Bridgestone zigortu dute, amiantoa kentzeko ardura zuen langile bat hil ondoren
Bilboko lan-arloko epaitegi batek Bridgestone zigortu du. Horrela, konpainiak 145.000 euroko kalte-ordaina eman beharko die lantegiko segurtasun buruzagi ohiaren senideei. Amiantoa fabrikatik kentzeko ardura izan zuen. Behargina 2017an hil zen.
1984tik 2010era lan egin zuen Bridgestonen. Lurrun hodiak konpontzen lan egin zuen aurrena, eta ondoren lantegitik amiantoa kentzeko ardura izan zuen segurtasun buruzagi gisa, Asviamie elkarteak jakitera eman duenez.
2017ko uztailean erabateko ezgaitasuna eman zioten mesotelioma baten eraginez. Bridgestonek helegitea aurkeztu zuen, eta langilea hilabete beranduago hil egin zen.
Beste kasu bat marmoldegi batean
Bestalde, CCOOk jakitera eman duenez, Gizarte Segurantzak erabateko ezgaitasuna aitortu dio Erandioko Lucarini marmoldegiko langile bati.
Beharginak sukaldeko estalkiak ebakitzerakoan sortzen den silize hautsa xurgatzeko tutu malguak etengabe astintzen zituen. Mahukek amiantozko estaldura dute.
Albiste gehiago ekonomia
Gasteizko lorazainen grebak aurrera jarraitzen du, azken bilera akordiorik gabe amaitu ostean
ELAk, LABek eta ESK-k "ulertezintzat" jo dute hiriko Udalak Enviserren "kontratua ez etetea" eta hobekuntzei "mugak jartzea".
Prezioak % 2,7 igo dira uztailean, elektrizitatea eta erregaiak garestitu egin baitira
Espainiako Estatistika Institutuak uztaileko datu aurreratu ditu. Azpiko inflazioa hamarren bat igo da, % 2,3raino.
Maider Etxebarria: 'Lorezainen grebak kalkulu politikoengatik jarraitzen du, eta ez lan arazoengatik'
Maider Etxebarria Gasteizko alkateak, Radio Vitorian egindako elkarrizketa batean, adierazi du gaur PRECOn akordio batera iristea nahi duela, ulertezina iruditzen zaiolako greba bat hainbeste luzatzea. Era berean, ziurtatu du proposamen bat egon dela mahai gainean, eta sindikatuek baztertu egin dutela, kalkulu politikoengatik, laneko arazoak kontuan hartu gabe.
Talgok gora egin du burtsan, Espainiako Gobernuak konpainia erosteko operazioan SEPI sartu egingo dela baieztatu berritan
Talgoren akzioek % 3 inguru egin dute gora gaur goizean, baina igoera % 2,83raino apaldu da gero, eta akzioaren prezioa 3,09 € da.
Jauregik espero du "bi hilabeteren buruan" Talgoren Akziodunen Batzarrak operazioa onartzea eta prozesua amaitzea
Mikel Jauregi Eusko Jaurlaritzako Industria sailburuak azpimarratu du prozesu honetan "abentura asko" egon direla, eta "zaila" eta "espero baino luzeagoa" izan dela, baina nabarmendu du SEPIk parte hartzea onestea "ezinbesteko urratsa" dela Talgoren afera konpontzeko.
Bingen Zupiria, Ertzaintzaren lan-eskaintza publikoaz: "Ertzain izateko ikasi egin behar da eta agian batzuek ez dute behar beste ikasi"
Euskadi Irratian egin dioten elkarrizketan Bingen Zupiria Eusko Jaurlaritzako Segurtasun sailburuak azpimarratu duenez, Ertzaintzarako lan-eskaintza publikoko azterketak prestatu dituztenek ez dute inolako hanka-sartzerik egin. Poliziagaien % 90ek ez dute gainditu azterketa, eta Zupiriaren esanetan, hori gertatu da askok azterketa eredu bakar bat prestatu dutelako, "kontuan hartu gabe eredu gehiago egon daitezkeela". Halaber, argi adierazi du hurrengo 30 urteetarako agenteak prestatuko direla orain, eta exijenteak izango direla.
Gasteizko lorezainak berriro bilduko dira enpresarekin, gatazka desblokeatzeko beste saiakera batean
Azken orduko mugimendua ELA sindikatuak eskatuta egingo da. Atzo, sindikatuak proposamen berri bat aurkeztu zien oinarriei, eta bozketan ontzat eman zuten. Abuztuko oporraldiaren aurretik bideratu nahi dute egoera.
Jaurlaritzak begi onez ikusten du SEPI Talgon sartzea, "proiektua sendotu eta Euskadin egonkortuko" duelako
Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiren iritziz, albistea ona da. Modu horretara, enpresak birfinantziazioa lortuko du, eskaera-zorroari aurre egiteko eta EAEn dituen lanpostuak finkatzeko aukera izango da.
SEPI Talgo erosteko operazioan sartuko da, Ministroen Kontseiluak oniritzia eman dio eta
75 milioi euroko aportazioa eginda sartuko da operazioan Estatuko Industria Partaidetzarako Sozietatea (SEPI). Sanchez eta Pradales Madrilen bildu eta bi astera askatu da Talgoren finantziazioaren korapiloa.
Lorategi Hirian 98 etxebizitza babestu eraikitzea adostu dute Donostiako Udalak eta Jaurlaritzak
Donostiako Udala dagoeneko urbanizazio lanak egiten ari da inguru horretan, eta etxebizitzak eraikitzeko lanak datorren urteko erdialdean hastea aurreikusten da.