Gasteizko Udalak 163 lanpostuko Lan Eskaintza Publikoa egingo du
Gasteizko Udalak Lan Eskaintza Publiko (LEP) berria egingo du. Zehazki, 163 postu eskainiko ditu, besteak beste, administrari, mantentze, argibide eta kontrol postuetan aritzeko (C1 taldea). Izen-ematea azaro amaieran eta abendu hasieran abiatuko da.
Iñaki Gurtubai Giza Baliabideetako zinegotziak gaur azaldu duenez, asteon bertan kaleratuko dituzte eskaintzaren oinarriak Arabako Aldizkari Ofizialean. Helburua da azterketak Aste Santua baino lehen egitea, baldin eta osasun egoerak baimentzen badu.
Lanpostuetara aurkezteko Batxilergoa edota Lanbide Heziketako titulazioa eduki behar da. Aterako diren 163 horietatik 100 baino gehiago administrari lanpostuetarako dira.
Horrez gain, musikaren arloan, 11 plaza eskainiko dira, gehienak irakasleentzat. Halaber, delineatzaile-teknikarientzat bederatzi plaza, mantentze-teknikarientzat beste bederatzi eta informatika-teknikarientzat zazpi leku ere eskainiko dira. Gainerako plazak obra, ikuskaritza eta abarrekin lotutako kategoria-profesionaletako lanpostuetarako dira.
LEPa goi mailako eta erdi mailako taldeentzako deialdiarekin hasi zen, eta gaur iragarritako hori LEP horren beste pauso bat da. Aurreko fase hartan, 169 funtzionario sartu ahal izan ziren udalean, eta une honetan praktikak egiten dihardute.
C1, C2 eta E taldeei dagokienez, datozen bi urteetan ia 700 postu izango dituen lan eskaintza osatzea aurreikusi du Udalak. C1 taldekoen azterketak amaituta, C2 eta E taldeetako eskaintzaren oinarriak negoziatzen hasiko da.
"Aurreko legegintzaldian abiarazitako enplegu-eskaintza guztien prozesua amaitzen denean, ia 1.000 lanposturen sustapena egina izango dugu, eta bitartekotasun-tasa % 10etik behera jaitsita", nabarmendu du Gurtubaik.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.