Trumpek %10etik % 15era igoko ditu mundu mailako muga-zergak
Larunbatean iragarri duenez, inportazioei aldi baterako ezarritako muga-zerga globala % 15era igoko du, AEBko Auzitegi Gorenak Trumpek ezarritako muga-zergak legez kanpokotzat jo ostean.
AEBko presidente Donald Trumpek egin duen iragarpenaren arabera, % 10etik % 15era igoko ditu mundu mailako muga-zergak, Auzitegi Gorenak atzo emandako ebazpenari erantzunez.
"Atzo igorritako ebazpen barregarriaren azterketa sakona eta zehatza egin ondoren, % 15era igoko ditut mundu mailako muga-zergak, ehuneko hori guztiz baimenduta baitago", esan du.
Nazioarteko Emergentziazko Botere Ekonomikoen Legeari jarraikiz Trumpek ezarritako muga-zergak dira, hain zuzen ere, atzo AEBko Gorenak baliogabetu zituenak. Trumpek, baina, 1974ko Merkataritza Legearen 122. Sekzioari heldu dio orain, muga-zergak % 15era igo ahal izateko; izan ere, lege horrek dio gehienez % 15eko muga-zergak ezar ditzakeela AEBko presidenteak, 150 egunez.
Behin denbora hori igarota, AEBko Kongresuaren oniritzia beharko du Trumpek gaur iragarritako neurriarekin aurrera jarraitu ahal izateko.
Hasiera batean muga-zergak jarri zituenean salatu zuen gisara, oraingo honetan ere azpimarratu du zerga horiek "urteetan zehar AEBri maula egiten ibili diren herrialdeei" zuzenduta daudela.
Esan bezala, 5 hilabeteko epea du orain, berak esan duen bezala, "muga-zerga berriak ezartzeko", "Amerika inoiz baino handiagoa izan dadin".
Errepublikanoen batasuna eskatu du Trumpek
Bestalde, Gorenak hartutako erabakiaren aurrean eta Georgiako estatuan bizpahiru aste barru hauteskunde garrantzitsuak izango dituztela kontuan izanda, batuta egon daitezela eskatu die errepublikanoei.
"Errepublikanoak oso desleialak dira beren buruarekin", adierazi du Trumpek Truth Social sare sozialean gaur argitaratu duen mezu batean. "Bat egin beharrean gaude, irabazi ahal izateko", erantsi du. Aurretik, baina, gogor kritikatu ditu Goreneko epaile kontserbadoreak.
Zer ekarriko du Gorenaren erabakiak?
AEBko Auzitegi Gorenak kolpe latza eman dio Trumpen gobernuari muga-zergen harira hartutako erabakiarekin. Horrek, ostera, ez du nazioarteko merkatuen segurtasunik eza desagerrarazi.
Muga-zergengatik ordaindutako dirua bueltatzea eskatu ahal izango dute enpresek. 170.000 milioi dolar inguru daude jokoan, baina ez dago batere argi hori berreskuratzerik izango duten ala ez.
Zure interesekoa izan daiteke
AEBk zigorrekin mehatxatu ditu Iranekin lotura ekonomikoak dituzten herrialdeak
AEBko Altxorraren idazkariak ohartarazi duenez, "inor ez dago salbuetsita" zeharkako zigorren jomuga izatetik Teheranekin negoziatzen badu.
EBk onartu egin du Ukrainari 6.100 milioi ematea, misilak eta aire-defentsarako sistemak erosteko
Boluntarioen Koalizioak Ukrainako aireko defentsak premiaz indartzeko konpromisoa hartu du. Bilera egin dute astelehen honetan.
Ebolak dagoeneko 2.642 hildako eta 5.514 kasu baieztatu eragin ditu Kongoko Errepublika Demokratikoan
Bestalde, 808 paziente isolatuta edo ospitaleratuta daude, eta 1.200 lagun sendatu egin dira. Ebola Kongoko sei probintziatan zabaltzen ari da, eta hilkortasun-tasa % 47,9koa da.
Iranek ohartarazi du ez dela petrolio "tanta bat bera ere" aterako Persiar golkotik, AEBk "gerra ekonomikoari" eusten badio
Scott Bessent AEBko Altxorraren idazkariak, bestalde, astelehen honetan hasiko den "gerra ekonomikoa" guduaren azken fasea dela ziurtatu du.
5,9 graduko lurrikara batek Tokio astindu du
Richter eskalan 5,9 graduko indarra izan duen lurrikara batek Japoniako ekialdea astindu du igande goizaldean, bereziki Tokio eskualdea. 30 pertsona zauritu dira eta tren-zerbitzu batzuetan etenaldiak egin dituzte. Japoniako Meteorologia Agentziak (JMA) baztertu egin du tsunami arriskua.
Auzitegi federal batek baliogabetu egin du Trumpek 75 herrialderi bisak emateko jarritako debekua
Neurria urtarrilean sartu zen indarrean, AEBetako Gobernuaren arabera, etorkin horiek "Estatuarentzat karga bat bihurtzeko arriskua" zegoelako.
Errusiaren eta Ukrainaren arteko erasoek jarraitzen dute, gatazka hasi zenetik lau urte eta erdi igaro direnean
Hogei pertsona baino gehiago hil dira azken orduetan bi herrialdeetan droneak eta jaurtigaiak erabiliz egindako erasoetan.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
AEBk eta Kanadak ez dute merkataritza-akordiorik lortu, eta % 50eko muga-zergak mantenduko dira
Ameriketako Estatu Batuetako Gobernuak Kanadako ibilgailuen gaineko muga-zergak % 15era eta altzairu eta aluminioarenak % 25era murriztea onartu bazuen ere, larunbat honetan % 50eko kargak sartu dira indarrean.
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.