Alkorta: "Saiatu gara siderurgia martxan jartzeko lan egiten, baina ez digute utzi"
"Saiatu gara Azpeitian siderurgia martxan jartzeko lan egiten, baina ez digute utzi. Eusko Jaurlaritzak, Gipuzkoako Foru Aldundiak eta Cristian Lay enpresak uko egin diote Trukutxon lantegia martxan jartzeko aukera aztertzeari". Hala adierazi du gaur Azpeitiko alkate Nagore Alkortak Udalean Corrugados Azpeitiaren inguruko xehetasunak azaltzeko egindako agerraldian; bertan izan dira Josu Labaka Hirigintza zinegotzia eta Aitor Bereziartua Ingurumen zinegotzia ere.
Behin eta berriz esan bezala, "enpresak proiekturik ez" duela berretsi du, eta ingurumen baldintzak eta baldintza juridikoak betetzen ez diren eremu batean lantegia martxan jartzeko aukera "lau haizetara zabaldu" izana salatu du. "Orain, inolako proiektu ekonomikorik gabe sortutako ehunka lanpostu fiktizioren aukera galduaz hitz egiten digute, sortutako espektatiba faltsuen ardura Azpeitiko Udalaren gain jarriz, gainera".
Alkortak esan duenez, Eusko Jaurlaritzak eta Gipuzkoako Foru Aldundiak "aspalditik" zekiten Corrugados Azpeitia ez zela irekiko: "Pribatuan onartu bezala, jakin badakite ez daukatela Corrugados irekitzeko idatzizko dokumenturik, ez proiektu ekonomikorik, ez negozio planik, ez azterketa teknikorik, ez eta ingurumen inpaktuko azterketarik ere".
Horren harira, "lanpostu horien guztien sorrera sostengatzen duen benetako proiektu ekonomikoa eta ingurumen baldintzen betekizunena" aurkez dezatela eskatu diete aipatutako bi erakundeei.
Udala, alderdi interesen gainetik, "azpeitiar guztien interesak" defendatzen ari dela ere zehaztu du: "Zurrunbilo mediatikoaren erdian kokatu gaituztenetik, egia esan dugu beti", eta gaineratu du Corrugadosen inguruan abian izan den "prozedura ofizial bakarra" instalazioak desmuntatzeari lotutakoa izan dela. "Hori Eusko Jaurlaritzak ere badaki. Badaki, besteak beste, espediente horretan ingurumen baimenak zeintzuk izan behar diren adierazi zuelako 2020ko azaroan".
Udalak baieztatu du, orain, Metales Vela SL enpresako makinen jabeak igorritako akta eskuetan, "Amue eta Marcial Ucin eremuetako makineria desmuntatzeko lanak hasi direla".
Eremua berreskuratzea helburu
Alkortak adierazi du, Corrugados enpresa desmuntatzearekin batera, Azpeitia "fase berri batean" sartuko dela eta "ia 10 urtez ezerezean izan diren lurrak berreskuratzeko prozesuari" ekingo diola. Etorkizunari "ilusioz" begiratzeko unea dela azpimarratu du. Izan ere, herri erdigunean Azpeitia garatzeko garrantzitsua izango den eremua berreskuratuko da. Horretarako, "Marcial Ucin eremuko industria birgaitzea sustatu beharko da eta, ingurumen baimenak beteaz, Arauntza mendiko Corrugadosen zabortegia behin betiko zigilatzeko prozesua abiatuko da". Alkateak adierazi duenez, Udalak "Azpeitiak Trukutxon siderurgia aktibatzeko gordea duen aukera lantzen" jarraituko du. "Azpeitiak ez baitio inoiz industriari bizkarrik eman. Eskualdean, Gipuzkoan eta Azpeitian siderurgia martxan jartzeko eremu bat dago hor".
Azpeitia "herri aktiboa, ekintzailea eta langilea" dela azpimarratu du, eta "kontrakoa irudikatzen saiatu" badira ere, "etorkizunari baikortasunez eta erantzukizunez begiratzen" dion herria dela esan du. Azpeitiko herriarekiko "begirunea" eta Azpeitiko Udalarekiko errespetu instituzionala eskatu ditu: "Azpeitiarrok ez dugu merezi gure herriari egiten ari zaion kaltea".
EH Bilduk dokumentua aurkezteko eskatu du
Unai Urruzuno EH Bilduk Eusko Legebiltzarrean duen bozeramaileak salatu egin du Corrugados aferaren harira Eusko Jaurlaritza eta Gipuzkoako Foru Aldundia Azpeitiko Udalaren kontra zabaltzen ari diren kanpaina. "Gezurretan ari dira, helburu bakar batekin, EH Bilduren posizio politikoak higatzea", eta dioenez, "ez daukate inongo lotsarik Nagore Alkortaren kontrako ehiza abiarazteko".
