NATOren goi-bileraren ostean Espainia "oso eskuzabal" aritu dela esan du Trumpek
Donald Trump AEBko presidenteak NATOk Ankaran (Turkia) egin duen goi-bileraren amaieran esan duenez, Espainia "oso eskuzabal aridu da", Aliantza Atlantikoak "ordainketa ugari" eskatu ostean. Ordu batzuk lehenago Espainiako Gobernuarekin liskar gogorra izan ostean egin ditu adierazpenok agintariak, Barne Produktu Gordinaren % 5eko defentsa-gastuarekin konpromisoa hartzeari uko egin diolako.
"Espainiarekin arazoak izan ditut, eta oraindik ere baditut, baina gaur erabat desegin da", adierazi du Trumpek hedabideen aurrean goi-bileraren bigarren egunaren ostean. Jarraian, Espainia "oso eskuzabal" agertu dela esan du, ordainketa eskaera bat onartu duelako, eta hori egin izan ez balu, "ezta" Espainiako agintariekin hitz egingo ez zukeela gaineratu du.
Aliatuen bileran lortutako adostasun giroa ere azpimarratu du AEBko presidenteak. "Gaur batasun handia egon da areto horretan, NATOren aretoan. Egia esan, ikaragarria izan da. Oso gauza positiboa izan da", adierazi du.
Ordu batzuk lehenago, Espainiarekiko merkataritza hausteko mehatxua
Trumpen hitzak ez datoz bat Mark Rutte NATOko idazkari nagusiarekin batera egindako agerraldian esandakoekin. Espainiaren aurka egin zuen, defentsako gastua BPGren % 5era igotzea ez onartzeagatik.
Esku-hartze horretan, Espainia "kausa galdutzat" eta "NATOren aliatu izugarritzat" jo zuen, eta aldebiko merkataritza "erabat" eteteko eskatu zuen. "Jada ez dugu Espainiarekin merkataritza-negoziorik egin nahi. Moztu dezatela nahi dut (...) Ez dut Espainiari buruz ezer jakin nahi", esan zuen.
Espainiak defentsa gastua handitzea espero du Trumpek
Tonu aldaketa hori gorabehera, Trumpek esan du NATOren goi-bilera "arrakastatsua" izan dela eta aliatuen arteko "bateratzeak" markatu duela.
Gainera, gogora ekarri du defentsa gastuaren helburua BPGren % 2tik % 5era igaro dela, eta oraindik helburu horrekin konprometitu ez diren herrialdeek, tartean Espainiak, "nahiko goiz" egitea espero duela, "oso positibo" agertu ostean.
Zure interesekoa izan daiteke
AEBk zigorrekin mehatxatu ditu Iranekin lotura ekonomikoak dituzten herrialdeak
AEBko Altxorraren idazkariak ohartarazi duenez, "inor ez dago salbuetsita" zeharkako zigorren jomuga izatetik Teheranekin negoziatzen badu.
EBk onartu egin du Ukrainari 6.100 milioi ematea, misilak eta aire-defentsarako sistemak erosteko
Boluntarioen Koalizioak Ukrainako aireko defentsak premiaz indartzeko konpromisoa hartu du. Bilera egin dute astelehen honetan.
Ebolak dagoeneko 2.642 hildako eta 5.514 kasu baieztatu eragin ditu Kongoko Errepublika Demokratikoan
Bestalde, 808 paziente isolatuta edo ospitaleratuta daude, eta 1.200 lagun sendatu egin dira. Ebola Kongoko sei probintziatan zabaltzen ari da, eta hilkortasun-tasa % 47,9koa da.
Iranek ohartarazi du ez dela petrolio "tanta bat bera ere" aterako Persiar golkotik, AEBk "gerra ekonomikoari" eusten badio
Scott Bessent AEBko Altxorraren idazkariak, bestalde, astelehen honetan hasiko den "gerra ekonomikoa" guduaren azken fasea dela ziurtatu du.
5,9 graduko lurrikara batek Tokio astindu du
Richter eskalan 5,9 graduko indarra izan duen lurrikara batek Japoniako ekialdea astindu du igande goizaldean, bereziki Tokio eskualdea. 30 pertsona zauritu dira eta tren-zerbitzu batzuetan etenaldiak egin dituzte. Japoniako Meteorologia Agentziak (JMA) baztertu egin du tsunami arriskua.
Auzitegi federal batek baliogabetu egin du Trumpek 75 herrialderi bisak emateko jarritako debekua
Neurria urtarrilean sartu zen indarrean, AEBetako Gobernuaren arabera, etorkin horiek "Estatuarentzat karga bat bihurtzeko arriskua" zegoelako.
Errusiaren eta Ukrainaren arteko erasoek jarraitzen dute, gatazka hasi zenetik lau urte eta erdi igaro direnean
Hogei pertsona baino gehiago hil dira azken orduetan bi herrialdeetan droneak eta jaurtigaiak erabiliz egindako erasoetan.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
AEBk eta Kanadak ez dute merkataritza-akordiorik lortu, eta % 50eko muga-zergak mantenduko dira
Ameriketako Estatu Batuetako Gobernuak Kanadako ibilgailuen gaineko muga-zergak % 15era eta altzairu eta aluminioarenak % 25era murriztea onartu bazuen ere, larunbat honetan % 50eko kargak sartu dira indarrean.
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.