Beroagatik alerta laranja ezarriko dute asteazkenean eta ostegunean
Eusko Jaurlaritzak baso sute arriskuagatik ere abisu horia ezarriko du, tenperatura altuei hegoaldeko haizea gehitu beharko zaielako.
Eusko Jaurlaritzako Larrialdiei Aurre Egiteko eta Meteorologiako Zuzendaritzak alerta laranja ezarriko du asteazkenean eta ostegunean, tenperatura altu iraunkorrengatik. Tenperatura maximoak 30 ºCtik gora kokatuko dira eta zenbait tokitan 34 graduraino iritsiko dira.
Gaur abisu horia dago indarrean tenperatura altu iraunkorrengatik eta 13:00etatik 20:00etara beste abisu hori bat aktibatu da, tenperatura oso altuengatik. Halaber, baso sute arriskuagatik abisu horia egongo da egun osoan, tenperatura altuei hegoaldeko haizea gehitu beharko zaielako.
Asteazkenean alerta laranja ezarriko dute, tenperatura altu iraunkorrak (33-34 gradu) espero baitira egun osoan. Halaber, 13:00etatik 20:00etara beste abisu hori bat aktibatuko da, tenperatura oso altuengatik.
Tenperatura altuak eta hegoaldeko haizearen intentsitatea direla eta, baso-sute arriskua ere aktibatuko dute egun osoan.
Ostegunean berriro tenperatu altu iraunkorrengatik alerta laranja egongo da indarrean. Tenperatura beroenak 32-33 graduren bueltan kokatuko dira.
Horrez gain, tenperatura oso altuengatik abisu horia aktibatuko da 13:00etatik 20:00etara. Baso sute arriskuagatik ere abisu horipean egongo da Euskal Autonomia Erkidegoa egun osoan.
Zure interesekoa izan daiteke
Giro aldakorra asteon
Udazken giroa astebururako
Giro eguzkitsua eta tenperaturen gorakada astea hasteko
Giro egonkorra eta 20 ºC-tik gorako maximoak izango ditugu asteburu luzean
Euriteek ur-putzu handiak utzi dituzte Hego Euskal Herriko hainbat herritan
Abisu horia gaur arratsaldean ere euri-zaparrada handiengatik
Abisu horia gaur eta bihar arratsalderako, euri-jasa handiengatik
Euria bota eta bota, asteburura arte
Abisu horia larunbat arratsalderako EAEn, euriteengatik
