351 milioiko zorra berregituratzeko akordioa sinatu du Tubos Reunidosek
351 milioi euroko zorra berregituratzeko akordioa sinatu du Tubos Reunidosek erakunde finantzario nagusiekin. Arabako enpresak esan duenez, sektorearen ziurgabetasunaren aurrean egonkortasuna emango dio.
Uztailaren 27an Akziodunen Ezohiko Batzar Orokorra deitu dute, finantzazio egitura berria ezartzeko akordioak hartzeko.
Enpresaren arabera, egitura berri horrek " etorkizunari aurre egiteko eta akziodunentzat balorea babesteko behar duen egonkortasun finantzarioa ematen dio enpresari, baita gerra komertzial handia bizitzen ari den merkatu ezezagunera egokitzeko gaitasuna ere".
Jorge Gabiola presidentearen arabera, akordioak "negozio planarekin aurrera jarraitzeko beharrezkoa den egonkortasuna" ematen dio enpresari, Estatu Batuetako "muga-zergen eragina markatutako sektorearen inguru ezezaguna eta aldakorrari egokitzen zaion egitura finantzario malgua" ematen diolako.
Tubos Reunidoseko presidenteak azaldu duenez, "gerra komertzial gogorra" bat dago merkatuan, baina enpresaren gaitasun industrial eta teknologikoetan konfiantza duela esan du. Gaitasun horiek, esan duenez, "azken urteetan enpresan egindako inbertsio garrantzitsuen (130 milioi euro azken bost urteetan) emaitza dira", eta "produktuen lehiakortasuna hobetu du", eta enpresa "errentagarritasun bidera" itzultzea ahalbidetuko du.
Iragarri dutenez, 2019 "urte zaila" izango da enpresarentzat, baina "pixkanaka" diru-sarreren maila berreskuratuko duela uste du, merkatuan egoera normalizatzen den heinean.
Akordioa
Finantzazio berrirako akordioak 92,4 milioi euroko zirkulatzailea aintzat hartzen du, bost urteko epean, eta taldearen zorra finantzarioa berregituratzea ekarriko du. 351 milioi euro ingurukoa da zorra.
Halaber, hiru zatitan banatutako sindikatutako finantzazio kontratua sinatuko da, eta bermatu gabeko bonu sinpleak igorriko dira.
Tubos Reunidos berregituratzeko prozesua orain dela hamabi hilabete hasi zen, Estatu Batuetan altzairuaren inportazioei muga-zergak ezartzearen ondorioz. Hamar erakunde finantzario baino gehiago izan dira negoziaketetan.
Albiste gehiago ekonomia
Gasteizko lorazainek grebari eutsi diote, sindikatuek Lan Sailaren eskaintza arbuiatu ostean
Sindikatuek batzarra deitu zuten langileek proposamen horri buruzko iritzia eman zezaten bozketa batean. Azkenean, ELAk, LABek eta ESKk eskaintza atzera botatzeko akordioa lortu dute, eta beharginen bozketarik izan.
Eusko Jaurlaritzak lehen etxebizitzen prezioaren % 20 ordaintzeko abalak emango dizkie 40 urtez beherakoei
144 milioi euroko abal lerro bat onartu du, eta helburua 2029ra arte 3.000 etxebizitza mobilizatzea da. Abala jaso ahal izateko etxebizitzaren gehieneko prezioa 340.000 eurokoa izan beharko da.
LABek eta EH Bilduk etxebizitza erosteko abalak ematea arbuiatu dute eta prezioen "suari gasolina botatzea" dela esan dute
Sindikatuak elkarretaratzea egin du EAJren Bilboko egoitzaren aurrean. EH Bilduk ziurtatu du neurria ez dela etxebizitza politika bat, "finantza erakundeei mesede egiten dien eta merkatu espekulatiboa elikatzen duen" banku politika baten ondorio baizik.
Jarraipen zabala, Bizkaiko autoeskoletan deitutako lehen greba egunean, ELAren arabera
Uztailaren 16an eta 21ean izango dira hurrengo lanuzteak, ELA eta CCOO sindikatuek deituta.
Ainhoa Tirapu (ELA): "Zazpi bileren ondoren ez dago proposamenik mahai gainean"
Bizkaiko autoeskoletako langileak kalera irten dira lan-hitzarmena eguneratzea eskatzeko. ELA sindikatuko Ainhoa Tirapuk zehaztu du zazpitan elkartu direla patronalarekin, baina ez dagoela proposamen onargarririk mahai gainean. Erosahalmena berreskuratzea eta lan-orduak jaistea eskatzen dute, besteak beste.
Gasteizko lorezainen sindikatuek Lan Sailaren proposamena beharginek bozkatzea erabaki dute, "nahikoa ez" dela uste duten arren
Sindikatuek "aurrerapausoak" ikusten dituzte Eusko Jaurlaritzaren proposamenean. Bestalde, Enviser enpresak, Gasteizko lorategiak mantentzeaz arduratzen den azpikontratak, proposamena onartu du.
Sindikatuen ustez, Gasteizko lorezainen grebarekin amaitzeko Jaurlaritzak egindako proposamena ez da nahikoa
Eusko Jaurlaritzak langileen greba mugagabearekin amaitzeko proposamena egin die sindikatuei eta Enviserren zuzendaritzari. Proposamenaren arabera, KPIa + % 2,2ko soldata-igoera izango da aurten, % 2koa 2026rako eta 2027rako, eta 2.250 eurokoa 2028rako. Enviserrek onartu du planteamendu hori, eta ESKk eta LABek, berriz, uste dute igoera "ez dela nahikoa"; hala ere, hitza eman dute konpromisoa proposamena barne-organoei helarazteko.
Emakume bat larri zauritu da Azagran lan-istripu batean
Pisuak altxatzeko orga batek harrapatu du langilea eta ospitalera eraman dute, aldaka hautsita.
EB eta AEB, muga-zergei buruzko “atariko akordioa” lortzear
Trumpek akordiorako jarritako epemuga asteazkenean, uztailaren 9an, amaituko da, eta AEBko Merkataritza idazkariak esan du abuztuaren 1ean jarriko dituztela indarrean muga-zergak.
AHTaren Aralarko zulaketa-lanak “berehala” hasiko dira, Santanoren arabera
Garraio eta Mugikortasun Iraunkorrerako Estatu idazkariak azaldu du udalekin eta lurjabe partikularrekin egin beharreko elkarrizketak "elkarlan onean" egin direla. Zulaketen ondorengo txostenak "datorren urteko udaberrirako" egotea espero du.