Siemens Gamesako Agoizko langileek oinezko martxa egin dute, lantegia itxi ez dezaten
Siemens Gamesak Agoitzen (Nafarroa) duen lantegiko beharginek oinezko martxa egin dute Iruñerako bidean, enpresako zuzendaritzak iragarritako itxieraren aurka protesta egiteko. Energia eolikoko planta horretan 239 pertsona ari dira gaur egun lanean, baina enpresak berriki jakinarazi die lantegia erabat ixteko espedientea aurrera eramateko asmoa duela, eta, ondorioz, langile guztiak kaleratuko dituela.
Ildo horretatik, lantegi horretako langileak 03:00ak aldera abiatu dira Agoizko lantegiaren ataritik Iruñerako bidean, eta 10:00ak aldera Nafarroako Parlamentura iritsi dira. Bertan, elkarretaratzea egin dute, lantegia itxi ez dezaten.
Manu Ayerdi Nafarroako Gobernuko Ekonomia eta Enpresa Garapenerako kontseilariak agerraldia egingo du Ganberan 11:00etan, Agoizko lantegia ez ixteko helburuarekin egindako negoziazioen berri emateko, eta langileen etorkizunerako planak azaltzeko.
Nafarroako hainbat eragile sozial eta sindikal biltzen dituen Nafarroako Euskal Herriko Eskubide Sozialen Kartaren iritziz, "erabaki bidegabea eta arrazoirik gabea da 239 langile langabeziara bidaltzea".
Sare sozialetan zabaldutako ohar batean, Agoizko lantegiaren itxiera "enpresaren diru-gosea soilik" eragin duela salatu du. Horregatik, dei egiten dio Nafarroako Gobernuari "enplegua modu eraginkorrean berma dezan Siemens Gamesak bere erabakia zuzendu arte".
Lantegi horretako dozenaka langilek fabrikaren bideragarritasuna defendatu zuten atzo, asteazkena, Siemens Gamesak Bilbon egindako akziodunen batzarraren aurrean.
Alfonso Poyo Agoizko lantegiko enpresa-batzordeko presidentearen ustez, enpresak itxiera eskatzeko ematen dituen arrazoiak "ez dira sinesgarriak", eta "horren atzean deslokalizazioa dago". Besterik gabe, "eskulana merkeagoa den beste herrialde batera doaz". Haren hitzetan, "Ezin da onartu 10 urte eskas dituen eta Nafarroako Gobernuaren diru-laguntzak jaso dituen enpresa bat, nahi duenean, nahi duen lekura joatea".
Enpresako zuzendaritzak, bitartean, bere asmoei eusten die, eta lantegia ixtea "erabaki zaila baina saihestezina" dela nabarmendu du.
Hori dela eta, langileek protestekin jarraitzeko asmoa dute, enpresak jarrera aldatzea zaila dela jakin arren. Arratsaldean, batzarra egingo dute Agoitzen, Irati Bizirik herri mugimenduak antolatuta.
Itxieraren aurkako protestak aste osoan egiten ari dira. Hala, bihar, ostirala, Enpresa Batzordea enpresako zuzendaritzarekin bilduko da, eta, larunbatean, Irati Bizirik-ek antolatutako manifestazio batean parte hartuko dute langileek.
Albiste gehiago ekonomia
BBVAk % 10 hobetu du Sabadell bankua eskuratzeko eskaintza
Carlos Torres BBVAko presidenteak azpimarratu duenez, hobekuntza honekin "aparteko eskaintza" jarri dute Banco Sabadelleko akziodunen esku, "balorazio eta prezio historikoarekin, eta bi bankuen batasunarekin sortutako balio handiaren parte hartzeko aukerarekin".
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.
:eitb-banner?$eitb-banner$&fmt=webp-alpha&qlt=80)
Urte amaierarako 4.000 plaza baino gehiagoko lan-eskaintza publikoa deitzea aurreikusten du Osakidetzak
Lehen Mailako Arretan betetzen zailak diren 169 plazaren esleipena amaitzen ari da Osakidetza, landa-eremuetako, arratsaldeko txandetako eta Etengabeko Arreta Guneetako asistentzia indartzeko.
BPGa % 2,2 handitu da Euskadin 2025eko bigarren hiruhilekoan
Eustatek zabaldutako datuen arabera, urte arteko hazkundea % 1,4koa izan da, hau da, aurreko urteko bigarren hiruhilekoan baino 14 035 lanpostu gehiago sortu dira aurten.
Horrelakoa izango da 2027tik aurrera egingo den euskal aireportuen handitzea
Loiuk, Forondak, Hondarribiak eta Noainek hobekuntzak egingo dituzte instalazioetan, Aenaren 2027-2031 inbertsio-planaren barruan, 13 milioi euroko inbertsio globalarekin.
Amnistia Internazionalak Jerusalemgo tren arinaren proiektua bertan behera uzteko eskatu dio CAFi
Gobernuz Kanpoko Erakundeak salatu duenez, tranbia-lineak zabaltzeak legez kanpoko asentamendu israeldarrak sendotzen eta Jerusalem ekialdea anexionatzen laguntzen du.
Greba mugagabea deitu dute Maderas de Llodio enpresan irailaren 22tik aurrera
Ohar batean, enpresa-batzordeak salatu du enpresak "ekoizpenaren % 40 beste lantokietara eramateko asmoa" iragarri duela. "Horrek deslokalizazioa suposatzen du, Madelas de Llodioko lantegiaren eta gure eskualdearen etorkizuna arriskuan jartzen duena".