Bizkaiko kiroldegietako langileek ez dute lanuzte gehiago egingo uda honetan
Bizkaiko kiroldegietako langileen ordezkariak irailaren 24an bilduko dira Cebek patronalarekin eta ordura arte lanuzte gehiago ez egitea erabaki dute.
Hala jakinarazi dute ELA, CCOO, LAB eta UGT sindikatuek Bilbon gaur goizean egin duten manifestazioa hasi aurretik. Bizkaiko kiroldegietako langileek beste greba-egun bat burutu dute astearte honetan, lan-hitzarmen duin bat aldarrikatzeko.
Isabel Garcia ELA sindikatuko ordezkariak salatu duenez, hainbat enpresak –Guedan Servicios Deportivos eta Emtesport aipatu ditu- beharginen grebarako eskubidea urratu dute, besteak beste, Azkuna Zentroan eta Portugalete edo Leioako kiroldegietan, lanuztearekin bat egin duten langileen ordez beste batzuk kontratatu dituztelako.
Halaber, behin-behineko langileak grebara joan ez zitezen "mehatxatu eta jazarri" egin dituztela salatu dute Lan Ikuskaritzan.
Gaurko lanuztearen jarraipenari dagokionez, "positiboa eta oso altua" izan dela ziurtatu du ELAk, datu zehatzik eman gabe.
Horrez gain, Bizkaiko kiroldegietako erabiltzaileen jarrera eskertu du, "gure arrazoiak ulertu dituztelako eta gure asmoa haiei uda izorratzea ez dela konturatu direlako".
Bestalde, Iñigo Alonso LAB sindikatuko ordezkariak jakinarazi du Euskal Autonomia Erkidegoko udalen elkarteari (Eudel) gutuna igorri diotela haiekin batzartu eta "lan-gatazka honetan zein jarrera duten eta negoziazioan sartzeko prest dauden jakiteko”.
Ildo berean, greba-batzordeak Bizkaiko udaletara joko du, mozioak aurkezteko eta talde politiko guztiekin biltzeko.
24 orduko lanuzteaz egiteaz gain, Bizkaiko kiroldegietako langileek manifestazioa egin dute goizean Bilboko kaleetan barrena. Martxa udaletxearen parean amaitu dute.
Sektore horretako langileen aldarrikapen nagusiak hauek dira: lan-hitzarmena berritzea, 35 orduko lanaldia ezartzea, soldatak KPIaren gainetik igotzea, liberazioak ematea klaseak eta ikastaroak prestatu ahal izateko, taldeko erabiltzaile edo ikasle kopurua jaistea eta bataz besteko soldata 1.200 eurokoa izatea.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.