Multinazionalei zuzendutako zerga-sistema adosteko urratsa eman du G20k
G20ko Finantza ministroak eta banku zentralak bi eguneko goi-bilera egiten ari dira Venezian, multinazionalei ezarri beharreko zerga-sistema berriaren harira akordio bat lortzeko asmoz.
Joan den uztailaren 1ean, Ekonomia Lankidetza eta Garapenerako Erakundeak adostu zuen zerga-sistemak bi oinarri ditu: alde batetik, irabaziei lotutako tasa bat ezarri nahi dute, jarduten duten herrialde guztietan zergak ordaindu ditzaten, egoitza fisikorik izan ez arren; eta bestetik, sozietateen gaineko gutxiengo zerga % 15ekoa izatea erabaki zuten, 750 milioi eurotik gorako fakturazioa duten enpresen kasuan.
"Frantziako Gobernuak lan handia egin du lau urteotan akordio hau egiteko eta orain itun hori G20ren baitan adosteko aukera dugu", Bruno Le Maire Finantza ministro frantziarrak.
Nadia Calviño Ekonomia Gaietarako ministro espainiarrak adierazi du akordioa larunbat honetan itxiko dutela espero duela.
Zein izango da multinazionaleko ordainduko beharko duten zerga minimoa? Hor dago eztabaidaren gakoa orain. Ameriketako Estatu Batuak, Argentina edota Frantziak indarra egiten ari dira % 15etik gora kokatzeko zenbateko hori.
"G7ren bileran, sozietateen gaineko zerga minimoa % 15ekoa izatea onartu genuen, baina % 15etik gora egon beharko litzatekeela uste dugu eta hori da hemen defendatuko dugun aukera", azpimarratu du Le Mairek.
Munduko agintariek itun politiko bat egin nahi dute konpainia handiek zergak ez ordaintzeko aukerarik izan ez dezaten eta beren irabaziak paradisu fiskaletara eraman ez ditzaten.
Edonola ere, litekeena da portzentaje horri buruzko eztabaida hilabeteetan luzatzea eta erabaki definitiboa urrian Erroman egingo duten goi-bileran hartzea.
Albiste gehiago ekonomia
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.