Urruzunoren hitzetan, "gaur Tapia sailburua gezurrak esaten entzun dugu, eta "larriena Tapiak berak gezurretan dabilela dakiela da". "Tapiak dio badagoela proposamen bat enpresa hori berriro zabaltzeko. Bada, hori horrela bada, erakuts dezala behingoz eskaera edo proposamen ofizial hori". Urruzunok baieztatu duenez, "ez dago inongo eskaera ofizialik enpresaren aldetik, ez behintzat Udalean; Tapiak baldin badauka, atera dezala".
Ohartarazi du "guztia ez dela zilegi politikan" eta "Eusko Jaurlaritza gai honetan erakusten ari den jarrera arduragabea" salatu du.
Zure interesekoa izan daiteke
Euskadiko Medikuen Sindikatuak lau greba egun hasiko ditu asteartean, estatutu propioa baten aldarrian
Euskadiko Medikuen Sindikatuak greba egingo du Estatutu Markoaren zirriborroaren aurka egiteko. Negoziazioen aurrean, Estatutu propio bat aldarrikatu dute, horrek bakarrik lanbidearen berezko ezaugarriak islatu eta erregulazio espezifiko bat defenda lezakeela baitiote.
Txerri izurriaren birusarekin lan egiten duten zentroen auditoretza agindu du Generalitateak
Era berean, nabarmendu du agerraldia ez dela iritsi eremuaren barruan dauden 55 etxaldeetako bakar batera ere. Hartara, abeletxe horietako txerrien haragia Espainiako merkatuan kontsumitzen hasiko da.
Guggenheim patronatuak ezetz esango dio Urdaibaiko museoa eraikitzeari
EITB Mediak jakin ahal izan duenez, Urdaibaiko Guggenheimen etorkizuna abenduaren 16an argituko da. data hori aukeratu du patronatuak proiektuarekin zer egin aztertzeko. Badirudi alboratuta geratuko dela, bideragarritasunaren inguruko zailtasunak ikusita.
Metro Bilbaoren 4. lineak Matiko eta Alonsotegi lotuko ditu
Metroaren linea berria Matiko, Deustu, Parke, Moyua, Irala, Errekalde, Basurtu, Zorrotza eta Irauregiko geltokietatik igaroko da. Gaur, Eusko Jaurlaritzak eta Bizkaiko Foru Aldundiak 4. linea eraikitzeko eta finantzatzeko akordioaren xehetasunak aurkeztu dituzte.
Jauregik ziurtzat jo du bazkide berriak "helduko" direla Ayesaren erosketarako sortutako partzuergora
EH Bilduk ohartarazi duenez, operazioaren iragarpenak erosketa "garestitu" dezake oraindik erabat itxita ez dagoelako.
Aurrekaririk ez duen negozioa izango da Munduko Futbol Txapelketa
2023-26 planaren barruan, txapelketaren antolakuntzak 3756 milioi dolarreko aurrekontua du, eta 13.000 milioi dolar inguruko diru-sarrerak izateko aurreikuspena.
Confebaskek zalantzan jarri du ELAk herrialdeari egiten dion ekarpena, eta Lakuntzak erantzun du "hitzarmen gehien eta hoberenak" lortzen dituela
Tamara Yagüe Confebaskeko presidenteak kritikatu du sindikatuak borrokara jotzen duela "bide bakar gisa, elkarrizketaren eta negoziazioaren kaltetan".
Tamara Yague, Confebasken presidentea: "Zer ekarpen egiten dio ELAk herrialdeari?"
Tamara Yague Confebasken presidenteak mezu gogorra helarazi du ELA sindikatu nagusiaren aurka, sindikatuak patronalaren aurkako salaketa aurkeztu ostean. Yaguek kritikatu du sindikatuak borrokara jotzen duela bide bakar gisa, elkarrizketaren eta negoziazioaren kaltetan.
Oposizioko taldeek osoko zuzenketak aurkeztu dizkiete Arabako aurrekontuei
Oraingoz, Foru Gobernuak ez du aurrekontuak aurrera ateratzea bermatuta, eta elkarrizketak izaten jarraitzen du, batez ere Elkarrekin Podemosekin. Talderen baten babesa edo abstentzioa lortzen ez badu, aurtengo kontuak luzatu beharko ditu.
Sindikatuek greba mugagabea deitu dute urtarrilaren 27tik aurrera eta asteartero Osasun Ministerioari profesional guztientzako Esparru-Estatutua eskatzeko
Mahaiak Osasun Sistema Nazionaleko langile guztien lan-baldintzak hobetzea du helburu, sanitarioena eta ez sanitarioena, "salbuespenik gabe, pribilegiorik gabe eta distortsiorik gabe". Ministerioa sindikatu mediku batzukein Estatutua paraleloan negoziatzen ari dela kritikatu dute.