Manifestazio batek Huerta de Peraltako langileak babestu ditu Iruñean
Huerta de Peralta enpresako langileek abenduaren 26tik egiten ari diren greba Iruñera ekarri dute goizean, lau lankideren kaleratzea salatzeko. Era berean, Nafarroako nekazarientzako lan-baldintza “duinak” eskatu dituzte mobilizazioan.
Manifestazioak hiriko erdigunean ibilbidea egin du, Udaletxe plazatik Gazteluko plazara, joan eta etorri. LAB eta EHNE sindikatuetako banderak izan dira protestan.
Imanol Karrera LABeko bozeramailearen hitzetan, “borroka eredugarri bat aurrera eramaten ari dira, etorkizun hobeago baten bila Nafarroako soroetara etorri ziren langile migratzaileak direlako, eta miseria eta esplotazioa aurkitu dutelako”. Huerta de Peraltak 140 behargin inguru ditu.
Karreraren ahotan, LABek planteatutako “konponbide akordioa” errefusatu du enpresak “modu arduragabean”. Horregatik, “gatazka mantentzearen alde” agertu da sindikatu abertzalea, nahiz eta egoera “zaila” izan. LABek sei ordezkari ditu enpresa-batzordean. Guztira, bederatzi ordezkari dira.
Salatu duenez, iruzurrean egindako kaleratzeak justifikatu eta sektoreko hitzarmena aplikatzen ari dela defendatu du Huerta de Peraltak, baina bi kaleratze “bidegabeak” izan direla ebatzi dute auzitegiek dagoeneko, eta “enpresak langileei 440.000 euro zor dizkiela esan du epaile batek”.
“Enpresak ez du konponbiderik nahi, langileek lan-baldintza duinak izan ditzaten; arduragabekeria”, adierazi du. Horregatik, Nafarroako Gobernuaren “bitartekaritza” eskatu du Karrerak, “diru publikoan enpresari 300.000 euro ematen dizkiolako”.
Nafarroako nekazarien egoera ere hizpide izan du Imanol Karrerak. Zentzu horretan, “esplotazioa eta prekarietatea” salatu ditu. “Ospe handia duen” produktu bat “ezin da baldintza horietan mantendu”, aurpegiratu du.
“Nafarroako gizarteak arazoa konpontzeko garaia du, kalitatezko produktuen atzean bizitza eta lan-baldintza onak izateko”, azpimarratu du.
Zure interesekoa izan daiteke
Eusko Legebiltzarrak uko egin dio etxebizitza-edukitzaile handien erregistro bat egiteari
EH Bilduren eskariz eztabaidatu da gaia Osoko Bilkuran. Koalizioaren jatorrizko ekimena baztertu egin dute bozketan, baita Sumarren zuzenketa bat ere; aldiz, EAJren eta PSE-EEren zuzenketa bat onartu da. EH Bilduren proposamenak edukitzaile handien erregistro bat eegitea eskatzen zuen, izan pertsona fisiko naiz juridikoena, Nafarroan edo Katalunian daundenen gisan.
Interes-tasak % 2an mantendu ditu EBZk, bosgarren aldiz, merkatuek espero bezala
Europako Banku Zentraleko (EBZ) Gobernu Kontseiluak joera aldatu gabe jarraitzea erabaki du, 2025eko ekainean malgutze-zikloa eten ondoren. Ziklo horrek oinarrizko 200 puntu murriztu zuen diruaren prezioa, beheranzko zortzi doikuntzen bidez.
Hurtado sailburuak turismo-zerga 2027an EAE osoan aplikatu ahal izatea espero du
Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.
Bizkaian garraio publikoko deskontuak abenduaren 31ra arte luzatuko dira
14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.
EAErako zerga turistikoa onartzeko aurreproiektua, martxan: eguneko 7,5 eurorainokoa izan daiteke
Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.
BBVAk 10.511 milioi irabazi ditu 2025ean, % 4,5 gehiago
Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".
ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte
Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.
Inbertitzaileen euskal partzuergoak Uvesco erosteko prozesua amaitu du
Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.
AP-15 autobidea autoentzat doakoa izango da 2029tik aurrera
2029tik aurrera Nafarbide sozietate publikoaren esku geratuko da AP-15 autobidearen kudeaketa.
Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako
Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.