Kooperatibek 3.000 lanpostu inguru galduko dituztela kalkulatu du Eusko Jaurlaritzak
Eusko Jaurlaritzak EAEko kooperatibak eta lan-sozietateak gainerako enpresak baino hobeto irtengo direla koronabirusaren osasun-krisitik uste du, baina aurten 3.000 lanpostu galduko dituztela kalkulatzen du, langile guztien % 5.
Hala iragarri du María Jesús San José Lan eta Justiziako sailburuak EAEko Gizarte Ekonomiaren Estatistikaren aurkezpenean. Bertan, 2019ra arte kooperatibek eta lan-sozietateek izan duten bilakaera aztertzen da, baita "Gizarte Ekonomiako beste modu batzuk" ere, hau da, fundazioak, onura publikoko elkarteak, laneratze-enpresak edo enplegu-zentro bereziak.
"COVID-19aren pandemia jarduera ekonomikoan izaten ari den eragin handiak sortutako ziurgabetasuna" gorabehera, sailburuak kooperatibek eta lan-sozietateek izan dezaketen portaera aurreikusi du, aurreko krisi ekonomikoan (2008-2014) izandako bilakaeran oinarrituta.
Gogorarazi duenez, gaur egun gizarte-ekonomia klasikoko 2.500 enpresa daude, 60.500 pertsonari enplegua ematen dietenak. Zehazki, 1.800 kooperatiba, 53.500 lanposturekin, eta 700 sozietate, 7.000 pertsonako plantillarekin.
"EAEko kooperatibek eta lan-sozietateek erresilientzia, erresistentzia eta 2008an izan zutenaren antzeko sendotasuna erakusten badute, 3000 enplegu inguruko eragina izan dezaketela uste dugu, azkenean EAEko BPGren beherakada gaur egun % 8,7koa izatea aurreikusten bada", adierazi du San Josek.
Beraz, kooperatibek eta lan sozietateek enpleguan izango duten eragina % 5ekoa izango litzateke, "EAEko ekonomia osoarentzat aurreikusitakoa baino bi puntu gutxiago", zehaztu du.
Sailburuak gogorarazi du EAEn hiru laguntza-lerro sortu direla gizarte-ekonomiako enpresentzat, 6 milioi eurotik gorako partida globalarekin, 2019an baino % 25 gehiago.
Halaber, ekonomia sozialak tokiko eremuan duen garrantzia azpimarratu du. Izan ere, EAEn Debagoiena bezalako eskualde gipuzkoar batzuetan "ia dena da", Mondragon Taldeari dagokionez, talde horrek biztanleria landunaren erdiari baino gehiagori ematen baitie lana eremu horretan.
Bestalde, "Gizarte Ekonomiaren beste modu batzuk" aipatu ditu, besteak beste, fundazioak, enplegu-zentro bereziak, eraldaketarako nekazaritza-sozietateak, arrantzaleen kofradiak eta Borondatezko Gizarte Aurreikuspeneko Erakundeak (BGAE) biltzen dituena.
Guztira 1.200 erakunde biltzen dituen kolektibo bat da, ordaindutako 28.000 lanpostu sortzen dituena eta beste 25.000 boluntario baino gehiago mugiarazten dituena.
Albiste gehiago ekonomia
Lodosako Karey Solanok konkurtsoa aurkeztu du lantegia itxi eta 36 langileak kaleratzeko
Langile gehienak antzinatasun handikoak dira, eta batez beste 50 urtetik gorakoak. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.