Eusko Jaurlaritzak beste Lan Eskaintza Publiko bat deituko du Ertzaintzan
Segurtasun Sailak aurten beste Lan Eskaintza Publiko bat (LEP) deituko du, Ertzaintzaren 29. promozioa. 700 plaza izango ditu, eta 2020an egingo dira hautaketa-probak.
Hala iragarri du Estefania Beltran de Heredia Segurtasun sailburuak, eta asteazken honetan zehaztu ditu Legebiltzarrean bere sailak 2020rako izango dituen aurrekontu partida nagusiak.
Aurrekontuen proiektuak 670 milioi gordeko dizkio, iazko kontuetan baino % 1,9 gehiago. Aurrekontu horiek, baina, Legebiltzarrak atzera bota zituen eta Eusko Jaurlaritzak 2018ko aurrekontuak luzatu behar izan zituen.
Beltran de Herediak jakinarazi duenez, Ertzaintzako agente izateko deialdi berriak 21,3 milioi euroko kostua izango du eta 700 plaza izango ditu, 28. promozioarekin batera jendetsuena. Halaber, Arkautiko Akademiak 21,3 milioiko aurrekontua izango du.
Indarkeria matxistaren atalean, sailburuak iragarri du 78 ertzain biktimak artatzera bideratuko dituztela, eta 7,8 milioi erabiliko dituztela bizkartzain pribatuen bidez arriskuan dauden emakumeak babesteko.
Bestalde, Kultura eta Hizkuntza Politika Sailak 276,3 milioi euro jasoko ditu guztira.
Bingen Zupiria Kultura eta Hizkuntza Politikako sailburuak bere saileko partida nagusiak zehaztu ditu Legebiltzarrean.
Artearen euskal sistema indartuko dute, euskal museo nagusiei egindako ekarpena % 24 handituz. Gainera, euskararen erabilera eta ezagutza bultzatuko dute eta, bide horretan, euskara ikastea doakoa izango da B2 mailara arte.
Bestalde, Maria Jesus San Jose Lan eta Justizia sailburuak azaldu duenez, 2020rako 225,7 milioi euroko aurrekontua izango du bere sailak.
Lan eta Gizarte Segurantza Sailburuordetzak 34,1 milioi euroko aurrekontua izango du. Horren barruan, Lan Ikuskaritza indartuko da, Gizarte Segurantzako sei ikuskatzaileorde gehituta.
Sailburuak gogorarazi duenez, beste 10 ikuskatzaile-lanpostu sortzeko eskatu dute, batez ere genero-berdintasunaren alorrean aritzeko.
Albiste gehiago ekonomia
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.