Gipuzkoako enpresetako zuzendari nagusien % 12,9 soilik dira emakumezkoak
"Datu horiek agerian uzten dute erantzukizun maila eta erabakitzeko ahalmena handitu ahala murriztu egiten dela emakumeen presentzia Gipuzkoako enpresetan", nabarmendu du Iratxe Pascual Aspegiren presidenteak.
Gipuzkoako enpresetako zuzendari nagusien % 12,9 baino ez dira emakumezkoak, hau da, zortzitik bat, Aspegi Profesional, Enpresari eta Zuzendarien Elkarteak ondorioztatu duenaren arabera. Izan ere, Gipuzkoan, emakumeek lan merkatuan duten presentziari eta enpresa lidergoari buruzko diagnostikoa egin du aipatu elkarteak.
Aspegiren presidente Iratxe Pascualek aurkeztu du azterlana, Donostian, EHUko Praktiken eta Enplegagarritasunaren dekanorde Egoitz Pomaresekin eta LKSko Estrategia eta Prospektibaren aholkulari Iñaki Elzaurdi Calvorekin batera. Ikerlanak erakusten du emakumezkoen zuzendaritza postuen % 27,7 betetzen dituztela, eta administrazio kontseiluen % 24,9. Presidentetza karguetan, ostera, % 14,1eraino murrizten da emakumezkoen portzentajea.
"Datu horiek agerian uzten dute erantzukizun maila eta erabakitzeko ahalmena handitu ahala murriztu egiten dela emakumeen presentzia Gipuzkoako enpresetan", nabarmendu du.
Gainera, azterlanaren arabera, "emakumeen ibilbide profesionalaren ataka nagusia ez da lan merkatuan sartzeko orduan gertatzen, baizik eta lehen erantzukizun postuetatik goi zuzendaritzara eta erabaki organoetara igarotzeko urratsean baizik".
Elkartearen lehen barometroak Gipuzkoako Foru Aldundiaren finantziazioa eta LKS Nexten eta EHUren lankidetza izan ditu, eta erakusten du "emakumeen presentzia eskasa bereziki nabarmena dela manufaktura industriako zuzendaritza postuetan, % 6,7ra apaltzen baita kasu horietan emakumezkoen ordezkaritza".
Zure interesekoa izan daiteke
Segurtasun Sailak 892 milioiko aurrekontua izango du, "herritarren askatasuna eta segurtasuna bermatzea helburu"
Euskotrenek trenbidearen unean uneko egoera ezagutzeko sistema berria ezarriko du, segurtasuna bermatzeko
Adituen Batzordeak gutxieneko soldata 1.281 eurora arte igotzea aholkatu dio Lan Ministerioari
Afiliatuen kopuruak gora egin du urrian EAEn eta Nafarroan, baina langabe kopuruak ere egin du gora
Bihar hasiko da Euskadiko etxebizitza eta eraikinetako klimatizazio jasangarrirako laguntzak eskatzeko epea
Eusko Jaurlaritzak 8 urtera arte luzatuko ditu hirugarren seme-alabatik aurrera eta guraso bakarreko familientzat ematen dituen laguntzak
Osasun Sailak 5.700 milioi eurotik gorako aurrekontua izango du, besteak beste, itxaron-zerrendak murrizteko eta prebentzioa indartzeko
Etxebizitza Sailak 500 milioi euro baino gehiago erabiliko ditu eta 5.174 etxebizitza berri lortu nahi ditu, helburuaren % 74
