2021ean berriro irabaziak izatea espero du Tubos Reunidosek
Pixkanakako susperraldia espero du Tubos Reunidosek, 2021ean edo 2022an irabaziak izan arte. Horren oinarria maiatzaren 31ean 128 milioi eurokoa den eskabide-zorroa da. Abendutik % 65 igo da.
Ostegunean Akziodunen Batzarra egin du enpresak, bankuekin 351 milioi euroko zorra berregituratzeko akordioa lortu duen aste berean. Bere hartzekodunetako bat, aldi berean, bere akziodun nagusia da: BBVA, kapitalaren % 14rekin.
Batzarrean, Jorge Gabiola presidenteak eta Carlos Lopez de las Heras zuzendari nagusiak bankuekin hitzartutako negozio plana aurkeztu dute.
Azken ekitaldiak eta aurtengo lehen hiruhilekoak —2019ko lehen hiru hilabeteetan 13 milioi galdu zuen— txarrak izan direla onartu du Gabiolak, baina "joera aldaketa bat ikusten" hasi da.
2019ean EBITDA positibo bat izango dute, baina lehen hiruhilekoaren eraginez, emaitza garbia negatiboa izango da. Hurrengo urteetan horri buelta ematea espero dute, 2021ean edo 2022an mozkinak izan arte.
Estatu Batuetan duten maila mantentzea bilatuko dute altzairu europarrari jarritako muga-zergek jarraitzen duten bitartean, baita taldearen malgutasuna hobetzea eta zorra kudeatzea ere.
Produktuen % 40 Estatu Batuetan saltzen ditu, eta muga-zergek eragin handia dute bere aktibitatean. "Jarraitu egingo dute, eta horiekin bizitzen ikasi behar dugu", onartu du presidenteak. Hala ere, merkatu berriak bilatuko dituzte.
Tubos Reunidosen aurreikuspenen arabera, petrolio eta gas prospekzioek hurrengo urteetan jarraituko dute, eta Estatu Batuetan eskaerak igotzen jarraitzea espero dute.
Malgutasuna hobetzearen eraginez, fabrika bakoitzak —Amurrioko nagusia, Productos Tubularesena Trapagaranen eta beste hiru txikiagoak EAEn eta Estatu Batuetan— "hobekien egiten dakien hori egingo du, kostu txikienean". Gaur egungo langileekin egingo dute hori. 1.300 dira, eta % 98 finkoak dira. Ez da murrizketarik aurreikusten.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.