Macronek gutxieneko soldata igo eta zergak jaitsiko ditu protestak baretzeko
Gutxieneko soldata 100 euro igo eta pentsiodunei zein langileei zergak jaitsiko dizkietela iragarri du gaur Emmanuel Macron Frantziako presidenteak. 'Txaleko horien' mugimenduko eskakizunei erantzuten saiatu da hitzaldian.
Iraganean bere adierazpenek “batzuei min” eman dietela onartu du Macronek. Gainera, protestak sortu dituen haserrea justifikaturik dagoela uste du agintariak. Horregatik, “larrialdi-egoera ekonomiko eta soziala” ezarri du, egoerari aurre egiteko.
Frantziako buruzagiak eztabaida nazional bat abiatu nahi du, “kontratu sozial berri bat” adostu ahal izateko.
Ministro nagusiekin, sindikatuekin eta patronalarekin lau orduko bilera egin du Macronek. Ondoren prentsaurrekoa eman du. Duela hilabete hasitako protestei konponbide bat emateko batzarra izan da. Erregaien gaineko zergaren aurkako mugimendu bezala hasi zena aldaketa politiko eta ekonomiko sakonak eskatzen ari da orain.
“Itun sozial berria” zehazteko zain, 2019an gutxieneko soldata 100 euro hilean igoko duela iragarri du Macronek, enpresaburuentzako inongo kosturik gabe. Bestalde, ordu estrak ordaintzea eta urte bukaeran langileei sari bat emateko eskatu die Frantziako agintariak enpresaburuei, guztia zergarik gabe.
13 minutuko agerraldian, herrialdea “une historiko baten” aurrean dagoela onartu du Macronek, eta egoera aldatzeko esfortzuan bat egiteko eskatu die enpresa handiei.
Hilean 2.000 euro baino gutxiago irabazten dituzten erretirodunek ez dute CSG (Gizarte Kontribuzio Orokorra) zergaren igoerarik izango.
Aberastasunaren gaineko zerga (ISF) berriz martxan jartzea ez du onartu presidenteak. 1,3 milioi euro baino gehiagoko ondareek ordaintzen zuten, baina IFI zergarekin ordezkatu zuen Parisek.
“Pertsona batek bere lanarekin duintasunez bizi ahal izateko Frantzia bat nahi dugu. Beharrezkoa egiteko eskatzen diet Gobernuari eta Parlamentuari”, esan du. Azkenik, protestetako indarkeria gaitzetsi du Macronek.
Zure interesekoa izan daiteke
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.
ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute
Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.
EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa
Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.
EAEko taxilariek manifestazioa egin dute Bilbon VTC plataformen "gehiegikerien" aurka
Taxien sektorean egiten dituzten azterketa berdinak eskatzen dizkiete erakundeei plataforma hauentzat. Salatu dutenez, Bizkaian ibilgailu hauentzat lizentzia berrien "jarioa etengabea" da, Foru Aldundiak baimenduta. Jakitera eman dutenez, Gipuzkoan egoera desberdina da, ez delako lizentzia berririk ematen. Araban, berriz, "erresistentzia instituzionala handiagoa" dela diote.
Mikel Jauregiren arabera, Tubos Reunidosen irtenbideak "bideragarria" izan behar du, eta berregituraketak, "epe luzekoa"
Eusko Jaurlaritzako Industria, Trantsizio Energetiko eta Jasangarritasun sailburuak eragile guztien artean Tubos Reunidosen benetako bideragarritasuna bilatzearen eta Amurrion eta Trapagaranen industria-jarduerari eutsiko dion "etorkizuneko industria-proiektu bat osatzearen alde" egin du Radio Euskadin. Hala ere, onartu du zorra arazo garrantzitsua dela eta "egoera zaila" dela.
Gipuzkoako Aldundia tasa turistikoa uda honetan indarrean jartzekotan dago
Foru Gobernuaren Kontseiluak aurreikusten du martxoaren 17an onartu dezakeela zerga arautuko duen lege-proiektua. Ondoren, Batzar Nagusietara eramango dute eztabaidatzeko eta, onartzen bada, udalerriak aplikatzen hasi ahal izango dira.
Absentismoa murrizteko negoziazio kolektiboan pizgarriak adostearen alde egin du Cebekek
Bizkaiko patronalak negoziazio kolektiboari "inposiziorik gabe" eta elkarrizketaren aldeko apustuarekin ekiteko deia egin du, eta hitzarmenetan absentismoaren eragina murriztea ahalbidetuko duten akordioak eta pizgarriak (ez dute zertan ekonomikoak izan) sartzea defendatu du.