Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Eusko Jaurlaritzak bere gain hartuko ditu Gizarte Segurantzako kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia batean. Euskal administrazioak onartu, izapidetu eta ordainduko ditu laguntza horiek, baina Estatuak araugintzarako gaitasuna izaten jarraituko du, eta horrek esan nahi du Euskadik ezin izango duela laguntza horien zenbatekoa aldatu.
Transferitutako eskumenak hiru familia-laguntza mota biltzen ditu:
- Diru-esleipena, ardurapeko seme edo alaba edo familian hartutako adingabe bakoitzeko, % 33ko edo gehiagoko ezgaitasuna duten 18 urtetik beherako seme-alabak edo % 65eko edo gehiagoko ezgaitasuna duten adin nagusiko seme-alabak dituzten familientzat. Bi gurasoengandik umezurtz diren edo abandonatuta dauden adingabeei ere zabaltzen zaie, baldin eta adin- edo desgaitasun-baldintzak betetzen badituzte.
- Jaiotzagatiko edo adopzioagatiko prestazioa, 1.000 euroko ordainketa bakarra familia ugariei, guraso bakarreko familiei edo % 65eko edo gehiagoko desgaitasuna duten gurasoei laguntzeko. Errenta-muga jakin batzuei lotuta dago, eta bateraezina da antzeko beste laguntza batzuekin.
- Erditze edo adopzio anizkoitzagatiko prestazioa, ordainketa bakarrekoa hori ere, aldi berean bi seme-alaba edo gehiago jaiotzeak edo adoptatzeak dakarren aparteko gastua konpentsatzeko pentsatua. Zenbatekoa aldatu egiten da seme-alaba kopuruaren arabera, Lanbide arteko Gutxieneko Soldataren multiplo gisa kalkulatua: LGSaren halako lau bi bi seme-alabentzat, zortzi hiru seme-alabentzat eta hamabi lau seme-alaba edo gehiagorentzat.
Gainera, jaiotzagatiko sorospen berezia kudeatuko du Euskadik, Gizarte Segurantzan alta emanda egon arren amatasunagatiko kotizaziopeko prestazioa jasotzeko adina kotizatu ez duten emakumeentzat. Laguntza hori eguneko IPREMen % 100aren baliokidea da (17,93 euro 2025ean), erditzetik 42 egun naturaletan, eta, kasu batzuetan, 56 egunera luza daiteke.
Zifretan, 10.635 adingabek eta 9.394 helduk jasotzen dituzte prestazio horiek gaur egun Euskadin, 2023ko datuen arabera. Prestazio horiez arduratzen diren Gizarte Segurantzaren baliabide materialak eta pertsonalak eskualdatzea.
Eusko Jaurlaritzak azpimarratu du eskualdatzeak errespetatu egiten dituela Gizarte Segurantzaren sistemako eredu unitarioa eta kutxa bakarra. Estatuko aurrekontu orokorren bidez finantzatutako prestazioak direnez, Euskadik orain bere gain hartzen duen gastuaren zati proportzionala ordaintzeari utziko dio, guztizkoaren % 6,24 inguru, hau da, 100 milioi euro.
Zure interesekoa izan daiteke
Pakistandarrak lanean esplotatzeagatik ikertutako hiru pertsonak aske utzi dituzte, Espainiatik irtetea galarazita
Ikertuek epailearen aurrean ez deklaratzeko eskubideari heldu diote, eta epaileak pasaportea kentzea eta hileko lehenengo egunean eta hamabosgarrenean epaitegian agertzea agindu du.
A-15 autobidea osorik zabalduko dute igandean, tunelak egokitzeko lanak guztiz amaitu ostean
Asteburuan behin-behineko seinaleak eta obrako gainerako elementuak kenduko dira eta, lanak bukatzeko, Andoain eta Berastegi artean itxita egongo da errepidea, ostiral gauetik igandera bitarte.
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.