Lehendabiziko lanuztea egin dute Tubacexen kaleratzeak salatzeko
Tubacexeko zentro arteko langile batzordeak deituta, egun osoko lanuztea egin dute ostegun honetan TTIko eta Aceleravako lantegietan, aldi baterako enplegu erregulazioko espedientearen kontrako protesta egiteko. Ostiral honetan 24 orduko beste lanuzte bat egingo dute, eta astelehenetik aurrera, greba mugagabea dago deituta.
Konpainiak 150 behargini eragingo dien erregulazio espedienteak iragarri zuen astelehenean. Batetik, TTIko 115 langileri eta Aceralavako 35i eragingo dien enplegu erregulazioko espedientea dago, eta, bestetik, aldi baterako enplegu erregulazioko espedientea ere ezarriko du, eta kasu horretan langile guztiei eragingo die, martxoaren 29tik irailaren 30era, eta gehienez lanaldiaren % 60an.
Egunotarako antolatuta dauden protesta ekintzen artean, gaur manifestazio jendetsua egin dute Laudion, beharginek herritarren babesa eta elkartasuna jaso dute. Bihar ibilgailu karabana egingo dute, 10:00etan hasita, eta kaltetutako lantegietatik abiatuta.
Atzo, greba mugagabea deitu zuten Tubacexeko sindikatu guztiek datorren astelehenetik, otsailaren 15etik, aurrera, Europa Pressek sindikatuetako iturriak aipatuta jakinarazi zuenez.
ELA, LAB, Stat eta independenteek greba mugagabearen aurreabisua sartu zuten asteartean. CCOOk, berriz, langileei hainbat protesta molderen artean bat hautatzeko aukera ematea proposatu zuen. Azkenean, greba mugagabearen alde egin zuten, eta CCOOk ere bat egin zuen horrekin, eta parte-hartze aktiboa izango zuela iragarri.
Zure interesekoa izan daiteke
Egungo gutxieneko soldata kobratzen dutenek diote ez dela nahikoa duintasunez bizi ahal izateko
Zaintzan eta garbiketan; ostalaritzan eta turismoan; saltokietan, logistikan eta nekazaritzan… Arlo horietan ohikoa izaten da lanbide arteko gutxieneko soldata erreferentziatzat hartzea ordainsariak ezartzeko. Langileek salatzen dute jasotzen duten horrekin ezin dela bizi, eta ezinbesteko jotzen dute 1.500 eurora igotzea duintasunez bizi ahal izateko.
Donostia Ospitalearen parean manifestazioa egin dute medikuek, estatutu eta gutxieneko soldata propioa eskatzeko
Euskadiko Medikuen Sindikatuak deituta, medikuek bat egin dute M17ko greba orokorreko aldarrikapenekin. Medikuek bigarren greba astea hasi zuten atzo, estatutu propioa eskatzeko.
Eusko Jaurlaritzak istiluak gaitzetsi ditu eta elkarrizketa sozialaren alde egin du gutxieneko soldata propioa lortzeko
Maria Ubarretxena bozeramailea bat etorri da gutxieneko soldata propioa lortzeko aldarrikapenarekin, baina ez konfrontazio bidearekin.
Piketeek kalteak eragin dituzte Bilboko Kale Nagusiko denda batean
Hainbat pertsona pertsiana erdi itxita zegoen denda batera sartu dira, eta desordenak eta kalteak eragin dituzte, irudietan ikusten denez.
Eusko Jaurlaritzak 1.047 milioi euroko industria-ezkutua abiatu du, Ekialde Hurbileko gerraren ondorioei aurre egiteko
Neurri-sortak euskal industrialariaren eskaerei erantzuten die, ziurgabetasun geopolitiko gero eta handiagoko testuinguru batean, eta lau ardatz nagusiren inguruan egituratuko da: enplegua babestea, ETEei finantzaketa-laguntza ematea, ETEak dibertsifikatzea eta autonomia energetikoa.
Martxoaren 17ko greba orokorra, iruditan
Greba orokorra deitu dute gaurko Hegoalden ELA, LAB, Steilas, ESK, Hiru eta Etxalde sindikatuek, LGS propio baten alde, "Gutxieneko soldata hemen erabaki. LGSa 1.500 euro. Soldatak hobetu, aberastasuna banatzeko" lelopean.
Brent petrolioaren prezioak 100 dolarren gainetik jarraitzen du
Gatazka belikoaren aurretik, petrolioaren erreferentziazko prezioa 72 euroan zegoen. Ormuzko itsasartearen itxi izanak prezioek izugarri gora egitea eragin du.
Albiste izango da: M17ko greba orokorra, Jaurlaritzaren neurriak krisi energetikoari aurre egiteko eta borondatezko kaleratzeak Tubos Reunidosen
Gaurkoan Orain-en albiste izango direnen laburpena, bi hitzetan.
Piketeek Bilboko sarrera errepidea itxi dute, San Mamesen
"Gaur, greba orokorra" eta "Borroka da bide bakarra" oihukatuz, hainbat pertsonak Bilbotik irteteko errepidea itxi dute, San Mamesen, goizeko lehen orduan.
Gutxieneko soldata propioaren aldeko manifestazioak hiriburuetan, greba orokorraren egunean
ELA, LAB, Steilas, Etxalde eta Hiru sindikatuek adierazi dutenez, industria alorreko enpresa handi askok beren ekoizpena eten dute eta grebak "jarraipen zabala" izan du halaber hezkuntzan eta zerbitzu publikoetan. Halaber, piketeek errepideak moztea eragin dute, besteak beste, N-1 errepidean (Andoain parean), Bilboko sarrera nagusietan eta Sakanako autobidean. Era berean, tentsio uneak eragin dituzte Bilboko Kale Nagusian.