Tapia: "Pertsonen osasuna bermatzea eta ekonomia zaintzea dira gure lehentasunak"
Arantxa Tapia Ekonomiaren Garapen eta Azpiegitura sailburuaren esanetan, pertsonen osasuna bermatzea da Eusko Jaurlaritzarentzat lehentasuna, baina horrekin batera "gure jarduera ekonomikoa ere zaindu" beharra dagoela nabarmendu du, "erabat gelditzen baldin bada ezingo garelako egoera horretatik atera epe luze batean".
ETB1eko 'Egun On Euskadi' saioan egindako elkarrizketan azaldu duenez, "pertsonen osasuna bermatzen dugun aldi berean, ekonomia ere nolabait sostengatzea da gure lehentasuna, datozen hilabeteetan gutxieneko jarduera batekin jarrai dezan behintzat".
Halaber, koronabirusaren eraginez sortutako krisi ekonomikoaren harira enpresei bideratutako laguntzak izan ditu hizpide Tapiak. Ildo horretatik, banketxeekin ere elkarlanean ari direla jakinarazi du, eta politika fiskalari dagozkion neurriak "lankidetza publiko-pribatuan" adosteko garrantzia nabarmendu du. "Bankuek ere badakite hori horrela izan behar duela eta Europa mailan ere neurriak malgutzen ari dira. Enpresei laguntza gehiago emateko gai izango gara", esan du.
Horrez gain, banketxeek maileguak gaur egun ematen dituzten tasen azpitik eman ahal izango dituzten galdetuta, tasa horiek aztertzeko une egokia izan daitekeela esan du Ekonomiaren Garapen eta Azpiegitura sailburuak. Izan ere, "horrek likidezia sartuko luke enpresa horietan eta eragin zuzena izango luke jarduera ekonomikoan”.
Autonomoen kasuan, "egonezin handia" izatea ulergarria dela esan du, osasun arloko krisi honek ekonomiari eragiten diolako ere. "Neurri asko haiei zuzenduta daude, hau guztia amaitzen denean berriro ere lanera bueltatu ahal izan daitezen".
Lan-merkatuari dagokionez, 63.000 langile baino gehiagori eragiten dieten aldi baterako erregulazio espedienteak aipatu ditu Tapiak. "Enpresa handi gehiegi tartean egon ez arren, gero eta enpresa gehiagori eragiten ari diela ikusten ari gara. Horregatik esaten dugu jarduera ekonomikoa nahiko kaltetuta dagoela uneotan, eta gehiago kaltetu gabe mantentzen saiatzen ari gara, betiere langileen osasuna arriskuan jarri gabe. Ezin dugu ekoizpena erabat gelditu, gaur egun bizi dugun egoera atzean uzteko unea iristen denean zaila izango delako irteera bilatzea".
Hori dela eta, Euskal Autonomia Erkidegoko (EAE) ekonomia "hilabete honetan bertan" atzeraldian sartuko dela aurreratu du Tapiak, eta urte bukaerarako espero den errekuperazioa konplexua izango dela iragarri du. "Krisi ekonomikoa ahalik eta azkarren atzean uzten ahalegindu behar gara, eta horretarako ezinbestekoa izango da guztion laguntza izatea".
Testuinguru horretan, Jaurlaritza ez da ekoizpena osorik gelditzearen aldekoa, bere esanetan, oso zaila delako oinarrizko zerbituzen katea non eten behar den erabakitzea. "Egun batetik bestera ez da berpizte ekonomikoa izango, krisia mundu mailakoa da eta gure ekonomia ere globalizatuta dago", gaineratu du Ekonomiaren Garapen eta Azpiegitura sailburuak.
Azkenik, gaur galtzen diren bezeroak agian bihar ezin izango direla errekuperatu ohartarazi du Tapiak, eta, ondorioz, etorkizunera begira ahal diren bezero guztiak mantentzea beharrezkoa dela ziurtatu du.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.