Arabako Errioxako ardo zurien esportazioek % 5 egin dute gora
Arabako Errioxako ardo zurien esportazioek % 5 egin dute gora bolumenean, eta % 9 salneurrian, urteko lehen seihilekoan. Ardo gorri eta beltzen salmentek, aldiz, behera egin dute, baina kanpo merkatuetan salneurriak % 3,4 egin du gora.
Arantxa Tapia Ekonomi Garapenerako eta Azpiegituretarako sailburuak jakitera eman ditu datuak Mahats Uztaren Jaian, Arabako Errioxan. Aurten Mañuetako herrian egin dute.
Gainera, Eusko Jaurlaritza HAZI Fundaziotik eskaintzen dituen zerbitzuen egituraketa prestatzen ari dela iragarri du Tapiak, Euskadiko ardo sektorearen bikaintasuna lortzeko laguntza bulego gisa.
Zentzu horretan, euskal ardo sektorean "ongi ardaztutako eta egituratutako" zerbitzu bat eskaintzearen garrantzia nabarmendu du sailburuak, Estatuko zein nazioarteko merkatuan presentzia hobetzeko, beti bikaintasunari, jasangarritasunari eta berezitasunari lotuta.
Arabako Errioxako ardoen esportazioen inguruko datuak jakinarazi ditu Tapiak. Urteko lehen seihilekoan ardo zurien bolumenaren eta salneurriaren "hazkunde esanguratsua" azpimarratu du sailburuak: "Nazioarteko merkatuan eskaria gero eta handiagoa da".
Mahats Uztaren Jaia, Mañuetan (Araba). Argazkia: EFE/Adrian Ruiz de Hierro
Horrela, esportazioek gora egin dute bolumenean (% 5) zein balioan (% 9), 2019ko lehen seihilekoan. "Bereziki ona izan da ardo horien bilakaera Kanada, AEB, Irlanda eta Erresuma Batuko merkatuetan, nahiz eta brexit-aren inguruko zalantzak izan", goraipatu du sailburuak.
Arabako Errioxako ardo beltz eta gorrien balioa areagotu da kanpo merkatuan, salneurriak % 3,4 egin du gora, litroko 6,09 eurotan kokatu arte. Horrek salmenten beherakada arindu du; izan ere, 58 milioi euro eta 9,5 milioi litro saldu dira.
Arabako Errioxako ardo zuri zein beltz eta gorriak batez beste Estatukoak baino garestiagoak dira; beltz eta gorrietan aldea handiagoa da (3,79 euro litroko Espainiakoak, 6,09 Arabakoak), zurietan (3,08 euro Estatukoak, 3,36 Arabakoak).
Salneurrien hazkundeak Euskadiko ardo sektorearen estrategia "emaitzak ematen" ari dela esan du Tapiak, euskal ardoak kontsumo segmentu ertain-altu batean kokatzeko helburuan.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.