Garbiñe Aranburu: "Jaurlaritzak babesik gabe utzi ditu Tubacexeko langileak"
Tubecexeko langileek egindako grebaren harira sortutako istiluei buruz mintzatu da Radio Euskadiko "Boulevard" saioan LABeko idazkari nagusi Garbiñe Aranburu: "Tubacexek etekin izugarriak izan ditu, eta lan erreformaz baliatuta, errazenera jo du".
Ildo horretan, Aranburuk esan du enpresa horren arazoak "koiunturalak" direla, eta, beraz, Jaurlaritzak ez dituela beharginak babestu. Are gehiago, protestak gelditzeko asmoz-edo "Ertzaintza mobilizazioetara bidali izana" kritikatu du. Aranbururen ustez, irudi horiek "digeritzeko zailak" dira, baina "langileen jokabide duinaren adierazle" ere badira.
Lan erregulazio espedienteen inguruan ere hitz egin du, eta argi utzi du "lanpostu asko suntsitu dituztela" eta jende gazte asko esplotatu dutela. Horrekin lotuta, LABek uste du "mobilizazio handiak" behar direla, "baina ELAk ez du horretan parte hartu nahi". Hain zuzen ere, ELAri aurpegiratu dio "enplegu suntsiketaren aurrean harresi bat eraikitzeko orduan" batasun sindikalari bizkarra eman izana.
Aranbururen iritziz, ELAk ez du arlo pribatuan patronalarekin gatazkarik izan nahi, grebak eta Bizkaiko metalgintza sektorean egindako borrokak patronalarekin negoziatzeko bide eman diotelako. "Jokabide horrek boterearen aurkako sindikalismoa ahultzen du" eta "dinamika berriei atea ixten die", esan du.
Era berean, Aranburuk salatu du lan erreforma indargabetzeko dinamiketan ere betoa jarri diela ELAk. "Estatuari aurre egiteko orduan atzera egin du", haren esanetan.
Txertaketa kanpainari dagokionez, "plan argi bat eta gardentasunik ez egotea" penagarria dela irizten dio. LABeko idazkari nagusiarentzat, ez dituzte lehentasunak behar bezala ezarri: "Ertzainak anbulantzietako langileen aurretik jarri dituzte, zentzugabea da eta planifikazio eza erakusten du". Horregatik, Gotzone Sagarduiri egotzi dio kargua utzi ez izana.
"Egungo ekoizpen eta kontsumo eredua zalantzan jarri beharrean gaude". LABek dio Petronorrek eta beste 78 erakundek bultzatutako Hidrogenoaren Euskal Korridorearen proiektuak ez diola "trantsizio ekosozialistari" erantzuten, alegia, ez diola kapitalismoari biderik ixten: "Ikusi beharko da estrategiko gisa definitu duten egitasmoa nola gauzatzen duten eta lan bermerik gabeko diru publiko horren kontrol politikoa eta soziala nola bideratzen duten".
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.