Garapen profesionalerako deialdi berri bat proposatu du Osakidetzak
Datorren urtetik aurrera garapen profesionalerako deialdi berri bat martxan jartzeko asmoa agertu die Osakidetzako Giza Baliabideen Zuzendaritzak sindikatuei. Horretarako, 2019rako aurrekontu proiektuak 15 milioi euroko saila aurreikusten du.
Sektoreko mahaia bildu da goizean Osakidetzaren egoitza nagusian, Gasteizen. Legealdiko zazpigarren bilera izan da.
Bide horretatik jarraitzeko borondatea azaldu du Giza Eskubideen Zuzendaritzak, eta zentzu horretan, lanbide-karrera berriro zabaltzea proposatu du. Horregatik, sindikatuek proposamena “aintzat hartzea eta babesik handiena” lortzea espero du.
Era berean, larrialdietako beharginen lan-baldintzak hobetzeko proposamena mahai sektorialean eztabaidatu dute. Zuzendaritzaren hitzetan, Osakidetzak “ez du, oraingoz, inolako erabakirik hartu, Larrialdi zerbitzuaren Koordinazio Zentroa bateratzeko egitasmo posibleari dagokionean”.
Azkenik, 2016-2017 lan eskaintza publikoaren inguruko informazioa eman die Osakidetzak sindikatuei. Zuzendaritzak azaldu duenez, 86 kategoriatatik 83tan prozesua normaltasunez garatzen ari da, eta 83 kategoria horiek gainditutako pertsonen behin-betiko zerrendak laster argitaratuko dituzte.
Osakidetzaren jarrera kritikatu dute sindikatuek
Osakidetzako Mahai Sektoraleko batzarrean ez dela “ezer” negoziatu salatu dute sindikatuek, eta gai batzuen gainean “aurretik hartutako erabakia” jakinarazteko besterik ez dietela deitu azpimarratu dute. Halaber, haien ekarpenak egiteko aukerarik ez dutela izan ziurtatu dute sindikatuek, eta gaurko bilera “antzerki hutsa besterik ez” dela izan gaineratu dute.
ELA sindikatuaren esanetan, Osakidetzak “murrizketak aplikatzen jarraitzeko asmoa du”. Izan ere, “garapen profesionalerako osagarria ez duela ordainduko adierazi du, nahiz eta horretara behartzen duen epaia mahai gainean izan”. Gainera, Osakidetzak “txanda-osagarria ere” murriztu nahi duela salatu du euskal sindikatuak.
Beste alde batetik, euskal osasun sistema publikoan indarrean dagoen Lan Eskaintza Publikoaren (LEP) ereduari buruzko eztabaida lasaia egitea proposatu du LAB sindikatuak. Halaber, krisi ekonomikoko urte hauetan langileek galdutako erosteko ahalmena nola berreskuratuko duten eta Garapen Profesionalarekin zer gertatuko den argitzeko eskatu diote Osakidetzari.
2019tik aurrera ibilbide profesionala ordaintzeko erabakiaren aurrean, azken sei urteak galdutzat eman ditu CCOO sindikatuak. Dena dela, “momentuz” Bizkaiko larrialdi zerbitzuko zentroak bateratu nahi ez izatea pozez hartu du.
UGTren hitzetan, gaurko bileran mahai gaineratu dituzten hamar gai horiek banaka aztertu beharko lituzkete, bakoitzaren “sakontasuna eta seriotasuna” kontuan izanda. Halaber, garapen profesionala dela eta langileei osagarria ordaintzera behartzen dioten epaiak errespetatzeko eskatu dio Osakidetzari.
Zure interesekoa izan daiteke
Mercosurren eta EBren arteko akordioaren kontra egin dute ehunka lagunek Gasteizen
Lehen sektoreko kideek, traktore eta guzti, manifestazioa egin dute larunbat honetan Gasteizen, Europar Batasunaren eta Mercosurren arteko akordioaren aurka eta Euskal Herriaren elikadura-subiranotasunaren alde. Araba Bizirik, Ataca, Bionekazaritza eta UAGA elkarteek deitutako protestan, itun horrek elikagaien osasuna eta segurtasuna arriskuan jarriko dituela salatu dute, "Europan debekatuta dauden pestizida, transgeniko eta osasunerako kaltegarriak diren hormonak erabiltzen dituzten multinazionalei ateak are gehiago irekitzen dizkielako".
Solaria Zierbena proiektuak Araban "kalte konponezinak" eragin ditzakeela salatu dute
Kaltetutako udalerrietako ordezkariek, eragile sozialek, sindikatuek eta tokiko agintariek protesta egin dute larunbat honetan Gasteizen, Solaria enpresak bultzatutako Zierbena Solar "makroproiektu fotovoltaikoa irmoki gaitzesteko", Araba Bizirik plataformak jakinarazi duenez.
Eusko Jaurlaritzak zuhurtzia eskatu du AEBko Auzitegi Gorenak muga-zergen eta Trumpen tasa global berriaren inguruan hartutako erabakiaren ostean
Gogoratu du indarrean jarraitzen dutela altzairu eta aluminioari (% 50) eta autoei (% 15) eragiten dieten muga-zergek.
Mobilizazio jendetsua egin dute Amurrion Tubos Reunidos eta Maderas de Llodio enpresetako langileei babesa adierazteko
"Ez diegu utziko etorkizuna lapurtzen" lelopean, Amurrioko kaleak zeharkatu dituzte. Aiaraldea eskualdeak egoera kritikoa bizi du, Arabako langabezia-tasa handienarekin, eta mobilizazio horrek inguruko industria defendatzeko ere balio izan du.
Medikuek hiriburuetan egindako manifestazioekin eman dute amaitutzat estatutu propioa eskatzeko astebeteko greba
Parte-hartze handia egon dela ziurtatu dute, eta ezohikoa izan arren, zerbait lortzeko grebaren bidea azpimarratu besterik ez dutela egin. Aldaketarik ez badago, grebaren bigarren astea martxoaren 16an hasiko da.
Lehendakariak iragarri du Ayesaren egoitza Donostian egongo dela
Pradalesek adierazi duenez, Eusko Jaurlaritzak eta erosketan parte hartzen ari diren gainerako akziodunek erabakia hartu dute jada. "Ayesa Donostian sortu eta garatu zen, eta bertan jarraitu behar du", esan du.
Etxebizitzen salerosketak % 14,7 hazi ziren iaz EAEn, 2007ko burbuilako markak gaindituz
INE Espainiako Estatistika Institutuak gaur jakinarazi dituen datuen arabera, salerosketen kopuruak bigarren urtez jarraian egin du gora.
Jauregik dio industria bazkide bat aurkitu behar dela, eta horretarako ezinbestekoa dela zorraren arazoa konpontzea
Mikel Jauregi Eusko Jaurlaritzako Industria sailburuak bere elkartasuna adierazi die Tubos Reunidoseko langileei, baina enpresaren egoera oso larria dela nabarmendu du. Gakoa industria bazkide bat aurkitzea dela esan du, eta gaineratu du horretarako ezinbestekoa dela zorraren arazoa konpontzea.
Ayesaren egoitza Donostian egongo da
Imanol Pradales lehendakariak iragarri du Ayesaren egoitza Donostian egongo dela, akziodunek adostu dutenez.
Albiste izango dira: Medikuen greba, Tubos Reunidos eta Maderas de Llodio enpresetako langileen mobilizazioa, eta Eusko Legebiltzarreko kontrol saioa
Orain.eus atarian gaur albiste izango direnen laburpena, bi hitzetan.