Ordaindutako baimenean pilatutako orduak urtea amaitzerako errekuperatu beharko dira
Espainiako Ezohiko Ministroen Kontseiluak martxoaren 30etik apirilaren 9ra arteko errekuperatu beharreko baimen ordaindua onartu du. Neurria ez zaie aplikatuko Aldi Baterako Lan Erregulazio Espediente baten diren langileei, bajan daudenei edo telelana egiten dutenei.
Maria Jesus Montero Ogasun ministro eta Gobernuko bozeramaileak ondorengo prentsaurrekoan azaldu duenez, konfinamenduko asteburu batean dagoen mugimendura jaitsi nahi dute astean barruko egoera, eta hala, koronabirusaren hedapena oztopatu.
Atzo aurreratu zuen jada baimen hau Pedro Sanchez Espainiako presidenteak, astelehenetik aurrera funtsezkoa ez den jarduera guztia etengo zutela iragarri zuenean. Konfinamenduaren baldintzak gogortu egingo dira, beraz, Espainian azken orduetan 6.528 pertsona hil eta gero.
Enpresariak ordaindu beharko du baimen hau eta langileak errekuperatu egin beharko ditu galdutako orduak lanera itzulitakoan. Dekretu honen arabera, oinarrizko jardueretan lan egiten ez duten langile guztiei aplikatuko zaie.
Hori bai, ez zaie aplikatuko aldi baterako lan espediente batean murgilduta dauden langileei -jada ez direlako lanera joaten-, ez telelana egiten dutenei, ez bajan daudenei ezta aitatasun edo amatasun baimenarekin dauden langileei ere.
Prentsaurreko berean, Yolanda Diaz Lan ministroak zehaztu duenez, urtea amaitu aurretik errekuperatu beharko dira ordu horiek, zortzi lanegun, zehazki.
Baimen honetan alde guztiek "uzten dutela zerbait" nabarmendu du Diazek, "bai enpresaburuek bai langileek".
Zortzi lanegun horiek nola errekuperatu enpresek eta langileen ordezkaritzek negoziatu beharko dute, Langileen Estatutuak dioena errespetatuz.
Hala, ordu horiek errekuperatzeko, ezingo dira eguneroko zein asteroko atsedenerako ezarrita dauden gutxieneko tarteak murriztu, eta ezingo da dagokion hitzarmen kolektiboan jasotako urteko gehienezko lanaldia gainditu.
Espainiako legediak jasota duen lanaldiaren banaketa irregularraren figuran oinarritu dute baimen hau.
Zentzu honetan, denbora tarte horretan langileek euren lana egiteari utzi ahal izango diote baina soldata eta beste kontzeptu guztiak osorik jasoko dituzte.
Era berean, indarrean jarraitzen dute bai enpresaren baita langileen kuota eta bestelako ordainketa betebeharrek ere.
"Ez dugu inolako presiorik onartuko" nabarmendu du Diazek, argi utziz Gobernua "interes orokorraren alde" ari dela. "Krisi honetatik eskubide gehiagorekin eta ehun produktibo indartsuago batekin aterako gara" defendatu du.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".