Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Etxebizitza Ministerioak jadanik jaso du Gipuzkoako Foru Aldundiaren eskutik lurralde hori alokairu prezioen Estatuko erreferentzia sisteman sartzeko indizea. Urrats "erabakigarria" da tentsionatutako eremu izendatutako udalerrietan alokairuen prezioa mugatzeko neurriak aurrera eramateko.
Gipuzkoan, Errenteria, Lasarte-Oria, Zumaia eta Irun daude tenkatutako eremu gisa aitortuta; Donostiak , berriz, uztailean egingo du bat zerrenda horrekin, izendapena Estatuko Aldizkari Ofizialean argitaratu ondoren.
Udalerri horietan, erreferentzia indizea funtsezkoa da alokairu prezioei mugak ezartzeko, "higiezin bakoitzaren kokapenean, tamainan eta beste ezaugarri batzuetan oinarritutako balio tarte objektiboa" eskaintzen baitu.
Sistema horri esker, alokairuaren prezioan esku har daiteke, zehazki, etxe ugariren jabe direnekin sinatutako kontratuetan edo lehen aldiz, edo bost urte baino gehiago errentan egon gabe egon ondoren, alokairuaren merkatuan sartzen diren etxeetan, Etxebizitza Sailak ohar baten bidez azaldu duenez.
"Tentsionatutako eremuak onartzearekin batera, segurtasun juridikoarekin eta alokairuaren prezioan oinarri objektiboarekin esku hartzeko aukera ematen duten tresnak ere onartu behar dira, eta alokairuaren prezioen erreferentzia sistema funtsezkoa da horretarako ", nabarmendu du Miguel de los Toyos Etxebizitza sailburuordeak.
Etxebizitzari eta lurzoruari buruzko legearen tramitazioa abiatu da EAEn
Bestalde, Eusko Legebiltzarrak atzo, osteguna, onartu zuen, EAJren eta PSE-EEren babes bakarrarekin, lurzoruaren eta hirigintzaren arloko premiazko neurriei buruz egindako lege-proposamena aintzat hartzea. Bi alderdien asmoa da araudia malgutzea eta etxebizitzen eraikuntza bultzatzeko epeak arintzea.
EAJk eta PSE-EEk gehiengo osoa dute Legebiltzarrean; EH Bilduk eta Sumarrek, berriz, kontra bozkatu zuten, eta PP eta Vox abstenitu egin ziren.
Zure interesekoa izan daiteke
Euskadi dago lan-absentismoaren tontorrean, % 9,4ko zifrarekin
Nafarroak, berriz, % 7,4ko absentismoa du eta azken bost urteetako daturik altuenera iritsi da. Bi erkidegoek gainditzen dute Espainiar Estatuko batez bestekoa.
Maderas de Llodioko langileak lanera itzuli dira 284 eguneko grebaren ostean
Enpresa batzordea eta Garnica akordio batera iritsi ziren joan den astean, lanera itzuli nahi izan duten kaleratuek itzultzeko aukera izan zezaten.
Renferen aldiriko trenak Hendaiara iritsiko dira urrian eta Frantziako abiadura handikoak Irunera, urtarrilean
Brinkola-Irun lineako trenak Hendaiara iristea ahalbidetuko duen akordioa sinatu berri dute Espainiako Garraio Ministerioak eta SNCF Frantziako tren konpainiak, Parisen. Era berean, TGV konpainiako tren lasterrak Gipuzkoako udalerrira arte helduko dira datorren urtetik aurrera.
Talgok eta Renfek 132 milioiko akordioa sinatu dute eta Avril trenen kontratu polemikoa itxitzat eman dute
Akordioaren arabera, Talgok 200 milioi euro jasoko ditu hiru hilabeteko epean, eta Renferekin zuen zigorra 2032an hasiko da ordaintzen.
Gizarte Segurantzako afiliatuen kopuruak gora egin du Euskadin eta Nafarroan, baina langabeziak ere gora egin du
Gipuzkoak izan du langabeen kopuruan gehikuntzarik handiena, eta Bizkaia da nagusi kotizatzaile berrien esparruan. Arabak, aldiz, balantze negatiboa du bi adierazleetan.
Gaurtik aurrera eskatu ahal izango dute Euskadiko familiek seme-alabengatiko 200 euroko dirulaguntza
Seme-alabak 4 urte izan arte luzatuko da laguntza hori, eta lehen aldiz tutoretza- eta harrera-familiei zabalduko zaie. Guraso bakarreko familien kasuan, gainera, seme-alabak 4 eta 7 urte izan bitartean, hilero 100 euroko laguntza jaso ahal izango dute.
Aldundiek eskumena izango dute beste lurraldeetako ibilgailu gidaridunen zerbitzua ematen duten enpresak zigortzeko
Euskadiko Garraio Agintaritzak protokolo bat adostu du VTC zerbitzuetan ikuskapenak eta zehapenak koordinatzeko.
Uztailaren 7an sartuko da indarrean Tubacexen lan-erregulazioa, langile-batzordearekin akordiorik lortu gabe
Aldi baterako lan-erregulazioak 430 langileri eragingo die. ELA sindikatuak iragarri du helegitea prestatzen hasiko dela, eta LAB egoera aztertzen ari da bere zerbitzu juridikoekin.
Jainagak eta Tubacexek Tubos Reunidos erosteko interesa erakutsi dute
Bilboko enpresariak eta Laudioko konpainiak erosketa prozesuaren lehen izapidea bete dute; eskaintza bat aurkeztu aurretiko interesa agertu dute.
Greba mugagabea deitu dute Bergarako eta Zarauzko IAT zentroetan uztailaren 13tik aurrera
ELA eta LAB sindikatuek lanuztera deitu dute lan-hitzarmena berritzeko negoziazioaren "blokeoa" dela eta.