleratu beharra dago, errentagarriak diren negozio-lineak bultzatzeko.
Arrasaten ez ezik, Eskoriatzan (Gipuzkoa) eta Basaurin (Bizkaia) ere ditu lantegiak konpainiak.
Edesaren planak Garagartzako lantegia ixtea dakar, "bideragarria ez delako", baina ez du baztertzen berogailuen ekoizpena Basaurira eramatea.
Arrasateko lantegian, plakak, labeak eta garbigailuak egiten dituzte, eta Geyser filialaren berogailu linea ere badute bertan. Hori da, hain zuzen ere, Basaurira eraman nahi dutena.
Edesa Industrialen ustez, finantziazioa lortu behar du aktibo ibilgetuak salduz, inbestitzaile industrial bat erakarriz eta administrazio publikoen ekarpenak lortuz.
Halaber, hartzekodunekin eta hornitzaileekin zorra ordaintzeko akordioa ere beharrezkotzat jo du.
Edesak gaineratu duenez, Eskoriatzako eta Basauriko lantegiek "lineak doitu behar dituzte, eraginkortasuna lortzeko eta errentagarritasun positiboa izateko".
"Doikuntza horiekin guztiekin, 130-160 langilekoa izango litzateke lantaldea, I+G+B alorrerako baliabideen arabera", nabarmendu du zuzendaritzak.
"Merkatu errentagarritasun maila normalak" lortzeko, I+G alorrean inbestitzaile gehiago behar dituela eta labeen eta lapikoen ekoizpena "hobetu" behar duela esan du konpainiak.
Bestalde, langileen ordezkariek jakinarazi dute Edesa Industrialek erretiratu egin duela garbiketa lerroko 30 langileri ezarritako erregulazio plana.
Halaber, zuzendaritzak eta enpresa batzordeak mahai bat sortzea adostu dute, "proiektu berri bat" sortzeko.
Mahai horretan, langileen ordezkariek, markaren jabeak (Fagor Kooperatiba Elkartea) eta Eusko Jaurlaritzak parte hartzea proposatu du enpresa batzordeak.
"Ez du maila eman"
Eusko Jaurlaritzaren iritzian, CNA Taldeak "ez du maila eman" Edesa Industrialaren proiektua kudeatzen.
Tapiak zuzentzen duen sailak Europa Pressi adierazi dioenez, langileen kopurua horrenbeste murriztea eta "planta ia desagerraraztea albiste txarra da, zalantza barik, Euskadin itxaropena piztu zuen proiektuarentzat", eta, horren harian, tamalgarritzat jo du CNAren hasierako proiektuak bide hau hartu izana.
Jaurlaritzak, era berean, gaineratu du ezagutzen dituela enpresak dituen zailtasunak, baina, hori gorabehera, CNA Taldeak "ez du proiektuak eskatzen zuen maila eman".
Horren ildotik, langileekin eta hornitzaileekin, eta proiektuan lagundu duten finantza erakundeekin, "gardentasunez eta erantzukizunez" jokatzea eskatu dio Taldeko zuzendaritzari.
CNA talde kataluniarrak 2014ko uztailean erosi zuen Fagor Etxetresnak, Cata enpresaren bitartez, 38,5 milioi euroren truke, eta urtebetean 705 lanpostu sortuko zituela agindu zuen orduan.
Zure interesekoa izan daiteke
Euskal kofradiek Kofradia Basque Seafood sortu dute baxurako arrantza modernizatzeko
Bizkaiko eta Gipuzkoako federazioek, Hazilur sozietate publikoarekin batera, Kofradia Basque Seafood S.A. enpresa eratu dute Ondarroan. Nobedade nagusien artean, laugarren eta bosgarren gamako produktuen lerro berri bat garatuko du konpainiak, xerratutako, ontziratutako eta sukaldatzeko prest dagoen arrainaren elaborazioan oinarritua.
Eusko Jaurlaritzak inoizko partidarik handiena bideratuko du 2026an etxebizitza sustatzeko: 596 milioiko inbertsioa, 3.669 etxebizitza egiteko
Etxebizitza eta Hiri Agenda Sailak 2026rako kontuak aurkeztu ditu, aurreko urtean baino % 14 altuagoak. Denis Itxaso sailburuak iragarri du 1.700 etxebizitza babestu baino gehiago eraikiko direla, eta Visesa baliabide propio gisa onartuko dutela.
3.346 milioiko aurrekontua aurkeztu du Hezkuntza Sailak, langileen arlora eta inklusio-programetara bideratutakoa nabarmenduz
Begoña Pedrosak "funtsezko zerbitzu publikoak indartzea" bilatzen duten kontuak aurkeztu ditu Eusko Legebiltzarrean, "herritarren benetako arazoetan arreta jarriz".
Imanol Pradales: "EHUk ez du inoiz hainbeste baliabide izan"
Lehendakariak adierazi du EHUren aurrekontua % 6,9 handituko dela 2026an. Horrez gainera, 2025ean % 5,2ko igoera izan duela esan du eta, beraz, bi urteren buruan ohiko aurrekontua % 12 handitu dela azpimarratu du.
Bengoetxeak instituzioek EHU errespeta dezaten eskatu du, eta premiazko bilera galdegin dio lehendakariari
Horrela erantzun dio Euskal Herriko Unibertsitateko errektoreak Perez Iglesias sailburuari, Eusko Legebiltzarreko agerraldian ukatu egin baitu unibertsitate publikoak behar baino diru gutxiago jasotzen duenik. Iglesiasen hitzetan, 2026rako esleitutako aurrekontua "zifra errekorra" da.
Horrelakoa izango da Bekadunen Estatutu berria: gastuak konpentsatzea, praktikaldiak mugatzea eta enpresei kontrol gehiago egitea
Espainiako Gobernuak Bekadunen Estatutuaren aurreproiektua onartu du, prestakuntza praktikoan daudenen eskubideak bermatzeko.
Petronorreko langileek greban jarraitzen dute eta aldagelen kontua ukatu dute
Hori jakinarazi dute batzordearen ordezkariek Kutxabankek Bilbon dituen bulego orokorren aurrean deitutako langileen kontzentrazioan. Beharginek akordioa atzera bota dute eta auzitegietan argituko da afera.
Eusko Jaurlaritzak EHUrekin duen "konpromiso irmoa" azpimarratu du Perez Iglesiasek
Zientzia, Unibertsitate eta Berrikuntza sailburuak nabarmendu duenez, Eusko Jaurlaritzak EHUri 2026an egingo dion ekarpen arrunta 339 milioi eurokoa da, aurtengo urtean baino % 6,9 gehiago bideratuta. Eta azaldu du unibertsitate publikoari esleitutako diru kantitatea inoizko handiena dela.
Urrian, langabezia-tasa % 0,60 igo da EAEn, eta % 2,04, Nafarroan, iraileko datuekin alderatuta
2024ko urriko datuen aldean, ordea, 888 langabe gutxiago (% 0,82) daude EAEn, eta 1.129 gutxiago (% 3,75) Nafarroan. Bestalde, irailetik urrira, afiliazio-kopurua % 1,32 hazi da EAEn, eta % 0,89, Nafarroan.
Petronorreko langileek greba mugagabean jarraitzen dute eta enpresa batzordeak ukatu egin du aldageletako greba dela
Langileen % 80k zuzendaritzaren eta gehiengo sindikalaren artean lortutako itunaren aurka bozkatu dute, eta, beraz, "aldageletako gerra" deritzona auzitegietan argituko da. Petronorrek geldirik jarraitzen du duela hilabete eta erditik.