NATO osatzen duten herrialdeetako buruzagiak bilduko dira Ankaran, defentsa gastua eta Ukraina hizpide hartuta
Trump eta aliatu europarren arteko tentsio betean egingo da NATOren goi bilera, presidente estatubatuarrak defentsan gastu nahikorik ez egitea leporatzen baitie. Iazko goi bileran 2035erako defentsa gastua Barne Produktu Gordinaren % 5era handitzea adostu zuten.
NATO Ipar Atlantikoko Itunaren Erakundea osatzen duten 32 herrialdeetako gobernuburuak elkartuko dira gaur-biharretan Turkiako hiriburuan, Ankaran, defentsa gastuaz eta Ukrainari eman beharreko babesaz hitz egiteko.
Tentsio handiko unean egingo da NATOko goi bilera. Donald Trump AEBko presidenteak defentsan nahikoa gastu ez egitea leporatu die aliatu europarrei, 2035erako defentsa gastua Barne Produktu Gordinaren % 5era handitzea adostu ondotik iazko goi bileran.
Halaber, Trump NATOko kide diren Europako herrialdeekin haserre dago Irango gerran AEBri ez laguntzeagatik eta beren base militarrak ez uzteagatik.
Hori dela eta, Alemaniako base militarretatik 5.000 soldadu erretiratuko zituela iragarri zuen Trumpek.
NATO 3.0
NAT0 3.0 kontzeptua bultzatu nahi du Ameriketako Estatu Batuetako Gobernuak, baina zer esan nahi du horrek? Labur esanda, defentsa gastua handitzea.
2035erako defentsa gastua Barne Produktu Gordinaren % 5era handitzea adostu zuten aliatuek, eta horren harira, 2025ean Aliantza Atlantikoko Europako herrialdeen defentsa gastua 121.650 milioi euroan hazi zen (% 20 inguru).
Ukrainari babesa
Halaber, aurreikuspenak betetzen badira, aliatuek Ukrainari 140.000 milioi euroko laguntza militarra ematea adostuko dute Ankarako goi bileran.
Zure interesekoa izan daiteke
UEFAk "ulertezin eta justifikaezin" jo du Balogun indultatzea
Aurrelari estatubatuarrari txartel gorria kentzeak erakundeen kritikak eragiten jarraitzen du Belgikaren aurkako partidaren atarian.
Zer dio 27. artikuluak Balogunek Belgikaren aurka jokatu ahal izateko?
FIFAri "diziplina neurri baten aplikazioa erabat edo partzialki eteteko" gaitasuna ematen dio. Aurrekari bat dago 1962ko Munduko Txapelketan Garrincha brasildarrarekin.
Tourrak bere hirugarren etapa moztuko du gaur eta Les Anglesen amaituko da suteengatik, ikuslerik gabe
Frantziako lasterketaren antolatzaileek hirugarren etaparen azken zatia aldatzea erabaki dute, Granollers eta Les Angles lotzen dituena, Frantzia hegoaldeko baso-suteengatik.
Ebola agerraldiak 500 hildako baino gehiago eragin ditu Kongoko Errepublika Demokratikoan
Tokiko agintarien arabera, 1.561 ebola kasu baieztatu dituzte eta horietatik 253k gaixotasuna gainditu dute.
FIFAk txartel gorria kendu dio AEBko jokalari bati Trumpek Infantinori ustez egindako dei baten ostean
Folarin Balogun Ipar Amerikako selekzioko izarrari kendu dio txartela, final-hamaseirenetako partidan kanporatua izan ostean, eta final-zortzirenetan Belgikaren aurka jokatzeko aukera izango du.
Gutxienez 11 pertsona hil eta 46 zauritu dira Kieven, Errusiaren bonbardaketetan
Volodímir Zelenski Ukrainako presidenteak horrelako eraso bat gertatuko zela ohartarazi ondoren etorri dira erasoak.
Milioika lagunek eman diote azken agurra Ali Khameneiri
Mendekua eta Donald Trump Ameriketako Estatu Batuetako Presindetearen heriotza eskatuz, ehunka milaka dira gaur ere Ali Khameneiri azken agurra ematen ari direnak Teheranen. Haren hiru seme ikusi ahal izen dira hilkutxaren aldamenean otoiz egiten, baina ez haren ondorengo izendatu zuten Motjaba Khamenei.
Trumpek AEBren handitasuna goraipatu du independentziaren 250. urteurrenean: "Inor ezin da gu bezalakoa izan"
Agintariak aukera aprobetxatu du herrialdeko "komunisten" aurka egiteko eta bere hauteskunde erreforma polemikoa sustatzeko.
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.