Bizkaiak diru kudeatzaileen PFEZ zerga % 50 murriztea onartu du
Bizkaiko Batzar Nagusiek inbertsio funts alternatiboen kudeatzaileen gaineko PFEZ zerga erdira jaistea adostu du batzordean, EH Bilduk eta Elkarrekin Podemosek aurkeztutako osoko zuzenketak atzera botata.
Zergaren aldaketa Foru Gobernuko koalizioa osatzen duten alderdiek, EAJk eta PSE-EEk, eta PPk babestu dute, eta EH Bildu eta Elkarrekin Podemos kontra agertu dira. Lehen hiru alderdiek atzera bota dituzte osoko zuzenketak, bi koalizioek aurkeztutakoak.
Gaur, Batzar Nagusietako alderdiek arauari buruzko eztabaida egin dute. Ekintzailetzari, berrikuntzari eta jarduera ekonomikoaren garapenari lotutako inbertsio funtsen kudeatzaileei bideratutako neurria da. Aldundia aurreko urteko abuztuan saiatu zen dekretu bidez zerga araudia aldatzen, baina sozialistekin izandako desadostasunen ondorioz, proiektu berria adostu zuten, eta hori da gaur onartu dutena.
Arantza Urkaregi EH Bilduren batzarkideak esan du proiektuaren aurka daudela, eta atzera botatzeko eskatu dio Aldundiari, PFEZa murriztuta "errenta altuenei mesede" egitea dutelako helburu, "baliabide ekonomiko handiko jendeari" jaisten zaiolako zerga.
Eneritz de Madariaga Elkarrekin Podemosen bozeramaileak esan du Aldundiarena "opari fiskala" dela, eta "enpresa sarea deuseztatuko duten finantza tiburoiei atea irekitzen" diela.
Aurreproiektu berriak "ez die errenta irregularrei eragingo, zergadun berriei bakarrik eragingo die. Zergadun gehiago erakartzeko da hori", azpimarratu du Ekain Rico PSE-EEren batzarkideak.
Jane Eyre Urkieta EAJren batzarkideak nabarmendu duenez, zergaren aldaketak ez die inola ere eragingo Bizkaian gaur egun dauden inbertsio funtsei, eta zehaztu du teknologia alorreko enpresa berrietan, 'start-up'etan, inbertitzen duten diru kudeatzaileak daudela jomugan.
Dena dela, aurreproiektua ez dute behin betiko onartu, Batzar Nagusien osoko bilkuraren oniritzia izan beharko du horretarako.
Albiste gehiago ekonomia
Elkarretaratzea egingo dute ostegunean Gasteizko Mercedesen bederatzigarren orduaren aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "alde batera uzten ditu kontziliazioa eta atsedena bezalako gaiak".
Gehiengo sindikalak 100.000 sinaduratik gora bildu ditu gutxiengo soldata propioaren alde eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta sinadura-bilketa ezarritako epea baino lehen itxi dute, "Eusko Legebiltzarrak gutxiengo soldataren eskumena lehenbailehen eska dezan".
Zuiako bizilagunek mila alegazio aurkeztu dituzte Solariaren proiektuen aurka
Aurkeztutako argudioen arabera, eraiki nahi diren parke fotovoltaikoak "mehatxu larria dira natura-ingurunearentzat, gizarte-ehunarentzat eta tokiko ekonomiarentzat".
Gasteizko lorezainek grebari eutsiko diote, azken bilera akordiorik gabe amaitu baita
ELA, LAB eta ESK sindikatuek "ulertezintzat" jo dute Udalak Enviserren "kontratua ez etetea" eta lan-baldintzen hobekuntzei "mugak jartzea".
Prezioak % 2,7 igo dira uztailean, elektrizitatea eta erregaiak garestitu egin baitira
Espainiako Estatistika Institutuak uztaileko datu aurreratu ditu. Azpiko inflazioa hamarren bat igo da, % 2,3raino.
Maider Etxebarria: 'Lorezainen grebak kalkulu politikoengatik jarraitzen du, eta ez lan arazoengatik'
Maider Etxebarria Gasteizko alkateak, Radio Vitorian egindako elkarrizketa batean, adierazi du gaur PRECOn akordio batera iristea nahi duela, ulertezina iruditzen zaiolako greba bat hainbeste luzatzea. Era berean, ziurtatu du proposamen bat egon dela mahai gainean, eta sindikatuek baztertu egin dutela, kalkulu politikoengatik, laneko arazoak kontuan hartu gabe.
Talgok gora egin du burtsan, Espainiako Gobernuak konpainia erosteko operazioan SEPI sartu egingo dela baieztatu berritan
Talgoren akzioek % 3 inguru egin dute gora gaur goizean, baina igoera % 2,83raino apaldu da gero, eta akzioaren prezioa 3,09 € da.
Jauregik espero du "bi hilabeteren buruan" Talgoren Akziodunen Batzarrak operazioa onartzea eta prozesua amaitzea
Mikel Jauregi Eusko Jaurlaritzako Industria sailburuak azpimarratu du prozesu honetan "abentura asko" egon direla, eta "zaila" eta "espero baino luzeagoa" izan dela, baina nabarmendu du SEPIk parte hartzea onestea "ezinbesteko urratsa" dela Talgoren afera konpontzeko.
Bingen Zupiria, Ertzaintzaren lan-eskaintza publikoaz: "Ertzain izateko ikasi egin behar da eta agian batzuek ez dute behar beste ikasi"
Euskadi Irratian egin dioten elkarrizketan Bingen Zupiria Eusko Jaurlaritzako Segurtasun sailburuak azpimarratu duenez, Ertzaintzarako lan-eskaintza publikoko azterketak prestatu dituztenek ez dute inolako hanka-sartzerik egin. Poliziagaien % 90ek ez dute gainditu azterketa, eta Zupiriaren esanetan, hori gertatu da askok azterketa eredu bakar bat prestatu dutelako, "kontuan hartu gabe eredu gehiago egon daitezkeela". Halaber, argi adierazi du hurrengo 30 urteetarako agenteak prestatuko direla orain, eta exijenteak izango direla.
Gasteizko lorezainak berriro bilduko dira enpresarekin, gatazka desblokeatzeko beste saiakera batean
Azken orduko mugimendua ELA sindikatuak eskatuta egingo da. Atzo, sindikatuak proposamen berri bat aurkeztu zien oinarriei, eta bozketan ontzat eman zuten. Abuztuko oporraldiaren aurretik bideratu nahi dute egoera.