Koronabirusak industrian eragingo duen kaltea ezin daiteke "oraindik neurtu"
EAEko industriak kalte "orokorra" aurreikusten du epe motzera eta luzera, "oraindik neurtu ezin dena". Hala ere, koronabirusaren krisiaren ondorioz ekoizpena oraindik mantentzen ari dela eta "EAEren eraldaketa digitalean lehenaldi eta geroaldi bat" markatuko duela adierazi du Eusko Jaurlaritzak.
Arantxa Tapia Ekonomi Garapenerako eta Azpiegituretarako sailburuak urruneko topaketak egin ditu EAEko kluster industrialekin. Kezkatuta agertu diren arren, neurri egokiak hartuz gero "eragina iraultzeko gaitasuna" dagoela adierazi dute.
Sailak ohar batean azaldu duenez, merkataritza-jarduera "oso kaltetuta" dago eskaera faltagatik eta neurrizko ekoizpenagatik. Era berean, gainerako sektoreen antzera eta prebentzio neurrien ondorioz, enpresetako giza baliabideen kudeaketan eragina jasaten ari dira.
Lantegietako ekoizpenari nahitaez ez dagokion jarduera modu telematikoan gauzatzen ari da. Enpresak, halere, ekoizpen lantegietan telelana ezartzeko izaten ari diren zailtasun "izugarria eta nabarmena" nabarmentzen ari dira, eta beste neurri batzuk hartzen ari dira, hala nola, txandak konbinatzea.
Industria ekoizpenari begira, "normaltasun erlatiboz" garatzen ari da, segurtasun neurri "gogor eta zorrotzen" testuinguruan. Ez da "nahasmendu handiak" jasaten ari, enpresak zuzenean kaltetuak izan ez direlako edo alternatibak bilatu dituztelako.
Hala ere, oraindik modu orokorrean ez den arren, lehengaien eta produktu jakin baten faltaren "seinaleren bat" dago. Ildo horretatik, ekoizpenari eragingo dioten kalteak bi edo hiru astetan helduko liratekeela aurreikusi dute.
Kanpoko merkatuei dagokienez, enpresa txikienetan eta nazioarteko merkatuen menpe daudenetan dago kezka. Italia, Frantzia, Alemania eta Espainia, birusak gehien erasandako herrialdeak, EAEko industriako merkatu nagusiak dira.
Nolanahi ere, krisi hau EAEren eraldaketa digitalerako aukera bat dela uste du sailak, enpresa erakundeetan "iraultza" bat eragiten ari baita, ez baitago nola jardun adieraziko duen eskulibururik.
Iraultza hori "lan telematikoaren kultura berria" bultzatzen eta teknologia berrien aplikazioa errazten ari da enpresa ekoizpenaren hainbat prozesutan. Aldi berean, pertsonen arteko zuhurtziazko distantziei eusteko beharrak proban jarri ditu enpresen baldintza teknikoak eta azpiegitura baldintzak, jardueraren ohiko edo ezohiko zereginak aurrera eramateko.
Elikadura katean izandako eraginari dagokionez, krisia "salbuespenez" eragiten ari da enpresa horietan, ez eskarian eta supermerkatuetan izandako beherakadengatik, baizik eta ostalaritzan eta hoteletan, jatetxeetan eta kafetegietan izandako eraginagatik.
Sailaren arabera, nekazaritza eta elikadurako katea "oso tenkatuta" dago, saltoki handietan eskari handia dagoelako, % 300eko salmentarekin. Hala ere, sektoreko enpresak "modu orekatuan" erantzuten ari dira, eskari horren horniduran "erabateko bermea" eskaintzen dutelako.
"Ez da inolaz ere hornidura faltari loturiko arazorik aurreikusten, betiere kontsumitzailearen jokabidea benetako premiara egokitzen bada", ondorioztatu du Tapiak.
Gasteizko Mercedes-Benz enpresak ERTE bat proposatu du eta langileek ekoizpena gelditzea eskatu dute
Gasteizko Mercedes-Benz lantegiko zuzendaritzak aldi baterako enplegu-erregulazioko espediente bat (ERTE) proposatu die langileei, koronabirusaren pandemiak eragindako krisiaren aurrean lantegiaren ekoizpena "pixkanaka" desaktibatzeko formula gisa. Aldiz, enpresa batzordeak ekoizpena erabat etetea eskatu du, langileen osasuna bermatzeko eta koronabirusaren kutsatzeak saihesteko.
Gasteizko lantegiko 5.000 langile inguru ordezkatzen dituen organoak salatu duenez, enpresak "ez du nahikoa ematen" birusak kutsatzea saihesteko osasun agintariek gomendatzen dituzten higiene neurriak aplikatzerako orduan. Dagoeneko kutsatutako langile antzeman dute lantegian.
Albiste gehiago ekonomia
Nekazaritzako zenbait lan aldi baterako debekatu dituzte Nafarroan, sute arriskuaren aurrean
Horrela, Nafarroako lurralde osoan, debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak sor baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.