Gisasolaren esanetan, ez zuen bermatu ekarpenak ez zirela 'inoiz' galduko
"Enpresari ekarpen boluntarioak egin zizkioten kooperatibako bazkideei ez nien inoiz bermatu ez zituztela galduko", esan du gaur Txema Gisasolak, Mondragon Korporazioko presidente ohiak eta Fagor Etxetresnak enpresako zuzendari ohiak.
Fagor Etxetresnak enpresako 900 bazkide ohik baino gehiagok Mondragon Korporazioaren aurka jarritako salaketa kolektiboa dela eta Bergaran gaur hasitako epaiketan egin ditu Gisasolak adierazpenok. 47,8 milioi euro eskatu dizkiote Korporazioari salaketaren bidez, 2013an Fagor erori ostean egindako ekarpen boluntario eta merkataritza-maileguengatik.
Gisasolaz gain, Arantxa Laskurain Mondragon Korporazioko idazkari nagusiak, Fabian Bilbao Fagor enpresako gerente ohiak, eta Jose Maria Aldekoa taldeko presidente ohiak deklaratu dute.
Salatzaileen arabera, bazkideek "informazio engainagarria" jasota erabaki zuten aurrezkiak Fagor Etxetresnak eta Edesa enpresetan uztea, Mondragon Korporazioko arduradunek seguru baitzuten bi kooperatibak "kontrolatutako lehiaketa baten bitartez" itxiko zituztela.
Dena den, Gisasolak ukatu egin du baieztapen hori; izan ere, berretsi duenez, 2012ko apirilean oraindik "ez zuen uste" Fagor Etxetresnak hartzekodunen konkurtsoan sartuko zenik.
Bazkideek bazuten kooperatibaren egoeraren berri
Horrez gain, Gisasolaren arabera, bazkideek bazekiten kooperatibaren egoera zaila zela, nahiz eta "ez pentsatu itxi egingo zela".
Ondoren azaldu duenez, ez zien Fagorreko bazkideei bermatu ez zirela "inoiz" konkurtso egoerara iritsiko, Mondragon Korporazioak bideragarritasuna bermatzeko "beharrezko babes osoa" emango ziela esanda. Era berean, Gisasolaren esanetan, ez zien azaldu ekarpenak edo maileguak inoiz ez zituztela galduko.
Bestalde, ekarpen boluntarioak ez dituela korporazioak eman azpimarratu du Arantxa Laskurain Mondragon Korporazioko idazkari nagusiak.
Fabian Bilbaoren aburuz, bazkideek beharrezko informazioa jasotzen zuten sistema kooperatiboak ezarritako mekanismoen bidez. Ondoren, Mondragon Taldearen presidente kargua Gisasolari emateko prozesua deskribatu du Jose Maria Aldekoak.
Abokatuen balorazioa
Mondragon Korporazioko abokatua, Arantxa Estefania, "zuhur" agertu da, oraindik hiru saio geratzen direlako. Alabaina, "pozik" dagoela esan du, "engainuaren teoria" ez dela benetakoa "agerian" geratu delako.
Raul Tenes salatzaileen abokatua azaldutakoaren arabera, berriz, "lekukotza batzuk kontraesankorrak" izan diren arren, "ez da sorpresarik egon". Bihar lekuko gehiagok deklaratuko dute.
Zure interesekoa izan daiteke
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.