Hezkuntzako sindikatuen mobilizazioa gaur, datorren ikasturtea negoziatzea eskatzeko
LAB, Steilas, ELA, CCOO eta UGT sindikatuek kaleak hartzera eta gaurko mobilizazioarekin bat egitera deitu dituzte euskal hezkuntza publikoko langileak, 17:30ean, Bilbon, Eusko Jaurlaritzako Hezkuntza Sailari datorren ikasturtera begira negoziatzea exijitzeko.
Ohar baten bidez sindikatuek esan dutenez, Cristina Uriarte Eusko Jaurlaritzako Hezkuntza sailburuak maiatzaren 7an EAEko ikastetxeetarako eskola presentzialetara eta ikasturte amaierara itzultzeko plana aurkeztu zuenetik, Hezkuntza Sailaren kudeaketa "negargarria" izan da, "alde bakarreko erabakiz josia, negoziatu eta adostu gabea, eta langileengan, ikasleengan eta familiengan ziurgabetasun-egoera eragin du".
"Astez aste hartu ditu eta baztertu behar izan ditu erabakiak, bereziki hezkuntza komunitatearen presioagatik, maiatzaren 18an aurrez aurreko ikasketetara itzultzeko erabakiaren kasuan bezala", nabarmendu dute.
Era berean, "azalpenik eman ez duen, erantzukizunik bere gain hartu ez duen, pandemiak sortutako salbuespen-egoera baten kudeaketan lidergorik izan ez duen" Hezkuntza Saila aurkitu izana aurpegiratu diote.
Sindikatuek kritikatu dutenez, Hezkuntza Sailak "ez ditu langileen ordezkariekin negoziatu nahi izan segurtasun- eta osasun-neurriak ikastetxeetara itzuli eta aurrez aurreko ikasketen aurrean, eta ez du hezkuntza sare ezberdinetarako irizpide bateraturik eman, ezta negoziatu ere".
Ikasturte amaiera honen aurrean, hezkuntzaren arloko sindikatu guztiek bilera bat eskatu zuten 2020/2021 ikasturtearen hasiera adosteko eta negoziatzeko, eta Hezkuntza Sailari proposamenak eginez bidalitako dokumentu bat erregistratu zuten, datorren ikasturtearen hasiera planifikatzeko kontuan hartu beharreko puntuak jasotzen zituena.
Hezkuntza Sailari egindako proposamenaren inguruan inolako erantzunik jaso ez izana salatu dute sindikatuek. "Are gehiago, hezkuntza arloko beste eragileekin eseri eta hitz egin badute ere, sindikatuok gutxietsi egin gaituzte", nabarmendu dute.
Albiste gehiago ekonomia
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.