Xabi Alonso: 'Zegokidana ordaindu dut beti, inoiz ez dut ezer ezkutatu'
Xabi Alonso futbolari ohia eta Donostiako Realaren filialeko egungo entrenatzailea epaituko dute gaurtik aurrera Madrilgo Probintzia Auzitegian, 2010 eta 2012 bitartean Ogasun Publikoaren aurka ustez iruzur fiskalaga egin izana egotzita. Hiru delitu egotzi dizkiote Alonsori.
"Nire zerga-betebehar guztiak betetzen nituela uste nuen, ez dut uste egin ezin nuen ezer egin nuenik", erantzun dio Xabi Alonsok fiskalari, asteazken honetan egindako ahozko saioan.
Epaitegira iritsi denean, justiziak absolbitzea espero duela esan du Alonsok. Halaber, futbolariak esan du ez duela Fiskaltzarekin akordiorik lortu nahi, absolbitu egingo dutela uste baitu. Kazetariek bere errugabetasuna babestuko ote duen galdetu diotenean, "horretara nator", erantzun die Alonsok.
"Inoiz ez dut ezer ezkutatu, beti izan naiz argia eta gardena. Zegokidana ordaindu dut beti", esan du Alonsok. Hala, beste herrialdeetan ez duela inoiz dirurik ezkutatu azpimarratu du.
Galdeketan, 2019ko abuztuaren 1eko irudi-eskubideen inguruko kontratu bati buruz galdetu diote, eta, futbolari ohiak azaldu duenez, bere abokatuek sozietate bat eratzeko aukera eman zioten Ingalaterran zegoela, Liverpoolekin jokatzen, Real Madrilek fitxatu zezakeelako.
"Legezkoa ote zen galdetu nien nire abokatuei. Egin zitekeen zerbait zela erantzun zidaten, eta ohiko praktika zela. Haiengan konfiantza osoa izanda, hitzarmena sinatu nuen. Ez nuen ezer gehiago aztertu", azaldu du Alonsok. Testuinguru horretan, Real Madril taldean irudi eskubideen % 50 lagatzea ohikoa zela esan du.
Urtarrilaren 22an epaiketa bertan behera utzi zuen Auzitegiak, Alonso epaitzeko eskumenak ote zituen ebatzi ahal izateko. Hori argitutakoan, saioak zehaztu zituzten, eta gaur eta bihar izango dira. Bost urteko espetxealdia eta lau milioi euroko isuna eskatu ditu Fiskaltzak Alonsorentzat.
Futbolari ohiarekin batera, horren aholkularia eta kontseilari fiskala ere izango dira epailearen aurrean. Fiskaltzak zigor bera eskatu du bientzat. Gainera, 2.032.845 euro ordaintzeko eskatu du, Ogasun Publikoari ustez egindako kaltea ordaintzeko.
Ogasunari ustez iruzurra egiteagatik futbolari anitz ikertu ditu dagoeneko Justiziak, eta, horien artean, Fiskaltzarekin akordiorik lotu ez duen eta errugabea dela esan duen bakarra Alonso da.
Zure interesekoa izan daiteke
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".