Vuelingeko pilotuek greba deitu dute apirilaren 25-26rako eta maiatzaren 3-4rako
Sepla pilotuen sindikatuak Vuelingen duen sailak 24 orduko greba deitu du apirilaren 25 eta 26rako eta maiatzaren 3 eta 4rako.
Bilboko Aireportuko aire-konpainiarik garrantzitsuena da Vueling, trafikoaren % 37 baitu. 2018ko martxoan iazko epe berean baino 29.000 bidaiari gehiago izan zituen, Granadara eta Jerezera eskainitako hegaldi berriei eta Bartzelona eta Sevillara doazen hegaldien maiztasun hazkundeari esker. Iruñeko Aireportuan eta Hondarribikoan ere zerbitzua eskaintzen du Vuelingek.
Seplak ostiral honetan erregistratu du greba deialdia.
Sindikatuaren aldarrikapenak
Sindikatuak azaldu duenez, III. lan hitzarmena negoziatzeko orduan "argitasun eta zehaztasun falta" erakutsi du zuzendaritzak, eta indarrean dagoen II. hitzarmenaren hainbat puntu urratu ditu "behin eta berriz" (besteak beste, hautaketa prozesua, aldi batean betetzeko dauden lanpostuak eta egun libreen ingurukoak).
Hitzarmen berriaren negoziazioaren harira, Seplak uste du zuzendaritzaren jarrerak negoziazioak "atzeratu" dituela.
Sindikatuaren hitzetan, atzerrian dituen baseen kontura hazi nahi du Vuelingek eta hori "Espainiako pilotuen lanpostuak eta lan eskubideen kaltetan izan daiteke".
Horrez gain, langileen batzordeak uste du zuzendaritzaren eskaintzak euren lehiakideak diren beste konpainietan egiten direnak baino "dezente txikiagoak" direla.
Gutxieneko zerbitzurik ez, oraingoz
Vuelingeko iturriek nabarmendu dutenez, oraindik ez dute jaso greba deialdiaren jakinarazpen ofiziala, eta hortaz, ezin dute oraindino gutxieneko zerbitzurik ezarri: "Gure lehentasuna bidaiariak dira, grebak ahalik eta kalte gutxien egin diezaien".
Zure interesekoa izan daiteke
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.