Patronalaren eta sindikatuen erreakzioak langabezia datuen aurrean

Patronalak langabeziak okerrera egingo duela dio eta sindikatuek langileak babestu nahi dituzte.

Bi pertsona, euren lanpostuetan lanean. ETBko bideo batetik ateratako irudia.

Agentziak | Erredakzioa

2020/04/02 - 17:54

Azken eguneratzea

2020/04/02 - 21:43

Koronabirusaren pandemiaren eraginez martxoan langabeziak emandako datuak "benetan txarrak" direla azpimarratu du Confebaskek, eta apirilean "enpleguaren jaitsiera handiagoa izatea eta langabezia gehiago haztea" espero dutela gaineratu du.

Pablo Martin Confebaskeko Ekonomia alorreko arduradunak esan duenez, 10.974 pertsonako igoera "Euskadin hilabete batean izandako igoerarik handiena da".

Martinek azaldu duenez, eta aurreikusi bezala, datuak "benetan txarrak" izan dira. 10.974 langabe gehiago daude martxotik, eta, ondorioz, pandemiak eragindako langabeak orotara 12.000 direla esan du. Koronabirusaren krisiaren aurretik, martxoa 2.000 langabe gutxiagorekin amaitzea aurreikusita zegoen.

Martinenek gogora ekarri du martxoaren lehen erdia "nahiko normala" izan dela ekonomiaren jarduerari dagokionez. Apirilean, berriz, "pandemia eta beraren aurka hartutako neurriak mailarik gorenean izango dira, eta, ondorioz, enplegua are gehiago jaistea eta langabezia haztea espero dugu".

Bestalde, ELA sindikatuaren iritziz, langabeziaren gorakadaren aurrean "enplegua babestuko duten bermeak ezartzea eta kaltetutako langileak defendatzeko neurri sozialak hartzea tokatzen da, kalitatezko zerbitzu publiko eta prestazioekin".

ELAk ohar batean kritikatu duenez, langabeziaren igoera "neurri batean pandemiaren aurrean enplegua defendatzeko hartu diren neurri faltagatik izan da, edo beranduegi hartu direlako".

ELAk nabarmendu duenez, hilabete honetan langabezian izena eman duten pertsonen % 4k baino ez dute lan erregulazioko txostena (kaleratzeak) egin.

Bestalde, LAB sindikatuak langabeziaren datuek agerian uzten dutela "erabili eta botatzeko" den "enplegu prekarioaren ezegonkortasuna" adierazi du, eta 2008ko finantza krisiaren ondoren hartutako erabakiek "ondorio ikaragarriak" uzten dituztela euskal gizartearentzat ziurtatu du.

LABek "behin eta berriz" salatu duela Gobernuek eragindako neurriek "kapital handiei soilik" egiten dietela mesede gogorarazi du.

CC. OO. eta UGT sindikatuek martxoko langabeziaren igoera deitoratu dute, eta enpresen artean koronabirusaren krisiak eragindako ziurgabetasun egoeran kaleratzearen alde egin izana kritikatu dute, nahiz eta aldi baterako lan-erregulazio batera jo ahal izan.

UGTren ustez, Euskadiko enpleguak "kontratazio masibo prekarioa duen euskal lan merkatuaren ondorioak pairatzen ditu, lan edo zerbitzu kontratuak asteka, egunez egun eta orduka izan ohi direnak, edozein momentutan eta edozein arazoren aurrean suntsitzen direnak".

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Batzordearen telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.

Zure interesekoa izan daiteke

Hurtado sailburuak turismo-zerga 2027an EAE osoan aplikatu ahal izatea espero du

Javier Hurtado Turismo sailburuak "positibotzat" jo du aldundiek egindako foru arauaren edukia, eta hiru lurralde historikoetarako araudi "homogeneoa" dela nabarmendu du. Gainera, zerga progresiboa izatea txalotu du, "gehien duenak gehiago ordaintzea" eragingo duelako.

