268 zergapekok 823 milioi euroko zorra dute EAEn
Guztira, 268 zergapekok 823 milioi euroko zorra dute EAEko Ogasunekin, iaz baino bi zergapeko gutxiago. Foru aldundiek berankor handien zerrenda kaleratu dute, ogasunek orain arte argitaratu duten laugarrena.
2018ko abenduaren 31n Foru Ogasunari milioi bat euro baino gehiago zor zioten subjektu fisiko edo juridikoak identifikatu dituzte Gipuzkoako, Bizkaiko eta Arabako aldundiek agiri batean.
Datuak lurraldez lurralde aztertuta, Bizkaia berankor gehien izan dituen lurraldea da. Guztira, 165 zergapekok 466 milioi euroko zorra dute Bizkaiko Ogasunarekin.
Gehien bat, porrot egin duten enpresak dira, higiezinen eta eraikuntzaren sektorekoak. Hala ere, zordun berriak ere badaude; esaterako, Bilbao Basket taldea kudeatzen duen enpresa, 3,4 milioi euro zor baititu.
Jabyer Fernandez, Iurbenorreko jabe zerrendako lehen tokian dago, 52,3 milioi euroko zorrarekin; ondoren, Moldis Echarro enpresa eraikitzaileak 20,4 milioi euro zor ditu.
Industrias Domesticas enpresak 17,9 milioi euro zor ditu; eta, Abaroa higiezinen agentziak, 16,7 milioi; Baenak, berriz, 11,2 milioi zor ditu eta Mondragon taldeko Edesak, 11,3 milioi.
Araban, guztira, 37 zergapeko daude eta 119 milioi euro zor dituzte. Lurralde honetan izandako berankortasuna 2018koa bainoa txikiagoa izan da; 42 zergapeko eta 122,6 milioi eurokoa izan baitzen iazko zorra.
Porrot egin edo hartzekodunen konkurtsoan dauden enpresak dira gehien bat zordunak. % 18, berriz, hartzekodunen konkurtsoan ez dauden zergapekoak dira.
Zerrendan 8,5 milioi euroko zorra duten hiru pertsona fisiko agertzen dira.
Enpresen harira, Goya setenta y nueve enpresak 17,1 milioi zor ditu; Ros Casares Centro del Acerok, 10,5 milioi; Urko-Urbasa UTEk, 11 milioi; eta, Eguren Vitoriak, 9,2 milioi.
Gipuzkoan, 66 zergapekok 237,9 milioi euroko zorra dute Gipzukoako Ogasunarekin. Aurreko ekitaldiarekin alderatuta, 54,1 milioi euro gutxiagoko zorra, hain zuzen.
Aurreko zerrendarekin alderatuta, 3 zergapeko berri sartu dira sailkapenean, 4,4 milioiko zorrarekin. 14,5 milioiko zorra zuten beste sei zergapeko, berriz, zerrendatik atera dira.
Jose Ramon eta Juan Miguel Osinalde Echaniz zerrendako lehen tokian daude, bakoitza 31,4 milioi euroko zorrarekin; ondoren, Commodities and investments enpresak 22,9 milioi zor ditu; Fagor Etxetresnak konpainiak, 8,1 milioi.
Iruzur Fiskalaren Aurka Borrokatzeko Planaren baitan jasota dauden ekimenen artean, zerrenda hau argitaratzea dago, eta iruzur fiskala saihestea eta herritarren kontzientzia fiskal kolektiboa sendotzea du helburu, iruzurrari aurre egiteko eta zigortzeko ekintzak osatzeko, agirian emandako azalpenen arabera.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.