Hirikoren porrota leporatu zieten enpresarien auzi penala artxibatu du Auzitegiak
Hiriko auto elektrikoaren proiektuak huts egitearen ustezko ardura zuten lau enpresarien aurkako auzi penala artxibatu du Arabako Lurralde Auzitegiak. Bidegabeko eralgitzea, bidegabeko jabetzea eta diru laguntzetan iruzurra leporatzen zizkieten enpresariei. Horietako bi, gutxienez, EAJri lotuta daude.
Auzitegiaren autoaren arabera —irmoa da eta ezin da helegiterik aurkeztu—, ikertutakoak merkataritza-jurisdikzioak zigortu ditu dagoeneko, eta "ez dago delitu zantzu nahikorik". Beraz, akusatuen abokatuek jarritako apelazio-errekurtsoa onartu dute zati batean, eta “auzia behin behinean artxibatzea” adostu dute.
Afypaida enpresaren lau administratzaileak, 2017ko urte bukaeran konpainiaren porrotaren erruduntzat jo zituen Gasteizko Merkataritza arloko epaitegi batek. Hiriko autoarengatik 15,7 milioi euroko diru-laguntza publikoa jaso zuen enpresak. Horietako 14,7 milioi, Zientzia eta Berrikuntza Ministerioarenak.
Administratzaileak dira Jesus Echave, sozietatearen presidentea eta EAJri lotuta; Iñigo Antia, EAJren zinegotzia Gasteizen 2003 eta 2008 artean, alderdiaren Arabako zuzendaritzara igaro zenean; Fernando Achaerandio eraikitzailea, eta Jose Luis Bengoechea bitxi-dendako saltzailea.
Gasteizko 1. Merkataritza arloko epaitegiak "zuhurtziagabekeria astuna" egotzi zien, Afypaidaren kaudimengabeziak larriagotua, eta bi urtez besteen ondasunak administratzeko eta beste pertsonak ordezkatzeko gaitasunik gabe utzi zituen.
Gainera, 535.000 euroko zigorra jaso zuten, "inoiz saiakuntza-banku bezala erabilia izan ez zen" auto bat erosteagatik porrotaren erruduntzat jo ziren.
Behin merkataritza prozesua bukatuta, iaz Gasteizko 3. instrukzio-epaitegiak amaitutzat eman zuen lauen kontrako ikerketa penala, bidegabeko eralgitzea, bidegabeko jabetzea eta diru laguntzetan iruzurra leporatuta.
Fiskalarentzat, akusatuek, automobilgintzak inolako esperientziarik gabe, diru publikoa eskuratzeko plan bat egin zuten, auto elektriko bat diseinatzeko aitzakian. Estatuaren Abokatuak, bestalde, jasotako diru laguntza guztiak itzultzeko eskatu zuen, baina instrukzio-epaileak desbideratzea 6,4 milioi eurokoa izan zela esan zuen.
Akusatuen abokatuek auto horren kontrako apelazio errekurtsoak aurkeztu zuten. Orain, Arabako Auzitegiak zehaztu duenez, "ikertuetan gezurrezko interesen susmoa izatea logikoa da, baina zantzuak ez dira nahikoak egozteak mantentzeko".
Auzitegiak arrazoitu duenez, ez du auzia artxibatzen egindakoa ez delako delitua, defentsek eskatzen zuten bezala, baizik eta delitua egin izana ez dagoelako behar bezala frogatuta.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".