Gaixorik dauden pinuen tratamendua, herrietatik edo ur-lasterretatik 100 metrora
Banda marroiaren gaixotasunak kaltetutako pinudien jabeek tratamendu kimikoa herrietatik edo ur-lasterretatik 100 metrora aplikatu ahal izango dute, Bizkaiko Foru Aldundiak jakitera eman duenez.
Oxido kuprosoaren tratamendua lurretik aplikatu ahal izateko baldintzak argitaratuko ditu Foru Gobernuak aste honetan, Bizkaiko Aldizkari Ofizialean, erakundeak ohar batean aurreratu duenez.
Produktua erabiltzeko segurtasun distantziak ezarri ditu Aldundiak. Horrela, herri edo eraikin, urtegi, urmael eta hezegune ala ur-harpenen inguruan ezin izango da aplikatu, 100 metroko distantzian, hain zuzen ere.
Era berean, 10 kilometro karratu baino gehiagoko arroetan, ur-lasterren bi aldeetan, 100 metroko segurtasun distantzia ezarri du Aldundiak, tratamendua aplikatu ahal izateko.
Apirilaren 1etik uztailaren 29ra bitartean, produktua bi aldiz aplikatzeko aukera izango dute baso jabeek, 25 urtez beherako eta % 75eko hosto-galtzea duten pinudietan.
Aldundiak zehaztu duenez, aireko tratamenduan ez bezala, lurreko aplikazioa pinudien jabeek egin beharko dute, eta ez foru erakundeek. Hala ere, prozeduran praktika onak bermatu nahi ditu erakundeak.
Araudiaren arabera, gaixorik dauden pinuen jabeek hektarea bakoitzeko 1-1,6 kilo oxido kuproso erabili ahal izango dituzte, eta gehienez bi aplikazio 14-21 eguneko tartean, apirilaren 1etik uztailaren 29ra.
Tratamendua hasi baino lehen, lursailen berri eman beharko diote jabeek Nekazaritza foru zuzendaritzari.
Mendi eta Nekazaritza foru zerbitzuek, eskualdeko nekazari bulegoek, Durango, Bermeo eta Gernikako artatze bulego integralek eta Bizkaiko Baso Jabeen Elkarteak interesdunei informazioa emango diete.
Zure interesekoa izan daiteke
Akordioa Mercosurrekin: zer da eta nola eragingo dio Europari?
Europa osoko nekazariek asteak daramatzate protestan, besteak beste, EBk Mercosurrekin lortu duen eta herrialde kideek onartu duten akordioagatik. Itun ekonomiko honek Hego Amerika eta Europaren arteko merkataritza arautuko du, eta sektore batzuei mesede egiten die eta beste batzuei kalte egin diezaieke.
EBren eta Mercosurren arteko akordioak "eragin larria" duela ohartarazi dute ENBA eta UAGN abeltzaintza elkarteek
"Brasildik edo Argentinatik datorren okela merkaturatzea ahalbidetuko duen agertoki baten" ondorioen aurrean ohartarazi du erakundeak; euskal ustiategi batek dituen "ekoizpen-kostuen oso azpitik" finkatzen baitu prezioa.
A63ak itxita jarraitzen du Baionako tartean nekazarien protestengatik baina auto-ilarak desegiten doaz
Pirinio Atlantikoko Prefeturak jakinarazi duenez, 02:00etan 80 nekazari asindikalek, 60 traktore erabilita, A63 autobidea blokeatu dute Baiona iparraldeko lotunearen parean eta goizetik arazo handiak izan dira inguruetan. Gainera, Prefeturak Biriatuko muga itxi du 7.500 kilotik gorako kamioientzat bi noranzkoetan. Jaurlaritzak EAEko errepideetatik igarotzeko debekatu die 7.500 kilotik gorako kamioiei Frantzia aldera.
Alberto Martinez, medikuen grebari buruz: "Bi urteren eta 12 zirriborroren ondoren, akordio batera iristeko unea da"
Alberto Martinez Osasun sailburuak gogorarazi duenez, langile estatutarioen harremanen esparrua ezartzen duen Estatutu Markoa "Osasun Ministerioaren eskumen esklusiboa da, eta Ministroen Kontseilura eta, ondoren, Kongresura eraman behar du, onar dezan". Horren ildotik, Osasun Saila "Estatutu Markotik kanpo ateratzen den guztia" negoziatzeko moduan dagoela esan du.
EBko herrialdeek oniritzia eman diote Mercosurreko herrialdeekin akordioa sinatzeari
Ezezkoa eman dute Frantziak eta Hungariak, besteak beste.
Nekazariek eta abeltzainek ohartarazi dute EBren eta Mercosurren arteko balizko akordioaren aurkako mobilizazioak "areagotuko" dituztela
Hala iragarri du Raul Beitia Atacako presidenteak (Trebiñuko eta Arabako nekazarien eta abeltzainen elkarte independentea), Nekazaritza Politika Komun berriaren aurkako bigarren protesta egunean. 50 bat traktorek elkarretaratzea egin dute Eusko Jaurlaritzaren aurrean, Gasteizen, Gobernuaren Ordezkariordetzara eramango dituen beste martxa bat egin aurretik.
Balizko akordio bati azken zertzeladak ematen ari dira EB eta Mercosur, nekazarien protesten artean
Frantziak, Hungariak eta Irlandak publikoki esan dute uko egingo diotela itunari, baina azken orduetan Italiako Atzerri ministro Antonio Tajanik adierazi du begi onez ikusi dutela Europako Batzordeak egindako azken askaintza.
Langile bat hil eta beste bat zauritu da Urruñan, eraikuntza-lanetan ari zirela
Istripua goizeko 09:15ak inguruan izan da, ur-biltegi bat eraikitzeko lanetan.
Mercosur akordioaren kontra, traktoreak kalera atera dituzte nekazariek Iruñean eta Gasteizen
Bihar sinatzekoa den Mercosur akordioaren kontra traktoreak kalera atera dituzte nekazariek. Iruñean eta Gasteizen traktoreak baliatuz egin dute protesta, haien kalterako izango omen den merkatu librearen akordioari aurre egiteko.
EAEko industria-jarduera % 0,8 hazi da urte batetik bestera azaroan, baina % 1,0 jaitsi da hiletik hilera
Eustaten datuen arabera, ekipo-ondasunek gora egin dute urterik urte, nahiz eta Araban hilean behera egin eta jarduerak behera egin.