Itunpeko ikastetxeen patronalak, 'gustura' akordioarekin
Ekimen sozialeko itunpeko hezkuntza sareko patronalak "gustura" agertu dira sindikatuekin lortutako akordioa dela eta, gatazka itxi dutelako, baina sentsazioa "gazi-gozoa" omen da, Jaurlaritzak ematen dien finantziazioa "gutxiegi" delako, eta hori ez dutelako aldatu. Horien iritziz, zentroak ez dira "indartuta" atera akordiotik, "egiturazko finantziazioa berrikusi beharra dagoelako, gutxiegi baita Eusko Jaurlaritzak ematen duen dirua".
Kristau Eskola, AICE, Ikasgiltza eta Elizbarrutiko Ikastetxeak patronaletako ordezkariek prentsaurrekoa eman dute larunbat goizaldean lortutako akordioaren balorazioa egiteko, eta azaldu dute "negoziazio bizia"ren ostean "lasaitasuna eta egonkortasuna" iritsi dela "zentroetara, eta sarean izena emanda duten 90.000 familietara".
Mikel Ormazabal Kristau Eskolako kideak aitortu du akordioarekin "presioa kendu" dutela, baina ez dela "itunpeko sistemaren arazoa konpondu". Horren harira, itunpeko ikastetxeetako kudeaketa eta jarduera aurrera eramateko "finantziazio falta" salatu du.
"Negoziazio prozesuko okerrena" sindikatuen jarrera izan dela kritikatu du: "Ez dute begiratu, une batean ere, itunpeko sistemaren errealitatea, patronalen kezka handiena itunpeko sistemaren ahuldadea baita".
Ormazabalek gaineratu du "finantza egoera horren ardura eta irtenbidea patronalen, Jaurlaritzaren eta sindikatuen eskuetan" dagoela.
Sindikatuak
Bestalde, ELA, Steilas eta CCOO sindikatuek azpimarratu dute gatazkari amaiera eman dion akordioa "sektoreko langileen mobilizazioagatik eta greba indartzeagatik bakarrik" iritsi dela. Sindikatuek patronalen eta Jaurlaritzaren "negoziazioaren aurkako jarrera itxiari" egotzi diote gatazkaren ardura, "azken unera arte ez dituztelako akordioa ahalbidetu duten edukiak eta proposamenak mahai gaineratu".
ELA da sektorean gehiengoa duen sindikatua, eta horren egoitzan eman dute prentsaurrekoa, Bilbon. UGT eta LAB ez dira bertan egon, akordiotik kanpo geratzea erabaki dutelako.
ELAk, Steilasek eta CCOOk uste dute akordioa ez dela garrantzitsua "ia aldarrikapen guztiak" lortu dituztelako soilik, baizik eta "sektoreko langileen negoziazio kolektiborako eskubidea aitortu dutelako Jaurlaritzak eta patronalek, gogoz kontra".
Patronalak eta Hezkuntza Saila kritikatu dituzte "lehenago" ez zituztelako aurkeztu adostutako proposamenak. Era berean, ukatu egin dute gatazkak iraun duenean "ikasleen interesak" begiratu ez dituztenik, patronalak leporatzen zienaren aurka.
Zure interesekoa izan daiteke
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.