Bizkaian garraio publikoko deskontuak abenduaren 31ra arte luzatuko dira

14 urtetik beherako adingabeek garraioa doan izango dute urte amaierara arte eta deskontuak egongo dira Gazte tarifetan eta bidaia ugariko gainerako abonuetan. Hobari-neurriak otsailera arte zeuden indarrean, eta ostegun honetan Bizkaiko Garraio Partzuergoak erabaki du abenduaren 31ra arte mantentzea.

EAErako zerga turistikoa onartzeko aurreproiektua, martxan: eguneko 7,5 eurorainokoa izan daiteke

Egonaldi turistikoen gaineko zerga udarako indarrean izatea aurreikusten dute Araba, Bizkaia eta Gipuzkoako aldundiek. Hori bai, udalerri denetan ez da aldi berean indarrean sartuko, batzar nagusiek zerga onartu eta foru araua lurralde bakoitzeko agerkari ofizialetan argitaratu ostean, udalek sei hilabeteko epea izango dutelako udal-ordenantzak egokitzeko. Udalerri bakoitzari dagokio zerga kobratzea.

BBVAk 10.511 milioi irabazi ditu 2025ean, % 4,5 gehiago

Aldaketa-tasa egonkorra erabilita, mozkinen hazkundea % 19,2koa izan zen. Erakundeko presidenteak adierazi duenez, errekor berri horrek agerian uzten du "hazkundea eta errentagarritasuna konbinatzeko dugun gaitasuna".

ELA, LAB, CC. OO. eta ESK sindikatuek Ertzaintzak Gasteizen manifestari "baketsuen" aurka egindako "erasoak" salatu dituzte

Arabako esku-hartze sozialaren sektorean lan-hobekuntzak eskatzeko mobilizazioa egin dute Arabako hiriburuan.

Inbertitzaileen euskal partzuergoak Uvesco erosteko prozesua amaitu du

Uvesco Taldeak, BM eta Super Amara marken matrizeak, 344 establezimendu eta 7.000 langile baino gehiago ditu gaur egun. Banaketa taldeak Hego Euskal Herrian, Madrilgo Erkidegoan, Avilan, Kantabrian eta Errioxan jarduten du une honetan.

AP-15 autobidea autoentzat doakoa izango da 2029tik aurrera

2029tik aurrera Nafarbide sozietate publikoaren esku geratuko da AP-15 autobidearen kudeaketa.

Confebaskek txalotu egin du gutxieneko soldataren inguruko epaia, "bere egitekoa bete" duela erakusten duelako

Ohar batean, patronalak nabarmendu du hasieratik erabili duen argudioa ontzat eman duela epaileak. Hau da, lanbide arteko gutxieneko soldatari buruzko negoziazioa Jaurlaritzaren eskumena dela.

ELAk eta LABek helegitea jarriko diote EAEko Justizia Auzitegi Nagusiaren epaiari eta gutxieneko soldata propioaren aldeko mobilizazioa areagotuko dute

Epaiak gutxieneko soldata baten negoziazioa bermatzen duela eta Confebask negoziatzera behartu beharko lukeela defendatzen dute.

EAEko Justizia Auzitegi Nagusiak ezetsi egin du ELAk eta LABek Confebasken aurka LGS propioagatik jarritako salaketa

Bi sindikatuek eskatu zuten legez kanpokotzat jotzeko Confebasken negoziaziorako ezezkoa, Langileen Estatutuan jasotzen den fede onez negoziatzeko betebeharraren aurkakotzat jotzen zutelako. Auzitegiak arrazoia eman dio patronalari, eta adierazi du Langileen Estatutuaren 27. artikuluak Espainiako Gobernuari ematen diola horretarako eskumena, eta, beraz, ziurtatu du patronalaren ezezkoa justifikatuta dagoela, gai hori ezin baita zentral salatzaileek sustatutako negoziazioan sartu.