Erretiroaren adin legala 66 urtera igoko da 2021eko urtarrilean
2021ean pentsioaren % 100arekin erretiroa hartu nahi duten langileek 66 urte beteta izan beharko dituzte gutxienez, 2013an egin zen pentsio-erreformaren arabera. Erreforma horretan, erretiro-adina 65 urtetik 67 urtera igotzen zen pixkanaka-pixkanaka, 15 urteko epean.
66 urte eskatuko zaizkie 37 urte eta hiru hilabete baino gutxiago kotizatu dutenei. Aldiz, 37 urte eta hiru hilabete baino gehiago kotizatuta dutenen kasuan, 65 urterekin hartu ahal izango dute erretiroa, pentsioaren % 100arekin.
2013ko erreformarekin aldatu ez zena erretiro-pentsio kontributiboa jaso ahal izateko gutxieneko kotizazio-baldintza da. Gutxienez 15 urte kotizatuta izan behar dira horretarako, eta horietako bi erretiroa hartu aurreko 15 urteetan kotizatu behar dira.
Gainera, datorren urtean pentsioak kalkulatzeko epea urtebete igoko da 2020arekin alderatuta, gaur egungo 23 urtetatik 24 urtera artera, hain zuzen ere. Horrek esan nahi du urtarrilaren 1etik aurrera, azken 24 urteetako kotizazioen arabera kalkulatuko dela pentsioa.
Erretiro partziala
Langileek erretiro partziala hartu nahi badute, enpresak errelebo-kontraturik egin gabe, gutxieneko adina kasu bakoitzean aplikatzekoa den erretiro-adin arrunta izango da.
Enpresak errelebo-kontratu bat egiten badu erretiro partziala hartzen duen langileak lan egiteari uzten dion denbora estaltzeko, erretiro partziala hartzeko gutxieneko adina 62 urtekoa izango da urtarrilaren 1etik aurrera, baldin eta langileak gutxienez 35 urte eta hiru hilabete kotizatu baditu, edo 63 urtekoa 33 urte kotizatuta izanez gero.
Gutxieneko pentsioak
Kontribuziozko gutxieneko pentsioak hilean 2 eta 11 euro artean igoko dira gutxi gorabehera, 2021erako Estatuko Aurrekontu Orokorretan aurreikusitako % 0,9ko errebalorizazioarekin.
Zehazki, % 0,9ko igoerarekin, ezkontidea ardurapean duten 65 urteko erretirodunen gutxieneko pentsioa hilean 851 eurokoa izango da, 14 ordainsaritan; ezkontiderik gabekoena 689,7 eurokoa, eta ardurapean ez dagoen ezkontidea dutenena 654,6 eurokoa.
65 urte baino gutxiago dituzten erretirodunen kasuan, 2021erako gutxieneko pentsioa hilean 797,9 eurokoa izango da, ezkontiderik gabe hilean 645,3 eurokoa, eta ardurapean ez dagoen ezkontidea dutenena hilean 609,9 eurokoa.
Bestalde, erretiroko gehienezko pentsioa hilean 2.707,49 eurokoa izango da, hamalau ordainsaritan.
Gutxieneko alarguntza-pentsioak
Gutxieneko alarguntza-pentsioak hilean 4,7 eta 7,2 euro artean igoko dira 2021ean, egoeraren arabera. Zehazki, familia-kargak dituzten titularren gutxieneko alarguntza-pentsioa 797,9 eurokoa izango da hilean.
65 urte baino gehiago izanez gero edo % 65eko edo gehiagoko desgaitasuna izanez gero, alarguntasun-pentsioa gutxienez 689,7 eurokoa izango da hilean.
Alarguntza-pentsioaren titularrak 60 eta 64 urte bitartean baditu, hilean 645,3 eurokoa izango da; 60 urtetik beherako onuradunen kasuan, berriz, prestazioa hilean 522,5 eurokoa izango da.
Bestalde, baliaezintasun handiko kotizaziopeko gutxieneko pentsioa hilean 1.276,5 eurora igoko da ezkontidea bere kargura izanez gero, eta 1.034,6 eurokoa izango da ezkontidearen kargura ez badago.
Ezkontidea ardurapean duten 65 urteko titularren ezintasun absolutu edo osoagatiko gutxieneko pentsioa 851 eurokoa izango da hilean, eta ezkontiderik ez dutenena hilean 689,7 eurokoa.
Umezurtzak
Zurztasun-pentsioen kasuan, gutxieneko zenbatekoa hilean 210,8 eurokoa izango da onuradun bakoitzeko. Onuradunak 18 urte baino gutxiago baditu eta % 65eko edo gehiagoko desgaitasuna badu, berriz, 414,7 eurokoa izango da hilean.
Albiste gehiago ekonomia
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.