Egun historikoa Arabako Errioxako ardoentzat, bereizgarria lortu ostean
Egun "historikoa" da gaurkoa Arabako Errioxako ardoentzat, hainbat urtez eskatutakoa bete egin da eta: Errioxako jatorri-izenaren baitan dauden ardoak bereizi ahalko dira, "eskualde eta udalerria" zehaztuta.
Arabako Errioxako Upeltegien elkarteak (ABRA, gaztelerazko sigletan) pozez hartu du Errioxako Jatorri Izena Arautzeko Kontseiluak hartutako erabakia, eta marka historikotzat jo du.
ABRAren esanetan, katalogatzeko bi era berri horiek "produktuaren jatorriari buruzko informazio argia" eman eta "esklusibotasun gehiago" bermatuko dute. Horrez gain, uste du Arabako Errioxako ardoen jatorriak eta bertako herriek "ikusgarritasun" handiagoa izango dutela, eta, horrenbestez, "euren jatorriaren berezitasunaren arabera" hautatu ahal izango direla.
Hartara, ABRAk aldi baterako bertan behera uztea erabaki du 'Arabako Mahastiak' zigilua garatzeko zeukan asmoa, baina, ohartarazi duenez, ez du baztertzen egitasmo horri berriro ekitea, baldin eta gaur hartutako erabakiak ez diren "behar den moduan" garatzen edota ez badiete "aurreikuspenei erantzuten".
Eusko Jaurlaritzak txalotu egin du erabakia, eta “eszenatoki berri” honetan ardoak “benetan bereizteko baldintzak” ematen direla adierazi du.
“Gaur, Arabako Errioxak eskaera historiko bat bete du”, adierazi du Jaurlaritzak.
Gasteizko Gobernuaren hitzetan, mundu globalizatu honetan “lehentasuna” da “balio erantsia” lortzea ardoetan, “nortasuna eta kalitatea” oinarri.
Bestalde, Eduardo Aguinaco Arabako Aldundiko Nekazaritza diputatuak esan du “lanean” jarraituko dutela Arabako Errioxako ardoek “leku hobea” izateko Errioxako izan deituraren baitan.
Gainera, erabakia hainbat urtetako lanaren ondorio dela gogorarazi du.
Zure interesekoa izan daiteke
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.
Nafarroako Ekonomia eta Gizarte Kontseiluak Irango gerraren ondorioei aurre egiteko neurriak aztertuko ditu
Nafarroako Gobernuak aurreratu du Ministroen Kontseiluak ostiral honetan iragarriko dituen neurriak arretaz aztertuko dituela Nafarroan aplika daitezkeen egiaztatzeko.
"Indarberriturik eta helburua lortzetik gertuago" atera dira langile klasea eta indar sindikala, ELAren eta LABen ustez
Sindikatuen ustez, greba orokorra "klase elkartasun erakustaldia" izan da. LGS propioa lortzeko bideak zabalik daudela adierazi dute (bai patronalarekin, bai Espainiako Kongresuan) eta Jaurlaritzari eta, bereziki, EAJri, eskatu diote argitu dezala Legebiltzarrean eta Espainian dituen jarrera kontraesankorrak.
Atzoko greba orokorra "indar erakustaldia" izan zen, LAB eta ELA sindikatuen aburuz
Radio Euskadin eta Euskadi Irratian egindako elkarrizketetan LAB eta ELAko idazkari nagusiek adierazi dutenez, atzokoak "oso mobilizazio jendetsuak izan ziren, 135.000 pertsona ere batu zirela". "Indarberrituta atera gara", azpimarratu du Garbiñe Aranburu LABen koordinatzaile nagusiak.
Albiste izango dira: Greba orokorraren balantzea, Iranek Ali Larijaniren heriotza eta Ipar Euskal Herriko udal hauteskundeen bigarren itzulia
Orain-ek gaur landuko dituen albiste nagusien laburpena.
Ertzaintzak hiru pertsona atxilotu ditu greba orokorraren egunean
Desordena publikoak egitea leporatzen zaie. Gainera, bost pertsona ikertzen ari da eta 165 identifikatu ditu.
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbidearteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea, duintasunez bizi ahal izateko.