Espainiako Gobernuak ezohiko bilera egingo du gaur El Prateko grebagatik
Ministroen Kontseiluak ezohiko bilera egingo du gaur, asteazkenean, El Prat aireportuko egoera aztertzeko, Iñigo de la Serna Sustapen ministroak astelehen honetan iragarri zuenez.
Ezohiko bileran sektore turistikoari egindako erasoei buruzko txosten bat ere aztertuko dute, Moncloatik aurreratu zutenaren arabera.
Ministroaren esanetan, epeei dagokionez, lehen pausoa arbitro 'independente' bat, 'prestigiotsua', izendatzea izango da, enpresak eta langileek aukeratu beharrekoa, proposamen 'loteslea' egin behar du, eta bi aldeek bete beharko dute. Ez dago legezko epe zehatzik proposamena aurkezteko.
De la Sernak azaldu duenez, segurtasun kontrolak indartzeko Guardia Zibilaren dispositiboak Bartzelonako aireportua 'normaltasunera itzultzea' ahalbidetu du, beraz, ez du beharrezkoa ikusten aurrerapen 'garrantzitsuarekin' joatea.
UGTk greba deituko du Manises eta Alacanten, Gobernuak bitartekari bat izendatzen badu
UGTk Valentzian duen Zerbitzu Federazioaren hitzetan, grebara deituko ditu segurtasun-langileak Manises eta Alacanteko aireportuetan, Gobernuak El Prateko gatazkarako bitartekari bat izendatuz gero.
Saturnino Martinez UGTko arduradunak Eferi esan dionez, Valentzia eta Alacanteko aireportuetan Prosegurrek lan egiten du, eta konpainia horrekin elkarrizketa dute: 'Dugun arazo bakarra da hamarkada bat eman dugula eskubideak galtzen'.
Hala ere, zehaztu duenaren arabera, presio-neurri hauek aztertzen ari dira El Praterako irtenbidea ez baita bitartekari bat: 'Azkenean, soldata-osagarri bat adostuko luke, handiagoa ala txikiagoa; baina nahi duguna da Gobernuak Estatu mailako hitzarmena errespetatzen duen kontratazio-eredua mahai-gaineratzea. Bitartekariak akordioa lortzen badu El Praten, biharamunean Espainiako aireportu guztietako segurtasun-langileak egongo lirateke greban; hortaz, izendatzen badute, Valentzian eta Alacanten ere deituko genuke greba, hitz egina dago dagoeneko', baieztatu du.
Eulenek Barajasen dituen langileak
El Prateko lankideen elkartasunean Eulenek Adolfo Suarez-Barajas aireportuan duen enpresa-batzordeak asteazkenean egingo du bilera, 09:30ean, xede izanik eztabaidatzea nolako neurriak hartuko dituzten El Prateko lankideekin elkartasunean. Protestak fakturazio- eta terminaletako zaintza-lanei eragingo liekete, eta ez segurtasun-arkuei, Bartzelonan gertatu denez.
Zure interesekoa izan daiteke
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.