Arcelorrek ez du aurreikusten epe laburrean Sestaoko ACB irekitzea
ArcelorMittalek ez du epe laburrean Sestaoko ACB irekitzea aurreikusten (martxotik dago geldirik), egoerak "oso txarra" izaten jarraitzen duelako eta altzairu berezien merkatuan ez dagoelako hobekuntzarik. Aldiz, Etxebarriko lantegia "erritmo onean" ari da lanean, pandemiak eragindako krisi ekonomikoak ez duelako latorriaren merkatuan eraginik izan.
Multinazionaleko iturriek jakitera eman dutenez, ArcelorMittalen lantegi guztietan indarrean dagoen aldi baterako lan erregulazioaren menpe daude ACBko langileak, maiatzetik hasi eta 2020ko abenduaren 31ra arte, ekoizpen eta ekonomia arazoak argudiatuta.
Sestaoko altzairutegiaren kasuan, mantentze lanetako lantalde txiki bat baino ez dago, eta "ez da eskaera ekarriko duen hobekuntzarik" aurreikusten. Beraz, "oraingoz, Sestaorako aurreikuspenen arabera, lantegiak geldirik jarraituko du, ez baitira berriro martxan jartzeko baldintzak betetzen", aipatu iturriek adierazi dutenez, egoera aldatzeko aurreikuspenik ez dagoela azpimarratze aldera.
Sestaoko ACBko bezero nagusiak autogintza eta industria dira, "oso kaltetuta" dauden merkatuak, eta horri energia elektrikoaren prezio altuak batzen omen zaizkio.
Bestelakoa da ArcelorMittalek Etxebarrin (Bizkaia) duen lantegiaren egoera, "ia % 100ean" ari baita lanean; izan ere, nekazaritzako elikagaien industriarako ontziak egiteko erabiltzen den latorriaren merkatua "ondo" eutsi diotenetako bat da. Hortaz, aldi baterako lan erregulazioak fabrika horretan duen eragina "oso txikia" da.
Albiste gehiago ekonomia
Akordiorik gabe amaitu da sindikatuen eta Mercedes Vitoriaren arteko kontziliazioa, lanaldiko bederatzigarren orduagatik
UGT sindikatuak aurrera jarraituko du prozesu judizialarekin, eta langileei lan egindako aparteko orduak berreskuratzeko eskubidea aitortzeko eskatu du.
Alokairuen prezioak mugatzeko Gipuzkoako erreferentzia indizea jaso du Etxebizitza Ministerioak
Gipuzkoan, Errenteria, Lasarte-Oria, Zumaia eta Irun daude tentsionatutako eremu gisa aitortuta daude dagoeneko, eta Donostia uztailean gehituko zaio zerrenda horri.
Sindikatuek elkarretaratzea egin dute Eskoriatzan azken lan-istripu hilgarriak salatzeko
LAB, ESK, Steilas, EHNE-Etxalde eta HIRU sindikatuek ahotsa altxatu dute ostiral honetan Eskoriatzan, basogintza sektoreko lan prekaritatearen aurka.
LEAk udazkenean ekingo dio berriro produkzioari Gamarran, aldi baterako poligono batean
Ekoizpena udazkenean hasteak "ondorio positibo argia izango du plantillarentzat", LEAk jakinarazi duenez. Aste honetan, enpresak batzordeari jakinarazi dio aldi baterako lan-erregulazioko espediente bat planteatzeko asmoa duela "ezinbesteko arrazoiengatik". Gaur egun plantilla osatzen duten 120 langileetatik 100 ingururi eragingo lieke.
Irteera-operazioa abian da, 2024an baino erregai-prezio baxuagoekin
95 oktanoko gasolina litroa 1,55 euro inguruan dago, eta diesel litroa, berriz, 1,45 euro inguruan.
Albiste izango da: Osasun Itunaren bilera, Mutrikuko istripua eta irteera operazioa
Gaurkoan albiste izango direnen laburpena, bi hitzetan.
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.