Trumpek esan du akordioaren "azken xehetasunak" negoziatzen ari direla Iranekin, eta laster iragarriko dutela
Washingtonek eta Teheranek elkarrizketetan aurrerapausoak eman dituztela baieztatu dute, eta Pakistanek, prozesuaren bitartekariak, gertu ikusten du aurrerapauso erabakigarri bat.
Teheran. Argazkia: EFE
AEBren eta Iranen arteko negoziazioek fase erabakigarriari ekin diote, eta akordioa oso aurreratuta dagoela ziurtatu dute bi aldeek. Washingtonek eta Teheranek elkarrizketetan aurrerapausoak eman dituztela baieztatu dute, eta Pakistanek, prozesuaren bitartekariak, esan du asteburuan aurrerapen erabakigarria izan daitekeela.
Donald Trump AEBko presidenteak larunbat honetan adierazi duenez, bi herrialdeen arteko akordio memoranduma "hein handi batean" negoziatuta dago, eta "azken xehetasunak" baino ez dira falta.
Trumpek sare sozialetan azaldu duenez, ituna "bakearen aurrekaria" izango da, eta elkarrizketetan hainbat gai estrategiko biltzen dira, hala nola Ormuzko itsasartea irekitzea. Benjamin Netanyahu Israelgo lehen ministroarekin telefonoz hitz egin duela ere jakinarazi du.
Teherandik, Irango Atzerri Ministerioko bozeramaile Esmail Baghaeik aitortu du azken astean jarrerak hurbildu dituztela bi ordezkaritzek. Hala ere, ez du esan akordioa berehala aurkeztuko dutela, eta "hiruzpalau egun" itxaroteko eskatu du elkarrizketen behin betiko bilakaera egiaztatzeko.
Baghaeiren hitzetan, Iranek egindako 14 puntuko proposamenaren inguruan egin dituzte negoziazioak. Proposamen hori hainbat aldiz trukatu dute bi aldeek Pakistanen bitartekaritzaren bidez. Horren arabera, memorandum onargarri bat ixtea da orain helburua.
Marco Rubio AEBko Estatu idazkariaren esanetan, "aurrerapauso batzuk" eman dira. New Delhin egindako ekitaldi batean esan duenez, elkarrizketak ez dira amaitu, eta "gaur, bihar edo egun pare batean" iragarriko dute.
Pakistanek ere, baikortasun mezua helarazi du. Pakistango segurtasun funtzionario batek ziurtatu duenez, Iran eta AEB "inoiz baino gertuago daude akordio batetik", eta asteburuan aurrerapauso erabakigarria izan daitekeela adierazi du. Islamabadek, gainera, Asam Munir Pakistango Armadako buruak Irango agintariekin Teheranen izandako "elkarrizketa emankorrak" nabarmendu ditu.
Te puede interesar
Gizon bat tiroka hasi da Etxe Zuriaren segurtasun kontrol postu baten aurka
Hedabide estatubatuarren arabera, gizonak 21 urte zituen, buruko osasun arazoak, eta leku horretatik gertu atxilotu zuten duela gutxi. Poliziak tiroka hil du. Kalean zebilen pertsona bat ere zauritu da tiroketan.
Lau lagun atxilotu eta hainbat zauritu dituzte Flotillako euskal ekintzaileei egindako harreran izan diren istiluetan
Atxilotu guztiak aske utzi dituzte arratsaldean. Hainbat agentek borrak erabiliz kolpatu dituzte ekintzaileak, eta, horren aurrean, Ertzaintzak barne ikerketa abiatu du jazotakoa argitzeko.
Frantzian sartzea debekatu diote Ben Gvir ministro israeldarrari
"Gaurtik aurrera, Itamar Ben Gvirrek debekatuta du Frantzian sartzea, Global Sumud Flotillako frantziar eta europar herritarren aurka egindako ekintza onartezinei erantzuteko", adierazi du Barrotek sare sozialetan.
40.000 pertsona ebakuatu dituzte Kalifornian, kimiko toxikoak dituen tanke bat lehertzear dagoelako
Kaliforniako Orange konderrian 40.000 pertsona inguru ebakuatu dituzte, substantzia kimiko oso leherkorrak biltzen dituen eta ihesak eta egiturazko akatsak dituen biltegi industrial bat berehala lehertzeko arriskua dagoelako.
Gutxienez 90 pertsona hil dira Txinako ikatz meategi batean izandako leherketa baten ondorioz
Erreskate taldeek lanean jarraitzen dute Liushenyu meatzean, Shanxin, herrialdearen erdialdean, eta agintariak istripuaren arrazoiak ikertzen ari dira. Xi Jinping presidenteak gertatutakoaren ardurak argitzeko deia egin du.
Kongoko Errepublika Demokratikoaren barruan ebola-agerraldiak eragindako arriskua "oso altua" dela ohartarazi du orain OMEk
Mundu mailan, arriskua "baxua" da, baina Bundibugyo izeneko birusaren aldaera ezezagun samar batek eragindako izurrite baten arriskuaz ohartarazi du, ez baitago ez tratamendurik ez txertorik.
Bertan behera geratu da Flotillako euskal aktibistei Loiun egin nahi zioten ongietorria, bi kide erietxean baitaude
Flotillaren ontzietan bidaiatu duten sei euskal herritarrak gaur ziren Euskal Herrira iristekoak. Horietako bi, ordea, Turkian daude ospitaleratuta, atxiloaldian jasandako indarkeriak eragindako lesioengatik, eta ez dira itzuli.
Azken 24 orduetan 31 ontzik Ormuz zeharkatu dutela adierazi du Iranek, Guardia Iraultzailearen "koordinazioarekin"
Ameriketako Estatu Batuek ziurtatu dute 94 ontzi birbideratu dituztela Irango portuetara ezarritako blokeoa betetzeko.
Dagoeneko deportatuta dauden Flotillako aktibistek haien kontrako indarkeria areagotu egin dela salatu dute
Gazara bidean zihoazela Israelek nazioarteko uretan atxilotu dituen 430 ekintzailetatik gehienak (guztiak atzerritarrak, Israelgo emakume bat izan ezik) Ramongo aireportutik atera dira, Israelgo hegoaldeko muturrean, Turkiak jarritako hiru hegazkinetan. Ekintzaileek Israelek haien kontra erabilitako indarkeria maila salatu dute.