Gutxienez 135 zauritu eta 1.723 atxilotu izan dira 'txaleko horien' protestetan
"Txaleko horien" protestek istiluak utzi dituzte berriro Parisen. Gutxienez 135 zauritu izan dira, gehienak, manifestariak. Agintarien arabera, 10.000 manifestari bildu dira hiriburuan, eta 125.000 Estatu osoan.
Christophe Castaner Barne ministroak esan duenez, Poliziak 1.723 pertsona atxilotu ditu Estatu osoan. Parisen 920 izan dira atxilotutakoak.
Tirabira nagusienak bulebar handietan izan dira. 13:00etatik aurrera, manifestarien taldeek su eman diete inguruko saltokietako materialarekin eta hiri-altzariekin egindako barrikadei.
Istiluen kontrako poliziek presiopeko ura eta gas negar-eragileak erabili dituzte manifestarien aurrean.
Aldi berean, Eliseo Zelaien etorbidean, zenbait “txaleko horik” su eman diete paperontzi eta edukiontziei. Poliziak atxiloketekin erantzun du.
Periferikoan, Pariseko saihesbide azkarrean, dozenaka pertsonak trafikoa moztu dute, Maillot Atearen parean, Kongresuen Jauregitik gertu.
Atxiloketak Parisen. Argazkia: EFE.
Istiluak goizetik
Frantziako segurtasun indarrek gutxienez 700 atxiloketa prebentibo egin dituzte larunbat goizean, gaurko Parisen 'txaleko horiek' deitutako protestetan ekintza biolentoak ekiditeko asmoz, Polizia Prefekturak jakitera eman duenez.
Iturri berak azpimarratu duenez, pertsona horiek atxilotu dituzte ekintza biolentoak egingo dituztelakoan edo indarkeria egiteko erabil daitezkeen objektuak zeramatzatelako. Dena dela, argitu dutenez, identifikazioa egin ostean, pertsona guztiak ez dira Poliziaren zaintzapean geratuko.
Atxiloketen ostean, manifestariek Marseillaise ereserkia abestu dute Eliseo Zelaietan kokatutako hesi-poliziaren aurrean, baina hura gainditu gabe.
09:00ak pasata, tentsio-uneak izan dira 'txaleko horien' eta polizien artean Parisko erdigunean, eta gas negar-eragileak bota dituzte Eliseo Zelaietako etorbidean eta aldameneko kaleetan, manifestariak sakabanatzeko.
'Txaleko horiak' Parisen bildu dira berriro larunbat honetan. Argazkia: EFE
Protestak Estatu osoan
Marseillan, mila pertsonak manifestazio baketsua egin dute, Pui-en-Velayn bezala, aurreko astean prefetura erre zuten lekuan.
Nantesen, dozenaka "txaleko hori" kalera irten dira, eta Saint-Nazairen 400 bat pertsona manifestatu dira, Toursen bezala.
Nizan, 500 pertsonak minutuko isilunea egin dute Mediterraneoko Jauregian "hiru asteren ostean manifestazioetan hildako eta zauritutakoen omenez".
Montelimar hegoaldean, "txaleko horiek" Amazon eta Easydisen plafatormen sarrerak blokeatu dituzte. 1.600 pertsona inguru manifestatu dira Narbonan.
Errepideei dagokienez, A6 autobidean barrikadak daude, Villefranche-sur-Saoneren parean, Paris-Lyongo noranzkoan. A10 ere moztuta egon da gauean, Burdeos-Pariseko noranzkoan, paletak erre dituztelako. Eguerdian berriz ireki dute.
Frantziar Estatua eta Italiaren arteko muga ere itxita dago, bi noranzkoetan, Itsas Alpeetan, Ventimigliaren parean. Ordu erdiro altxatzen dute blokeoa. A9a ere moztuta dago Narbonan, Espainiar Estatuko mugan. A7 autobidea ere blokeatuta dago, Valence hegoaldean, eta A28a moztuta dago Le Mansen.
"Txaleko hori" batzuei beisboleko bateak eta petanka bolak atzeman dizkie Poliziak.
'Eskua luzatuta'
Aurreko asteetako protesta biolentoak ekiditeko asmoz, gaurko Parisen prestatu duten segurtasun dispositiboa behatzen ibili da Christophe Castaner Barne ministroa. "Erantzun gogorra eman behar dugu", esan du segurtasun neurriak zuritzeko.
Castanerrek esan duenez, "Gobernuak eskua luzatu du" eztabaidarako, eta urtarrilerako aurreikusita zegoen erregaien prezioen igoera bertan behera utzi duela gogoratu du.
Segurtasun neurri handiak
Guztira, segurtasun indarren 89.000 kide zabaldu ditu gaur Frantziako Gobernuak, horietatik 8.000 Parisen,.
Bestalde, Eiffel Dorrea batu zaio gaur itxita egongo diren Pariseko monumentu, museo eta saltokien zerrendari, segurtasun neurri bezala, "txaleko horien" manifestazio berriaren aurrean.
"Indarkeria handiko" istiluetan bukatu dezakeela uste du Frantziako Gobernuak. Grand Palais eta Petit Palais museoak, Opera eta Eliseo Zelaien inguruko saltoki asko ere itxita egongo dira.
Zure interesekoa izan daiteke
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.
Absentismoa murrizteko negoziazio kolektiboan pizgarriak adostearen alde egin du Cebekek
Bizkaiko patronalak negoziazio kolektiboari "inposiziorik gabe" eta elkarrizketaren aldeko apustuarekin ekiteko deia egin du, eta hitzarmenetan absentismoaren eragina murriztea ahalbidetuko duten akordioak eta pizgarriak (ez dute zertan ekonomikoak izan) sartzea defendatu du.