Nork eska dezake Eusko Jaurlaritzaren kontziliaziorako laguntzaren bat?
Berdintasun, Justizia eta Gizarte politiketako Sailak laguntza ekonomikoen zenbait lerro eskaintzen dizkie langileei, haien familien zaintza eta lan-jarduera bateragarri egiten laguntzeko.
Ohiko diru-laguntzez gain, aurten gehiago eskainiko ditu Eusko Jaurlaritzak, covid-19aren krisiak eragindako familiei bultzada emateko.
Ohiko laguntzak
Familia eta lana bateragarri egiteko laguntzak honako hauek dira eta urteko edozein unetan eska daitezke:
-Seme-alabak zaintzeko eszedentzia edo lanaldi-murrizketa txikia duten langileentzako laguntzak.
-Mendetasun-egoeran edo osasun-egoera oso larrian dauden senitartekoak zaintzeko eszedentzia hartu edo lanaldia murriztu duten langileentzako laguntzak.
-Hiru urtetik beherako seme-alabak zaintzeko langileak kontratatzeko laguntzak.
-Lan-eszedentzian dauden langileentzako laguntzak, gurasoek urtebetetik beherako adingabea jaio eta zaintzeagatik jasotzen dituzten ordaindutakoaren araberako prestazioen aldiak parekatzeko.
-Eszedentzian dauden guraso bakarrak diren langileentzako laguntzak, umearen bizitzako lehen urtean zaintzeko.
Aparteko laguntzak
-Alarma-egoeran, 2020ko martxoa eta ekaina bitartean, lanaldi-murrizketa luzatzera edo senitartekoak zaintzeko eszedentzia eskatzera behartuta egon ziren familientzako laguntzak (eskola-jarduera ixteagatik, mendekotasuna duten pertsonak artatzeko zentroengatik, edo gaixo edo kutsatuta dauden pertsonak zaintzeagatik). Atzeraeraginez eska daiteke 2021eko ekainaren 21era arte.
-2020-2021 ikasturtean seme-alabak zaintzeko pertsona bat kontratatu behar izan duten familientzako laguntzak, covid-19ari eusteko neurriek sortutako kontziliazio-zailtasunengatik (mugikortasuna mugatzea, eskolaz kanpoko jardueren eskaintza ez egotea edo murriztea, jantoki-zerbitzurik ez izatea, iraupen txikiagoko eskola-egunak, etab). 2021eko martxoaren 1etik 2021eko irailaren 30era bitartean eska daiteke.
Informazio gehiago nahi izanez gero, Familien eta Haurren Zuzendaritzaren webgunea kontsultatu daiteke edo 012 telefonora deitu.
2020ko laguntzak eta sexu arrakala
2020an, 14.242 lagunek jaso zuten Eusko Jaurlaritzaren kontziliaziorako laguntzaren bat. Horien artean, 12.324 emakumezkoak dira (% 87) eta 1.918, gizonezkoak (% 13).
Hurrengo grafikoan ikus daitekeenez, haurren zaintzarekin lotutako diru-laguntzen eskaeran ere esanguratsua da arrakala; izan ere, 11.369 dira emakumezkoak eta 1.358, gizonezkoak.
Albiste gehiago ekonomia
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.