PCBren batzordeak ez du onartuko kaleratutakoak ez berrartzeko "mendekuzko ekintza"
PCB-ITPren enpresa batzordeak ohartarazi duenez, ez dute onartuko baliogabetutako lan erregulazio espedientean kaleratutako lankideak euren postuetan ez hartzeko zuzendaritzak egindako "mendekuzko ekintza", eta horren kontra borrokatuko dute "eskura dituzten tresna guztiekin". Era berean, Jaurlaritzarekin oso kritiko agertu dira, eta galdetu diote, EAEko Auzitegi Nagusiaren epaiaren ostean, Eusko Jaurlaritzari galdetu diote "ea zer gehiago behar duen PCB-ITPren lanpostuen defentsa egiteko".
Enpresa batzordeko kideek prentsaurrekoa egin dute gaur, eta hasteko Barakaldoko eta Sestaoko 87 langilek jasotako kaleratze gutunak erre dituzte. EAEko Auzitegi Nagusiak baliogabetzat jo zuen zuzendaritzak aurkeztutako lan erregulazio espedientea, eta behargin guztiak euren postuetara itzuli behar zirela ebatzi zuen.
Agerraldian epaiarekin pozik agertu dira langileen ordezkariak. Euren esanetan, "azken urtean hirugarrenez, bere kontrako epaia jaso du PCBren zuzendaritzak, oraingo honetan egindako kaleratzeen kontrakoa".
Enpresa batzordearen aburuz, epaia "suntsitzailea" da eta langileen ordezkariek "hasieratik defendatutako tesia" berretsi du, alegia, "ez zeudela talde kaleratze hori egiteko arrazoi ekonomiko edo produktiboak". Salatu dutenez, "enpresa covid-19ak sortutako krisia baliatzen saiatu da langileak kaleratzeko eta taldea saltzeko prozesua errazteko".
Langileen ordezkariek esan dute egoera hori beste modu batera konpon zitekeela, adibidez, "pandemiak eragindako aparteko egoerak baimendutako neurriekin", baina horren ordez, kaleratzeen aldeko apustua egin du zuzendaritzak.
Hala, batzordeak salatu duenez, "azken urteetako finantza-emaitzen erabilera interesatua izan da, langileen artean liskarrak sortu dira eztabaida desbideratzeko eta Ertzaintzak langileen aurka egindako errepresio-ekintzak bultzatzeko, protestak deslegitimatzeko eta beldur kolektiboa ezartzeko". "Euren irizpidea inposatu nahi dute, kaleratu egin nahi dute, eta ez zaie axola gizartearen gaitzespen orokorra, ezta Euskadiko instantzia judizial gorenak bere kontra emandako epaiak ere", aurpegiratu diote zuzendaritzari
Jaurlaritzak entzungor egin dio lanpostuen defentsari
Bestalde, batzordearen ustez, "penagarriena da Jaurlaritzak PCB-ITPko lanpostuen defentsari entzungor egin diola", eta protesten aurka egiteko "Herrizaingo Saila indartu besterik ez duela egin".
"Zer gehiago behar du PCB-ITPko lanpostu guztiak mantentzearen alde egiteko? Zuzendaritzak epai judizialak alde batera utzi eta 2016 eta 2020 urteen artean gutxienez 6,8 milioi euroko laguntza publikoak jasotzen dituen talde bati kaleratzeak bere nahierara egiten utziko al dio? ", galdetu du batzordeak.
Era berean, langileen ordezkariek Tapiari galdetu diote ea Jaurlaritzak ez ote duen "enpresari erantzukizunik eskatzeko asmorik, batez ere taldearen salmenta prozesua eta bertan parte hartzeko asmoa bultzatzen ari diren testuinguru batean".
Azkenik, PCBn gertatutakoak "borrokan elkartasuna zein garrantzitsua den" berresten diela adierazi du batzordeak. Horren harira, Tubacex, Aernova, Alestis eta Petronor enpresetako langileek, pentsiodunek, gazteek, mugimendu pentsiodunek, alderdi politikoek eta, "bereziki, Ezkerraldeko biztanleek" emandako babesa eskertu dute.
Albiste gehiago ekonomia
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.
Petronorreko enpresa batzordeak enpresaren egoera "tamalgarria" salatu du, eta "presio neurriekin" mehatxu egin du
Plantillako ordezkariek adierazi dute ez direla bete zuzendaritzarekin lortutako akordioak, eta nabarmendu dute "tamalgarria" dela Muskizko findegiko instalazioen egoera.